Mareko 16 - Kuruei Voa Nawawrea 1920

¹ Sabati lare oailiakei’inave, Maria Magadala, Maria, Iakobo, Salome ane, enu mei, orere mera muri iri aw inaeali’inave, orere anea’ane‐iai Iesu unu kape mera muri kikiai.

² Ebedoma anu pinai lare, pani merea miki, lare enu ina pani ai orere lauoi ai pai’inave.

³ Orere erau voa veve’eimakei’inave, Rawre kikau mere koama‐laiawkamau enere eiai?

⁴ Orere inamu‐ekiaka’ane orere inamu‐oinave rawre kikau mere lai‐awkavakei’inave: rawre ovara‐mai kei’inave.

⁵ Lauoi ikirimakei’inave orere inamu‐oinave roropaea eve miki mekai pa’amakei’inave, urupu kapua va’au luki‐awmiakei’inave; orere kore‐ekavakei’inave.

⁶ U erau voa kuruenave, Kore pa liai: norere Iesu voromakina, U ane iri keoa upa mere avakei’inave: U imua mere la’ane euna; U eu ai peo, eu ai oro i’inave.

⁷ Enara, Una aivara, Petero ane, ekira U noro paku ai Galilaia enana: orau U kurunainave iou ai noro inamu‐oiakana.

⁸ Orere elenave, lauoi mere orere ema area‐enanave; uku orere kape varuvaruli’inave, varuavakei’inave ane: orere voa eria a’a e kurunave: uku orere kore?-?kei’inave.

⁹ Ebedoma anu pinai lare, merea pani ai, U imua mere la’avakei’inave, Maria Magadala anu paku ai U pinai erenave, ei a’e mere avaea lipi 7 U laeiaka.

¹⁰ Ei a’e enanave oro ai oro U kiripai pokoiaka; oro vikirimakei’inave a’e ekinave.

¹¹ Oro viriaka’ane U uarokoakei’inave, U inamu‐oiake?-?iaka ane, oro a‐pirimaroakoanavea.

¹² Neko mere ai paku e U erenave omo kaupu a’a rere enu paku ai, orere are rokoamakei’inave avari ai.

¹³ Orere vairunave orere enu kaupu a’a e ekiai: orere enu voa awku oro a‐pirimaroakoanavea.

¹⁴ Neko mere ai aivara 11 pei navai papa’amakei’inave U omo paku ai erenave; omo peroro e’ea eiai, omo umu unu kane eiai ane, U voa momou‐momou kuruenave, uku oro a‐pirimaroakoanavea ione a’a anu voa oro ekiaka oro Iesu inamu‐oiaka’ane U imua mere la’avaka’ane.

¹⁵ U erau voa ekinave, Pani va’au iki noro enara, a’a uriria anu paku ai Iva voa omoro kurura.

¹⁶ A’a ane u pirimaroakona, bapatiso‐awkavakeina ane, u iawkavakeiakana; a kurua a’a u pirimaroakoapea u mua‐awkavakeiakana.

¹⁷ Pirimaroakoa a’a anu vupu eire; i Na nawi avaea‐lipi oro laeiakana; voa e e nawawrea oro kuruakana;

¹⁸ Oro paiko a’akiakana; oro ivave muramura na’ane, oro imuapea; omo eve maia a’a upa mere oro aiakana, maia a’a aukariekavakeia?-?kana.

¹⁹ Amua Iesu orau kurueaka’ane, U pani muku ai ekeakei’inave, Eloi inu eve miki mekai U pa’anave.

²⁰ Oro elenave, makomako ai omoro kurunave ane, Amua oro kiripai iaki limakei’inave, i vupu e’e’okamakei’inave U omoro voa evere’emakei’inave. Amene.