Roma 10 - Kuruei Voa Nawawrea 1920

¹ Ovaki airavaki e, na umu unu kopai, nawki ane, Eloi inu paku ai, uku Isaraela a’a iekavakeia’ane‐iai.

² Nai ioneli’ina oro iviri mi’ina Eloi eiai, a omo iviri lai evera eria keina.

³ Oro pauapaua keina opara anana eiai Eloi awkuna, omo araea’araea omo opara anana upa mere oro la‐ekamakina, Eloi inu opara anana kamaialiai oro inaka liane euna.

⁴ Uku Keriso Vupu unu ika keina opara anana eiai pirimaroakoa a’a kavakava eiai.

⁵ Uku Mose Vupu unu opara anana ipawkina, u erau voa kuruna, A’a Vupu unu opara anana kamaiali’ina, i kurua opara anana u rokoakana.

⁶ A pirimaroakoa anu opara anana erau voa kuruna, Ni umu laru ai erau voa pa kuruai, Pani muku ai koama?-?inamau? (Keriso arau ai arekavai)

⁷ Mo, aroa eporo ai koa?-?ma‐lilimau? (Keriso imua mere la‐okavai)

⁸ A voa oiama‐kuru’i? Iva voa ni arekamu ai keina, ni ane laru ai, ni umu laru ai ane: kurua pirimaroakoa anu Iva voa enei omoro kurumakina;

⁹ Ni ane‐epo mere ni Iesu iki e’eane U Amua rokona, ni umu laru ai ni pirimaroakoane Eloi imua mere la‐oka’ane euna, ni inikavakeiakana.

¹⁰ Uku i umu a’a pirimaroakona, opara anana mi’ina ane, i ane‐epo oro iki‐e’ena, iawka mi’ina ane.

¹¹ Uku Iaa revareva erau voa kuruna, A’a kavakava pirimaroakona u makiri‐awkavakeiapea.

¹² Uku Isaraela a’a, Heleni a’a ane, ipi’ipiakeina; uku Amua monou a’a uriria anu Amua keina, U umu veruku rokona a’a uriria iekavai oro ane oro nawki‐awkana.

¹³ Uku a’a kavakava Amua anu nawi laeali’ina u iawkavakeiakana.

¹⁴ U ane oro pirimaroakoape oro eka’ama‐nawki?-?awkamau? U ane Una voa oro viriape, oro eka’ama?-?pirimaroakoamau? omoro a’a kapeo keia’ane, oro eka’?-?ama‐virimau?

¹⁵ Oro omoro eka’amakurumau oro ekaiviriakei?-?ape liane? Iaa revareva voa erau voa kikiriakeina, Ima awku unu kopai voa oro mi‐anena, omo are vapara keina.

¹⁶ A Iva voa oro uriria kamaialiape, Uku Isaia erau voa veve’ena, Amua e, Iva voa ene ane mere oro viriane euna, koama‐pirimaroakoa’e?

¹⁷ Ei voa ipawkina, pirimaroakoa Iva voa mere anena a’a virina, Iva voa anena uku kurua voa i Keriso kuruakeia’ane euna.

¹⁸ A nai erau voa veve’ena, Oro viriapeana? Lia. Oro viriane euna. Pani va’au iki omoro a’a anu voa viriakeia’ane euna, omo ipawkia voa pani va’au unu orai orai viriakeia’ane euna ane.

¹⁹ Isaraela a’a ipapeana? Pinai Mose enu voa virine, u erau voa kuruna, I kaki a’a oro kaki a’a miki peo Nai namani‐eniakana, I avuavu kaki a’a Nai iara‐enia?-?kana.

²⁰ Isaia anu iviri voa mo u erau voa kurunave, Nai aui’iakeia’ane euna i a’a a?-?ivoromakei’inavea, Nai ipai?-?kiakei’inave omo paku ai, oro voa a‐veve’enavea Nai eiai.

²¹ Isaraela a’a eiai u erau voa kuruna, Lare pani iki Na eve Nai oioka’ane euna lari a’a, voa momou a’a eiai.