Mareko 5 - Kuruei Voa Nawawrea 1920

¹ Ururu iou ane mekai oro pai’inave, Gerasene a’a anu pani va’au ai.

² U mapea mere piaka’ane, avaea‐upu mia a’a lauoi mere emoki au‐awkunave,

³ Ei a’a lauoi ai pokoinave; arekapu piriai a’a kapeo liai li’inave:

⁴ Uku pani aila arekapu, auri naw ane, u piriakeiaka, i u auri naw vepeakeiaka, arekapu ane kokoravakeia?-?ka: kekepe‐eai a’a kapeo liai?-?li’inave.

⁵ Panipani ai, kipere pani ai, lare pani ai ane, u akapu ai i‐pokoinave naea, lauoi laru ai naea, vikirimakei’inave, una kape rawre eimakei’inave ane.

⁶ Iesu ama mere u inamu‐oiaka’ane, u area‐enanave Iesu unu paku ai are epo ai’inave ane,

⁷ Voa araro u erau voa laeali’inave, Nai oiamali’i Iesu e Ni eiai, Eloi muku epe’epe enu Mere e? Ni mani‐ikanavaia i Iehova anu nawi nai nawki‐nikana.

⁸ Uku Iesu avaea‐upuerau voa kuruaka, Elemanene ei a’a mere avaea‐upu e.

⁹ Iesu erau voa veve’enave ane, Ni nawi koana? U erau voa kurunave, Na nawi Legiona uku enei aila keina.

¹⁰ U Iesu nawki‐awkanave U ekaivirinavaia ou pani va’au mere.

¹¹ Akapu unu ai’inore ai a’uri kaupu ovara pei na’amakei’inave,

¹² Avaea‐upu uriria Iesu erau voa nawki‐awkanave, A’uri ai Ni akaivirira, enei ikirieane‐iai.

¹³ Omo nawki Iesu evere’enave; avaea‐upu a’a mere elemanenave, a’uri oro ikirinave ane: kurua a’uri kaupu a’uri 2,000 akoakei’inave, ai’inore ai oro ema area‐lilinave ere aura ai oro mumukiakei’inave ane.

¹⁴ A’uri oiviria a’a area‐enanave pai’iri ai, mako?-?mako ai ane, ei awku unu uru upurukinave. Kurua awku liakei’inave inamu‐oiai pai’iri a’a elenave.

¹⁵ Oro Iesu ai anenave, avaea‐upu mia a’a, kurua vaki legiona miaka, oro inamu‐oinave iva‐iva pa’amakei’inave, a’a kape luki‐awmiakei’inave, lai kekepa kei’inave ane. Oro kore kei’inave.

¹⁶ Oro ane oro ei awku inamu‐oiaka voa uriria pai’iri mere a’a oro ekinave uku avaea‐upu a’a eiai, uku a’uri awku eiai.

¹⁷ Omo eiei mere eleai oro Iesu nawki‐awkanave.

¹⁸ Iesu mapea ai lakeaka’ane, kurua vaki avaea‐upu miaka Iesu kiripai enavai u nawki‐awkanave.

¹⁹ Iesu una nawki a‐evere’enavea, U erau voa awkinave, Ni avai a’a ai enara, awku uriria ekira Amua liane euna ni eiai, U umu‐nika’ane euna ane.

²⁰ U elenave, pai’iri 10 inu eiei ai u uru upurukinave uku awku uriria eiai Iesu liaka u eiai: a’a uriria varua’anave.

²¹ Iesu moawku mapea keaka’ane Ururu iou ane mekai, a’a aruru ovara U ai anenave; Ururu miri ai U i‐pokoinave.

²² Omoro marea anu mai?-?vaki monou, nawi Iairo, U ai anenave, u Iesu inamu‐oiaka’ane, Una paku ai u are epo ai’inave,

²³ Erau voa nawki‐awkanave ane, Na paka mau’u imua arekamu ai keina: nai nawki‐nikana u ai aneai, Ni eve u upa mere aiai, u aukarikavakeia’ane‐iai, u rokoane‐iai ane.

²⁴ Iesu u kiripai enanave, a’a aruru ovara e’e’okanave, avikinave ane.

²⁵ A’e monou u aro maia aumeia 12 miaka,

²⁶ U kukunu aila miaka lapu a’a aila mere, una moni uriria awku u kaiaka, u paioka eria miaka, maia ovara la’amakei’inave.

²⁷ U Iesu unu uru viriaka’ane, a’a aruru Iesu neko mere ai a’e oro awkono avao ai ikirinave, Iesu unu a’a kape u nekenave ane.

²⁸ U erau voa kurunave, Una a’a kape e nai nekeane, nai aukarikavakeiakana.

²⁹ Una maia emoki periakei’inave; kape laru ai u ipali’inave una maia paueakei’inave.

³⁰ Una lai laru ai Iesu emoki ipalimakei’inave iva u mere eleaka, a’a aruru awkono avao ai u urukinave, erau voa veve’enave ane, Na a’a kape koama‐neke’e?

³¹ Una aivara erau voa kurunave, A’a aruru avini?-?kimakina Ni inamu‐eina, Ni erau voa veve’ena, Koama?-?neke’i’e?

³² U urukimakei’inave, inamu‐ekimakei’inave ane, kurua vaki inamu‐oiai Una a’a kape nekeaka.

³³ A’e korelimakei’inave, varuvarulimakei’inave ane, ipalimakei’inave kurua awku u laru ai liakeiaka, u anenave U paku ai are epo ai’inave, voa miki uriria awkinave ane.

³⁴ U a’e erau voa kurunave, Paka e, ni pirimaroakoa aukarinika’ane euna; airu mi’ine, ni maia periakeina.

³⁵ U voa kurumakei’inave ane omoro marea mai?-?vaki inu marea mere iva a’a anenave, erau voa kurunave ane, Ni paka imua keina: uku oiana ni Amua marea ai oramakina?

³⁶ Iesu iva a’a anu voa viriaka’ane, U mai‐vaki erau voa kurunave, Kore pa liai, pirimaroakone.

³⁷ Petero, Iakobo ane, Ioane Iakobo onu aroa a’a ane, oro e U evere’einave U kiripai enavai.

³⁸ Oro omoro marea mai?-?vaki inu marea ai anenave, eu ai a’a rawre ovara U inamu‐einave; oro vikirimakei’inave, awni mu’u mailau awkamakei’inave ane.

³⁹ U marea ikirimaneaka’ane, U erau voa veve’enave, Uku oiana noro rawre li’ina, vikirina ane? paka imua peo, u awawkeimakina.

⁴⁰ Ei voa eiai mai rurupu a’a keke‐awkanave. U oro uriria laeiaka’ane, paka anu mekai, mei ane, U era’anave lalava laru ai paka awawkeimakei’inave.

⁴¹ Paka anu eve U mi’inave, erau voa awkinave ane, Talitha cumi; kurua voa anu miki eire, La’ane paka e Nai nikina.

⁴² Paka emoki la’anave, are rokoanave ane; uku kurua paka anu aumeia kinia pani mere aumeia 12 kei’inave. Uku omo varuava ovara oro lai iakarikei’inave.

⁴³ U emoki ekinave ei awku unu uru pa upurukiai; uku paka awku pei au‐awkuai U ekinave.