Roma 4 - Kuruei Voa Nawawrea 1920

¹ Enei oiamakurumau uku Aberahamo ene mai?-?vaki eiai, u oiama‐mi’i’e?

² U anana‐awkavakeia’?-?ane uku una opara eiai, u uku mi’ina voa meramera kuruai a’a anu paku ai; Eloi inu paku ai peo.

³ Iaa revareva oiama?-?kuru’i? Aberahamo Eloi pirimaroakoanave, una pirimaroakoa, opara anana orau, u eiai akoakei’inave.

⁴ Iaki‐lia a’a anu kavani la’aruku oroiakeiapea, kurua kavani kamaia anu kavani keina.

⁵ A a’a u iaki a‐li’inakea, u pirimaroakona, U ane U namea a’a mua mere anana‐eina, una pirimaroakoa, opara anana orau, u eiai akoakeina.

⁶ Orau Davida awku voa kuruna uku kurua a’a anu kopai Eloi opara anana akona u eiai, uku a’a anu opara peo,

⁷ U erau voa kurunave, A’a omo namea paue‐emiakeia’ane euna, omo namea vaua‐ekavakeina ane, a’a oro kopai‐ekavakeina.

⁸ A’a awku una namea Iehova voa veve’eapea kurua a’a kopai‐awkavakeina.

⁹ Ei kopai momoa‐eia a’a e eiai ana, ei kopai momoa‐eia eria a’a awku eiai ana? Enei kuruna, Aberahamo onu pirimaroakoa, opara anana orau, u eiai akoakei’inave.

¹⁰ Ekarapani ai awku evere’eakei’inave Aberahamo eiai? Una momoa‐eia pani paku ai ana, una momoa‐eia pani neko mere ai ana? Momoa‐eia pani paku ai.

¹¹ U momoa‐eiakei’inave veia eiai, una pirimaroakoa opara anana anu miki ipawkimakei’inave kurua pani ai u momoa‐eia eria a’a kei’inave, momoa‐eia eria pirimaroakoa a’a uriria anu mai?-?vaki u keia’ane‐iai, uku oro awku eiai opara anana akoa?-?keia’ane‐iai.

¹² Momoa‐eia a’a anu mai‐vaki ane, oro ane ene mai‐vaki Aberahamo onu pirimaroakoa awkoro ai oro are rokona, kurua pirimaroakoa u miaka una momoa‐eia eria pani ai.

¹³ Kurua kuruei voa u pani va’au omoro‐roikiakana Aberahamo ai, una kiri a’a ane, i vupu mere aneakape, a i pirimaroakoa opara anana mere aneaka.

¹⁴ I vupu mere opara anana a’a pani va’au unu omoro roikia a’a keia’ane, pirimaroakoa eria‐eakeina, kuruei voa ane eria‐eakeina.

¹⁵ Uku Vupu ipu‐mia mi‐anena, Vupu eria keia’ane, namea awku eria keina.

¹⁶ Pirimaroakoa ei awku uriria anu uku keina, ei uku eiai, uku i Eloi inu la’aruku a’a anana‐eiakeina, uku kuruei voa evere’eakeia’ane‐iai kiri a’a uriria eiai; uku Vupulia a’a e peo, a uku oro awku, Aberahamo orau, i pirimaroakoa mere oro anana‐eiakeina; u ane u ene mai?-?vaki keina,

¹⁷ Orau ei voa kikiriakeina, A’a kaki aila anu mai?-?vaki Nai evereniane euna. Eloi inu paku ai, U ane u pirimaroakoanave, U ane U imua a’a rokoa‐eina, U ane U voa kuruna uku awku eiakeiape orau oro eiakeia’ane, Aberahamo ene uriria anu mai‐vaki keina.

¹⁸ Lai iakari pani ai u araea’araea pirimaroakoanave, uku a’a kaki aila anu mai‐vaki u evere’eane‐iai, orau ei voa kuruakei’inave, Orau ni kiri a’a keiakana.

¹⁹ Una kape enu venea eapa evere’eaka uku una kinia pani mere aumeia 100 arekamu ai u rokoaka, a una pirimaroakoa eapa a?-?kei’inavea; una a’e ane, Sara, u kono kei’inave.

²⁰ Uku Eloi inu kuruei voa u a‐aua’a’anavea i una peroro e’ea mere; una pirimaroakoa iviri evere’enave, u Eloi avioinave ane;

²¹ U ailiakei’inave kapoi, kuruei voa U kuruaka evere’eai U liakana.

²² Ou uku eiai una pirimaroakoa opara anana akoakei’inave u eiai.

²³ Ei voa a‐kikiriakei’?-?inavea uku u e eiai, opara anana akoakei’inave u eiai,

²⁴ A uku enei awku eiai. Enei pirimaroakoa a’a eiai pirimaroakoa akoakeiakana, enei pirimaroakoane U ane U Iesu, ene Amua, imua mere la‐okanave;

²⁵ U ane U avakei’inave ene namea eiai, imua mere U moawku la‐okavakei’inave uku enei opara anana?-?aiakeia’ane euna.