Mataio 25 - Kuruei Voa Nawawrea 1920

¹ Pani muku eiei pakoro 10 mikiriakeiakana, omo lamepa oro e‐mi’inave, vaki nawawrea au‐awkuai oro elenave.

² Pakoro 5 lai evera kei’inave, pakoro 5 e avuavu kei’inave.

³ Avuavu pakoro omo lamepa miaka’ane, ere omo lamepa eiai oro miakape:

⁴ Lai evera pakoro lamepa ere ane, mi’inave.

⁵ Uku vaki nawawrea pani va’au aneakape, oro uriria inamu mu’u awawkei’inave.

⁶ Kipere mokono pani ai laea araro liakei’inave, Akoi’i, vaki nawawrea ei‐anema?-?kei! Au‐awkuai noro elene.

⁷ Pakoro uriria lala’anave, omo lamepa iau ekunave ane.

⁸ Avuavu pakoro lai evera pakoro erau voa kuruenave, Nomo ere mau’u akune uku ene lamepa nawmokiakeima?-?kina.

⁹ Lai evera pakoro erau voa kuruenave, Ai, ere ovara peo naea enei uriria eiai: kikoa ai enara ere inaeli’ira noro eiai.

¹⁰ Oro ere inaealiai eleaka’ane vaki nawawrea anenave; pakoro lamepa ima miaka a’e mia purai navai u kiripai marea ikirinave, kikau awkuakei’inave ane.

¹¹ Neko mere ai pakoro e anenave, erau voa kurunave ane, Amua e, Amua e, kikau aune enei eiai.

¹² U erau voa kuruenave, Nai kurunaina kapoi, Nai ipanalauapea.

¹³ Ou uku eiai awaw pa keiai, uku A’a anu Mere enu anea lare, pani eiei ane, noro ipapea.

¹⁴ Pani muku eiei a’a orau pani va’au e amai aki enanavailia, una aivara u laea‐elau’unave, una aru eiviriai u ekunave ane.

¹⁵ Aivara monou u taleni 5 awkunave, aivara mo u taleni rere awkunave, aivara mo u taleni monou awkunave; a’a monou‐monou una lai evera ipi’ipia u taleni awkunave; u aki enanave.

¹⁶ Kurua vaki taleni 5 miaka ou taleni u kavani‐kavani li’inave anea’anea u taleni 5 mo akoaka’ane.

¹⁷ Kurua vaki awku u taleni rere miaka u orau li’inave anea’anea u taleni rere mo akoaka’ane.

¹⁸ A kurua vaki u taleni monou e miaka, u ena ovai’?-?inave, una amua anu moni laru ai vaua’awkanave ane.

¹⁹ Pani va’au periakeia’ane ei aivara anu amua vairunave, oro kiripai voa ipinave taleni eiai.

²⁰ Kurua vaki taleni 5 miaka taleni 5 mo u mi‐anenave, erau voa kurunave ane, Amua e, taleni 5 ni ikuaka: akoi’i, taleni 5 mo nai roikiane euna.

²¹ Amua erau voa kurunave, Ni ima liane euna ima miki aivara e: uku ni miki liane euna moni ailapea eiai, nai areniakana aru aila eiviriai: ni amua anu kopai ni aua‐mi’ine.

²² Kurua vaki awku u taleni rere miaka u anenave, erau voa kurunave ane, Amua e, taleni rere ni ikuaka, Akoi’i, taleni rere mo nai roikiane euna.

²³ Amua erau voa kurunave, Ni ima liane euna ima miki aivara e: uku ni miki liane euna moni ailapea eiai, nai areniakana aru aila eiviriai: ni amua anu kopai ni aua‐mi’ine.

²⁴ Kurua vaki taleni monou miaka u anenave, erau voa kurunave ane, Amua e, nai ipanilau’unave ni manipu a’a kei’inave, roikimakina iou ai ni voeakape, ie’emakina iou ai ni kiniakape.

²⁵ Nai kore kei’inave, ni taleni nai ka’e ai vaua‐awka?-?nave: akoi’i, ni moni eire.

