Roma 3 - Kuruei Voa Nawawrea 1920

¹ Oi la’aruku ana Isaraela a’a mi’ina? Oi paioka ana momoa‐eia opara mere anena?

² Uku kavakava eiai kurua la’aruku ovara keina. Pinai, uku Isaraela a’a Eloi inu ane‐epo voa ekuakei’inave.

³ Isaraela a’a varomo pirimaroakoape liane, omo peroro e’ea Eloi inu pirimaroakoa eria ama‐limau?

⁴ Ai. Enei pirimaroako?-?namaki Eloi miki keina, a’a kavakava arauau ipawkiakeia’ane. Ei voa orau kikiriakeina, uku Ni voa vevea ipawkiakeia’ane‐iai Ni anana keina, Ni voa veveniakeia’ane Ni awkoni‐awkava’ane?-?iai.

⁵ Ene namea Eloi inu opara anana pamea parea ai aiane, enei oiamakurumau? (Eloi ipu‐miane, U namea ana, nai a’a orau kuruna?

⁶ Ai. U namea keia’ane, a’a uriria U voa eka’ama?-?veve’eimau?)

⁷ Eloi inu voa miki everevereane euane Una evao’evao eiai, uku na arauau voa eiai, uku oiana namea a’a orau nai voa veve’i’iakeina?

⁸ Uku oiana enei erau voa kuruapeana, Enei namea li’inamaki, ene namea mere ima elemaneane‐iai? Ene uru orau a’a namea upurukimakina. A’a orau voa e kevakeva kuruna omo mua‐awkava anana keina.

⁹ Voa mo oiana? Enei Isaraela a’a i Eloi anana a’a evere’eakeia ana, lai unuku a’a oro namea a’a ana? Ai. Uku enei ipawkiane euna Isaraela a’a, Lai unuku a’a ane, oro uriria namea anu aivara a’a keina;

¹⁰ Ei voa orau kikiriakeina, a’a kapeo opara anana a’a keina.

¹¹ A’a kapeo lai evera miki keina, a’a kapeo Eloi kevere‐kevere vorona.

¹² Kapea miki mere oro uriria kekeane euna; oro uriria paioka eria a’a evere’eane euna. A’a kapeo opara anana li’ina, lia, a’a kapeo.

¹³ Omo kamuri lauoi auakeia mikirina; omo anai arauau voa oro kuruane eumakina, kaika anu ivave omo ane epo neko ai vaua?-?kavakeina:

¹⁴ Omo ane anakaia voa, iara voa ane, evopoakeina.

¹⁵ Omo are roko‐roko enana aro upuai.

¹⁶ Oava, kukupuna ane, omo kapea ipawkina:

¹⁷ Kapea airu ai oro ipaliape.

¹⁸ Kore eria uakeina omo paku ai Eloi eiai.

¹⁹ Enei ipali’inake voa kavakava Vupu kuruna, kurua voa kuruakeina Vupu?-?mia a’a eiai: uku ane kavakava eiekavakeia’ane‐iai, pani va’au unu a’a uriria mua evere’eane‐iai Eloi inu paku ai.

²⁰ Ou uku eiai uku Vupu kamaia‐lia a’a kapeo anana evere’eakeiakana Una paku ai. I Vupu namea ipaliakeina.

²¹ A eai opara anana Eloi mere anemakina a’a anu paku ai ipawkiakeia’ane euna, Vupu voa, Laikorava a’a ane, ionelimakina ei opara anana Eloi mere anemakina, Vupu mere peo,

²² Ei opara anana anu uku pirimaroakoa uakeina Iesu Keriso laru ai a’a uriria eiai oro pirimaroakona. Opara e e eria uakeina.

²³ Uku a’a uriria namea liane euna, oro uriria ipali’ina ane oro uku eria mi’ina Eloi inu kepoia voa miai.

²⁴ I Una veruku la’aruku mua mere oro anana‐eima?-?kina i iawka mere Keriso Iesu laru ai uakeina:

²⁵ U ane Eloi a’a anu paku ai aiane euna lai kekepe eiai, i pirimaroakoa Una aro mere, uku Una opara anana ipawkiai, uku Eloi inu lai kekepe eni namea paueakeina,

²⁶ Uku eai Una opara anana ipawkiai, uku U verukua opara anana keina U ipawkiakeia’ane‐iai, Iesu unu pirimaroakoa a’a U opara anana ekuna ane.

²⁷ Nomo meramera voa ekeiana? Kurua voa paueakeina. I oi Vupu ana? I ima opara ana? Ai. I pirimaroakoa anu Vupu e.

²⁸ Enei ipawkina kapoi uku pirimaroakoa a’a anana‐eakeina; uku Vupu unu opara peo.

²⁹ Eloi ane, U Isaraela a’a e enu Eloi ana, U lai unuku a’a anu Eloi peana? Lia. Lai unuku a’a awku unu Eloi U uarokona:

³⁰ Uku Eloi monou momoa‐eia pirimaroakoa a’a, momoa‐eia eria pirimaroakoa a’a ane, anana‐eiakana.

³¹ Uku ei pirimaroakoa enei Vupu ama‐paue’i? Ai. Enei Vupu kane la‐okana.