Mareko 4 - Kuruei Voa Nawawrea 1920

¹ Ururu ai U moawku ipekinave: a’a aruru ovara mai U ai kaupukiakei’inave, ou uku eiai U mapea lakenave, i‐pa’anave ane; a’a aruru iki miri ai papa’anave.

² U awku aila i aipo voa ipekinave; U ipekimakei’inave erau voa kuruenave,

³ Akoi’i, uru voea a’a uru voeai elenave:

⁴ U voemakei’inave ane uru varomo kapea ai ara’anave, naku‐oro lilinave uru na’anave ane.

⁵ Uru mo rawre mako ai ara’anave, kae mo’onu peo mako ai: uru veve emoki lala’anave uku kae mo’onu a‐kei’inavea:

⁶ Lare inavaka’ane oro vero‐e‐avakei’inave; uku oro neva eria miaka oro paroroli’inave.

⁷ Uru mo aimu awkono avao ai ara’anave; aimu‐oro lala’anave, veve miminikinave, awkoni‐ekanave ane, oro uru eria merinave.

⁸ Uru mo kae ima mako ai ara’anave, veve lala’anave, uru merinave ane, varomo uru 30, mo uru 60, mo uru 100 merinave.

⁹ U erau voa kuruenave, Keporo‐mia a’a u virinamoki.

¹⁰ U e pokoinave ane, oro aivara 12 kiripai avikinave ei aipo voa anu miki eiai veve’enave.

¹¹ U erau voa kuruenave, Lai evera nakuakeina Eloi inu eiei vauavaua awku ipaliai: a iki ai pokoia a’a eiai ei awku uriria aipo voa ipekiakeina:

¹² Oro inamu‐ekiane, inamu‐ekiane ane, a oro inamu‐oiapea, Oro viriane, viriane ane, oro ipapea, Oro lai urukinavaia, paue‐emiakeiakana ane.

¹³ U erau voa 61, Ei aipo voa anu miki noro ipapeana? aipo voa uriria anu miki noro eka’ama‐ipalimau?

¹⁴ Kurua voa voea a’a voena Iva voa keina.

¹⁵ Kapea a’a oro ei a’a Iva voa omo umularu ai voeakeina, oro Iva voa viriane, Satani emoki anena Iva voa omo umu laru ai voeakei’?-?inave u iou‐mi’ina.

¹⁶ Rawre mako a’a oro ei a’a oro Iva voa viriane uku Iva voa eiai oro emoki kopaili’ina;

¹⁷ Oro laru ai oro neva eria mi’ina, pani mau’u e oro iviri keina: kukupuna naea, mani naea, la’ane uku Iva voa eiai, oro emoki ara’ana.

¹⁸ Aimu mako a’a oro ei a’a oro Iva voa virina,

¹⁹ Pani va’au unu iakari awku, moni inu ewaea ane, lai inu i’ima awku ane ikirina, Iva voa miminikina ane, Iva voa uru eria merina.

²⁰ Kae ima a’a oro ei a’a oro Iva voa virina, pirimaroakona ane, uru merina ane, a’a varomo uru 30, a’a mo uru 60, a’a mo uru 100 merina.

²¹ U erau voa veve’einave, Lamepa mi‐aneakeina ana aru u’ui ai naea, pakara u’ui ai naea, pa‐okavai? pakara miki upa mere pa?-?okavapeana?

²² Awku kavakava vaua‐awkavakeina u ipawkiakeiakana: awku vauavaua‐aw?-?kavakei’inave iki ai ipawkiakeiakana.

²³ Keporo mia a’a u virinamoki.

²⁴ U erau voa kuruenave, Oivirine voa eiai noro virina: kurua ikiau noro ipina a’a e eiai, orau ipiakeiakana noro eiai: veruku nakuakeiakana.

²⁵ U ane u mi’ina mo awkuakeiakana; u ane u miape kurua awku u mi’ina u mere iou‐miakeiakana.

²⁶ U erau voa kurunave, Eloi inu eiei a’a orau u uru voena;

²⁷ Lare pani ai, kipere pani ai ane, u rokona, awawkeina ane, uru veve ereane, muku la’ane ane, la’ava anu uku u ipapea.

²⁸ Uku kae verukua uru merina; pinai veve, neko mere ai pikiri, ika pani ai uru miki pikiri laru ai.

²⁹ Uru nepa keia’ane, u uru eia a’a emoki ekaivirina, uku uru roikia pani ei‐anena.

³⁰ U erau voa veve’einave, Eloi inu eiei enei eka’ama?-?mikirimau? ei eiei inu aipo enei oiama‐mikirimau?

³¹ Ei eiei sinapi uru mikirina, kurua uru kae ai voeakeia’ane, pani va’au unu uru uriria awkono avao ai ei uru mau’u vaki keina:

³² A u voeakeia’ane, u la’ana, iri kokoro uriria awkono avao ai u ovara mai evere’ena, u mere vao ovara erena; naku omo kakora una vao awkono avao ai amaina.

³³ Aipo voa aila orau U ipekinave, omo lai evera orau kurua voa anu miki ipaliai.

³⁴ Aipo voa e U ipekinave, Una aivara e U kiripai pokoinave ane voa uriria anu miki U ipekinave.

³⁵ Kurua lare ai, lare eua pani ai, U erau voa kuruenave, Enei iou ane mekai ke’enamaki.

³⁶ Oro a’a aruru ekaiviriaka’ane, oro U kiripai mapea ke’enave; mapea e oro kiripai ke’emakei’inave.

³⁷ Kavaea ovara mai evukinave, menono mapea lakenave, mapea ve’emakei’inave ane.

³⁸ Mapea aw ai uku’uku upa mere U e awawkeimakei’inave: oro epekenave, erau voa kurunave ane, Amua e, Ni umu eria ana enei mumukimakina?

³⁹ U la’anave, kavaea ei’inave ane, ere aura U erau voa awkinave, Ere kaiva evere’ene. Kavaea eikinave, ere kaiva ovara kei’inave.

⁴⁰ U erau voa veve’einave, Nomo kore uku oiana? noro pirimaroakoa eria ana?

⁴¹ Oro kore ovara li’inave, erau voa ekinamakei’inave ane, Ei a’a koana, kavaea, ere aura ane, Una voa kamaiali’ina?