²⁶ Amua erau voa kurunave, Namea eapa vaki e, ni ipali’inave nai roikina iou ai nai voeape, ie’ena iou ai nai kiniape:

²⁷ Ou uku eiai na moni ni moni kavani‐kavani a’a ekuaka livilia nai vairuane na moni, moni inu kavani awku, nai miane‐iai.

²⁸ Ei vaki inu taleni iou‐mi’ine, taleni 10 mia vaki awkura ane.

²⁹ Uku awku mia a’a kavakava awku mo awkuakeiakana, u awku veruku miakana: a awku eria vaki mere kurua awku mau’u u mi’ina u mere iou‐miakeiakana.

³⁰ Ei eria mia vaki muru ai laoine, iou ai vikirimakeiakana, ni’iri ekikimakeiakana ane.

³¹ A’a anu Mere Una evao’evao aivara‐avaea uriria kiripai anea’ane, Una evao’evao pakara ai U pa’avakana:

³² Kaki a’a uriria Una paku ai roikiakeiakana: oro mekai mekai U kokorava?-?kana, mamoe oiviria a’a orau mamoe nani mere kokorana:

³³ Mamoe Una eve miki mekai U eravakana, a nani Una eve keau mekai U eravakana.

³⁴ Oro Una eve miki mekai Amua erau voa kurueakana, Anene, Na Mai inu kopai a’a e, eiei pani va’au unu ea pani mere noro eiai evere’eakei’inave noro roikine.

³⁵ Uku Nai pei navai‐navailiane, noro pei ikunave; Nai kamuri lavere kei’inave ane, noro ere ikunave: Nai kikoro a’a kei’inave ane, noro kamaia?-?ikanave.

³⁶ Nai irikaiva kei’inave, a’a kape noro ikunave; Nai maia kei’inave, inamu‐i’iai noro anenave: kipura marea ai Nai piriakei’inave, noro umu‐ikavai anenave.

³⁷ Opara anana a’a erau voa kuruakana, Amua e, ekarapani ai enei inamu‐ama‐ni’e pei navainavaili’inave, pei nikunave ane? kamuri lavere ane, ere nikunave?

³⁸ Ekarapani ai kikoro a’a enei inamu‐ama‐ni’e, enei kamaia‐nikanave? irikaiva ane, a’a kape enei nikunave?

³⁹ Ekarapani ai Ni maia enei inamu‐ama‐ni’e, kipura marea laru ai ane, enei Ni ai anenave?

⁴⁰ Amua erau voa kurueakana, Nai kurunaina kapoi, Orau noro li’inave Na aroa a’a anu rurupu a’a monou eiai, orau noro li’inave Nai eiai.

⁴¹ Oro Una eve keau mekai U erau voa kurueakana, Enara, ivave‐mia a’a e, opai iau laru ai, diabolo una aivara‐avaea ane noro eiai evere’enave.

⁴² Uku Nai pei navai?-?navaili’inave, pei eria noro ikunave, Nai kamuri lavere kei’inave, ere eria noro ikunave:

⁴³ Nai kikoro a’a kei’inave, noro kamaia‐a‐ikana?-?vea; irikaiva kei’inave, a’a kape eria noro ikunave: kipura marea pokoinave, inamu‐i’iai noro a‐anenavea.

⁴⁴ Oro awku erau voa kuruakana, Amua e, ekarapani ai enei inamu‐ama‐ni’e pei navai‐navaili’inave, kamuri lavere kei’inave, kikoro a’a kei’inave, irikaiva kei’inave, maia kei’inave, kipura marea laru ai pokoinave enei kamaia‐a‐nikanavea.

⁴⁵ U erau voa kurueakana, Nai kurunaina kapoi, Orau noro li’inave Na aroa a’a anu rurupu a’a monou eiai, orau noro li’inave Nai eiai.

⁴⁶ Ei kaupu enavakana kavani miai opai keiakana: a opara anana a’a opai rokoa ikiriakana.