Myeelwe 1 - Ibbaibele 1963

Bantu mbubakabalwa munkanda ya-Sinai

¹ Lino Jehova wakaambila Musa mu nkanda ya-Sinai, mutente lyakubunganina, mubuzuba butaanzi bwamumwezi wabili mumwaka wabili wakupola kwabo kuzwa kunyika ya-Egepita, Wakati,

² Amubale mweelwe wambungano yoonse yabana ba-Israyeli, mumikowa yabo amuziinga zyabo, kulembwe mazina aabantu boonse, nkokuti baalumi boonse umwi aumwi.

³ Boonse bajisi myaka iili makumi obile na kusotoka, ba-Israyeli boonse bakonzya kuya kunkondo, amubabale, webo a-Aroni, munkamu zyabo.

⁴ Nkabela antoomwe anywebo kuyooba muntu omwe omwe wamusyobo umwi aumwi. Muntu umwi aumwi abe simutwe waluzubo lwakwe.

⁵ Ngaaya mazina aabantu mbemuyooba abo: kumusyobo wa-Rubeni, Elizuri mwana wa-Sedeuri;

⁶ kumusyobo wa-Simeoni, Selumiyeli mwana wa-Zurisadai;

⁷ kumusyobo wa-Juda, Nasoni mwana wa-Aminadabu;

⁸ kumusyobo wa-Isakara, Netaneeli mwana wa-Zuwara;

⁹ kumusyobo wa-Zebuloni, Eliabu mwana wa-Heloni;

¹⁰ kubana ba-Josefa, kumusyobo wa-Efraimu, Elisama mwana wa-Amihudi; akumusyobo wa-Manase, Gamaliyeli mwana wa-Pedazuri;

¹¹ kumusyobo wa-Benjamini, Abidana mwana wa-Gideoni;

¹² kumusyobo wa-Dani, Ahiezeri mwana wa-Amisadai;

¹³ kumusyobo wa-Aseri, Pagiyeli mwana wa-Okirani;

¹⁴ kumusyobo wa-Gadi, Eliyasafe mwana wa-Deyueli;

¹⁵ kumusyobo wa-Nafitali, Ahira mwana wa-Enani.

¹⁶ Abo mbebakasalwa kuzwa kumbungano, basimutwe banzubo zyabo, basimutwe bamikowa ya-Israyeli.

¹⁷ Lino ba-Musa a-Aroni bakabweza abo bantu balembedwe,

¹⁸ nkabela bakayobolola imbungano yoonse mubuzuba butaanzi bwamumwezi wabili, balemba mazyalani aabo, munzubo zyabo amuziinga zyabo, kuti babalwe boonse, umwi aumwi iwakajisi myaka iili makumi obile na iindilila,

¹⁹ mbubonya mbuli Jehova mbwaakalailila Musa. Wakababala boonse oko kunkanda ya-Sinai.

²⁰ Lino bana ba-Rubeni, mwana mutaanzi wa-Israyeli, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

²¹ mweelwe waba-Rubeni wakali zyuulu zili makumi one amusanu alimwi amyanda yosanwe.

²² Bana ba-Simeoni, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

²³ mweelwe wamusyobo wa-Simeoni wakali zyuulu zili makumi osanwe amusanu azine amyanda yotatwe.

²⁴ Bana ba-Gadi, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

²⁵ mweelwe wamusyobo wa-Gadi wakali zyuulu zili makumi one amusanu amyanda iili musanu aumwi amakumi osanwe.

²⁶ Bana ba-Juda, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

²⁷ mweelwe wamusyobo wa-Juda wakali zyuulu zili makumi aali musanu aabili azine amyanda iili musanu aumwi.

²⁸ Bana ba-Isakara, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

²⁹ mweelwe wamusyobo wa-Isakara wakali zyuulu zili makumi osanwe azine am yanda yone.

³⁰ Bana ba-Zebuloni, mumazyalani aabo, munzubo zyabo amu zii nga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

³¹ mweeIwe wamusyobo wa-Zebuloni wakali zyuulu zili makumi osanwe amusanu azibili amyanda yone.

³² Bana ba-Josefa, nkokuti bana ba-Efraimu, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

³³ mwee Iwe wamusyobo wa-Efraimu wakali zyuulu zili makumi one amyanda yosanwe.

³⁴ Abana ba-Manase, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

³⁵ mweeIwe wamusyobo wa-Manase wakali zyuulu zili makumi otatwe azibili amyanda yobile.

³⁶ Bana ba-Benjamini, mumazyalani aabo, munzubo zyabo amu zii nga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

³⁷ mweeIwe wamusyobo wa-Benjamini wakali zyuulu zili makumi otatwe amusanu amyanda yene.

³⁸ Bana ba-Dani, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

³⁹ mweelwe wamusyobo wa-Dani wakali zyuulu zili makumi aali musanu alimwi azibili amyanda iili musanu aibili.

⁴⁰ Bana ba-Aseri, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

⁴¹ mweelwe wamusyobo wa-Aseri wakali zyuulu zili makumi one acimwi amyanda yosanwe.

⁴² Bana ba-Nafitali, mumazyalani aabo, munzubo zyabo amuziinga zyabo, boonse ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo,

⁴³ mweelwe wamusyobo wa-Nafitali wakali zyuulu zili makumi osanwe azitatu amyanda yone.

⁴⁴ Mbaabo ibakabalwa, mbebakabala ba-Musa a-Aroni abasilutwe baIsrayeli, bantu bali ikumi ababili ibakasalwa umwi aumwi mu ciinga cawisi.

⁴⁵ Aboobo bana ba-Israyeli boonse bamunzubo zyabo ibakabalwa, nkokuti mwaalumi umwi aumwi iwakajisi myaka iili makumi obile na iindilila, boonse ibakakonzya kuya kunkondo—

⁴⁶ mweelwe wabo woonse wakali zyuulu zili myanda iili musanu aumwi azyuulu zyotatwe amyanda yosanwe amakumi osanwe.

⁴⁷ Pele ba-Levi, luzubo lwabo teelwakabalwa akati kabo pe.

⁴⁸ Nkaambo Jehova wakaambila Musa kuti,

⁴⁹ Musyobo wa-Levi ulike, toelede kubabala, amweelwe wabo utalembwi akati kabana ba-Israyeli.

⁵⁰ Bika ba-Levi kuti babe amilimo yatente lyambunganino amilimo yazibelesyo zyalyo ayazintu zyoonse zili mulindilyo. Mbembabo beelede kuyumuna itente azibelesyo zyalyo zyoonse, nkabela baleelede kulibamba akuyaka zilao zyabo cakulizyunguluka,

⁵¹ Itente nelilonzegwa, ba-Levi mbobeelede kulimwaya alimwi nelisimpikwa, ba-Levi mbobeelede kulisimpa. Kufumbwa muntu umbi uuswena afwiifwi ulajayigwa.

⁵² Bana ba-Israyeli baleelede kuyaka zilao zyabo munkamu zyabo, umwi aumwi alabba lyakwe mwini, umwi aumwi andembela yakwe mwini;

⁵³ pele ba-Levi baleelede kuyaka zilao zyabo cakuzyunguluka itente lyambunganino, kuti imbungano yabana ba-Israyeli itasikilwi bukali, Ba-Levi mbobeelede kubamba itente lyambunganino.

⁵⁴ Mbuboobo bana ba-Israyeli mbubakacita. Muzintu zyoonse bakacita mbubonya mbuli Jehova mbwaakalailila Musa.