Mareko 3 - Kuruei Voa Nawawrea 1920

¹ Omoro marea U moawku ikirinave; eve paroro a’a i‐pokoinave.

² Oro inamu‐ekinave U eve paroro a’a aukarika’ane Sabati lare ai oro ailieane‐iai.

³ U eve paroro a’a erau voa awkinave, Paku ai anene.

⁴ U erau voa veve’einave, Opara anana ana Sabati lare ima liai naea, lipi liai naea? rokoa iawkavai naea, a’a avai naea? oro voa peo.

⁵ U omo paku ai ia’ia urukiaka’ane, U lai kukunu‐awkavakei’inave uku omo umu unu kane eiai, U eve paroro a’a erau voa awkinave, Ni eve oiokane. U eve oiokanave, una eve una eve e orau evere’enave.

⁶ Parisea a’a elenave Herodia a’a kiripai oro voa ipinave oro Iesu ava’ane‐iai.

⁷ Iesu Una aivara kiripai Ururu ai ve’enave: A’a aruru ovara Galilaia mere e’e’okanave, Iudea mere ane,

⁸ Ierusalema mere ane, Idumea mere ane, Ioridana iou anelai mere ane; Turia mere, Sidona mere ane, a’a aruru ovara uru viriaka’ane uku awku momo’ore U liaka oro U ai anenave.

⁹ Una aivara U ekinave uku mapea U eiai aioiaka?-?pokoiane‐iai a’a aruru ninina?-?vaia.

¹⁰ Uku a’a aila U aukarie?-?kavaka; uku nekeai oro U ai i’inumakei’inave oro ane oro maia miaka.

¹¹ Upu avaea awku Iesu inamu‐oiaka’ane Una paku ai oro are epo ai’inave, erau voa araro kurumakei’inave, Ni Eloi inu Mere.

¹² Una uru pa upurukiai U emoki ekinave.

¹³ Akapu ai U inanave, a’a U ie’einave U ai aneai U laea‐elau’unave: U ai oro anenave.

¹⁴ A’a 12 U ie’einave oro U kiripai pokoiane‐iai, oro omoro kuruai U ekaiviriane‐iai,

¹⁵ Oro iva miane‐iai maia aukariekavai, avaea lipi laeiai ane:

¹⁶ Ei a’a 12 oro Simono, nawi Petero U oroinave;

¹⁷ Iakobo Sebede enu mere ane, Ioane Iakobo onu aroa a’a ane; orere nawi Boanere U eroinave, kurua nawi inu miki, Kaia kiri inu mere:

¹⁸ Anederea ane, Pilipo ane, Batolomaio ane, Mataio ane, Toma ane, Iakobo Alapeo onu mere, Tadeo ane, Simona Kananaio onu a’a ane,

¹⁹ Iuda Isakariota ane, kurua vaki Iesu anai‐avinave: U marea ikirinave.

²⁰ A’a aruru moawku i’?-?inunave oro pei navai a‐li’inavea.

²¹ Una a’a Una uru viriaka’ane U a’akiai oro anenave: oro erau voa kurunave, U avuavu keina.

²² Kikiria a’a Ierusalema mere aneaka oro erau voa kurunave U laru ai U Belesubo mi’ina, i avaea‐lipi amua anu airavaki U avaea‐lipi laeina.

²³ Una paku ai kaupukiai U laea‐elau’unave, aipo voa U erau voa veve’einave, Satani ane u Satani laoiai amali’i?

²⁴ Eiei mani‐awkavakeia’ane, kurua eiei rokoakeiapea.

²⁵ Marea avai a’a mani‐ekavakeia’ane, kurua marea rokoakeiapea.

²⁶ Satani mani‐awkavakeia’ane una nane eiai, u koravakeia’ane, u rokoakeiapea, u periakeina.

²⁷ A’a kapeo venea a’a anu marea ikiriai li’ina, una aru avapuli’ina ane, anea’?-?anea u pinai venea a’a piriane; neko mere ai u kurua a’a anu aru avapuliakana.

²⁸ Nai kurunaina kapoi, A’a anu mere enu namea uriria paue‐emiakeia’ane, omo mai voa ane oro a’a e mai‐voa ekavakana:

²⁹ A kurua a’a u mai‐voa kuruna Avaea Iaa eiai u paue‐awmiakeiapea opai keiakana, u namea anu mua miakana opai keiakana.

³⁰ U orau kurunave uku oro erau voa kurunave, U upu avaea mi’ina.

³¹ Ei pani ai Una mei, ovaki airavaki ane, pai’inave, a’a aruru iki ai oimakei’inave, U oro ai elemaneai oro okaivirinave.

³² A’a aruru U ai aviki?-?aka‐papa’amakei’inave, oro erau voa kurunave, Akoi’i, Ni mei, ovaki airavaki ane, oro iki ai nivoromakina.

³³ U erau voa kuruenave, Na mei koana, Na ovaki airavaki koana?

³⁴ U urukimakei’inave a’a papa’amakei’inave U inamu‐ekinave, erau voa kuruenave ane, Akoi’i, Na mei eu aku, Na ovaki airavaki ane!

³⁵ Uku a’a kavakava Eloi inu lai kamaialiakana, kurua a’a u Na aroa a’a, Na aro a’e ane, Na mei ane.