1 ÚKLƆ́ KÚ AƆ́CƐ́ 3 - Ubáyíbu kú Idɔma

Ayí kú Udéfīdi

¹ Ɛ̄nyā wɛ ayí kú Udéfīdi nēé ma lɛ ɔ́ Uhɛ́brɔn ogbace ɔgbace á. Ámnɔn nɛ̄ ɛ́nɛ́ nū wɛ Ahínōwam nōo ŋmá Ujɛ́siríili ā. Udánīyɛlu, nɛ̄ ɛ́nɛ́ nū wɛ Abígɛ̄ɛlu nōo ŋmá Ukámɛ̄lu ā.

² Ábsālɔm, nɛ̄ ɛ́nɛ́ nū wɛ Umáaka, ɔyínɔ̄nyā kú Utálmāyi, ɔcɛ́ kú Ugɛ́ssɔ ā. Adónīja nɛ̄ ɛ́nɛ́ nū wɛ Uhágīti ā.

³ Uséfatīya nɛ̄ ɛ́nɛ́ nū wɛ Abitalu ā. Ɔ̄cɛ ɔ́mɛhīlī ā wɛ Itréyam nɛ̄ ɔnyā nū Égla ma ā.

⁴ É ma odúúdú ayí ɛhīlī ā lɛ Udéfīdi eko nōó wɛ ɔcɛ́ Uhɛ́brɔn iháyí ahāapa ce ɔyā ɛhīlī ā. Ó wɛ ɔcɛ́ Ujerúsālɛm iháyí ofu cigwɛ́ɛtá.

⁵ É klla ma ayí alɛwa lɛ ɔ́ abɔ́ɔ. Ɔnyā nū Ubatsséba, ɔyínɔ̄nyā kú Ámmīyēlu ā, ma ayí ɛnɛ lɛ ɔ́. Iyē kú uwā bá yɔ̄ á: Ussímēya, Ussɔ́bābu, Unátan mɛ́mla Usólōmɔn.

⁶ Udéfidi klla ma ayí ahāanɛ ɔhá. Iyē kú uwā kē bá yɔ̄ á: Ibíha, Ɛlíssūwa, Ɛlipélēti.

⁷ Aóhile kē bá yɔ̄ á, Unóga, Unéfegi, Ujafíya,

⁸ Ɛlíssāma, Ɛlíyāda, mɛ́mla Ɛlífɛ̄lɛti.

⁹ Ó klla lɛ ayí ɔhá nɛ̄ anyā ɔlɛ́ nū nōo ī cikpó uwā ā ma lɛ ɔ́ nēé bá ipú ayí nēé cɔ̄ɔ̄cí nyā ɛ́ɛ́ ŋ́. Udéfīdi klla le ɔyínɔ̄nyā éyi nōo lé ka Utáma.

Ayí kú ɔcɛ́ Usólōmɔn

¹⁰ Ayí mɛ́mla ayááyí kú Usólōmɔn nēé gboce īyī uwā, ŋmá ádā ga ɔyí ā bá yɔ̄ á. Uréhobōwam, Ábīja, Ása, Ujɛhóssāfāti,

¹¹ Ujɛhóram, Ahasíya, Ujówāssi,

¹² Amásīya, Ussíya, Ujótam,

¹³ Áhāsi, Uhɛsɛkíya, Umanásɛ,

¹⁴ Ámɔ̄n mɛ́mla Ujosíya.

¹⁵ Ujosíya ma ayí ɛnɛ. Uwá kē bá yɔ̄ á: Ujohána, Ujɛhóyākim, Usedekíya mɛ́mla Ujowáhāsi.

¹⁶ Ujɛhóyākim ma ayí ɛpa, nēe lé ka Ujɛhóyākin mɛ́mla Usedekíya.

Ayí kú ɔcɛ́ Ujɛhóyākim

¹⁷ Aɛ́nyā wɛ ayí kú Ujɛhóyākim ɔcɛ́ kú Ujúda nēé kwú alagbá kú ɛfú ga Ubábīlɔn ā. Ó ma ayí ahāapa. Iyē kú uwā wɛ, Ussēyáltīyɛlu,

¹⁸ Umálkīram, Upedáya, Ussɛnása, Ujɛkamíya, Uhóssāma mɛ́mla Unedábīya.

¹⁹ Upedáya ma ayí ɛpa. É kē wɛ Userúbābɛlu mɛ́mla Ussímēyi. Userúbābɛlu ma Umésūlam mɛ́mla Uhananíya ā, mɛ́mla adá kú nū, Ussélómīti.

²⁰ Ó klla ma ayínɔ̄nyīlɔ ɛhɔ̄ ɔhá. É kē wɛ, Uhassúba, Óhelu, Uberekíya, Uhasadíya mɛ́mla Ujússābu Uhɛ́sɛdi.

²¹ Uhananíya ma ayí ɛpa. É wɛ Upelatíya mɛ́mla Ujɛssáya. Ujɛssáya ma Urefáya, nōo ma Ánan, nōo ma obadíya, nōo ma Ussekánīya ā.

²² Ussekaníya ma Ussmáya nōo ma ayí ɛhɔ̄ nēe bá ā: Uhátussi, Ígalu, Ubárīya, Uneríya mɛ́mla Ussáfāti.

²³ Uneríya ma ayí ɛtá nēe bá ā: Ɛliyonáyi, Uhískīya mɛ́mla Asríkam.

²⁴ Ɛliyónāyi ma ayí ahāapa nēe bá ā, Uhodafíya, Ɛlíyāssibu, Upeláya, Ákūbu, Ujohánan, Udɛláya mɛ́mla Anáni.