Mareko 14 - Kuruei Voa Nawawrea 1920

¹ Pasova purai inu pani paku ai lare rere kei’inave, veila ika eria pu purai ane: omoro amua a’a, kikiria a’a ane, oro voa ipimakei’inave opara eiai oro Iesu piriane‐iai, a’ane‐iai ane.

² Oro erau voa kurunave, Purai lare ai enei pa piriai a’a aruru rawre‐li’?-?inavaia.

³ U Betania ai pokoinave ane Simona apa auma a’a anu marea ai, U pei na’amakei’inave pakara ai, a’e U ai anenave alabata maua mi‐anenave ane, kavani ovara mera muri muramura maua laru ai kei’inave; u maua koranave muramura Una uku upa mere orekanave ane.

⁴ A’a varomo i‐pokoinave erau voa ia’ia‐ekinamakei’?-?inave, Uku oiana ei muramura kaipui‐kaipuiliakeia’?-?ane euna?

⁵ Ei muramura inaealia?-?keiaka livilia moni 300 seleni eiai, moni keia’ane euna uku rurupu a’a ekuai. Oro voa momou‐momou kurunave ei a’e eiai.

⁶ Iesu erau voa kuruenave, A’e keinamoki; uku oiana noro kukupuna‐awkana? veruku opara u liane euna uku Nai eiai.

⁷ Uku rurupu a’a noro kiripai noro panipani ai e?-?mi’ina, panipani ai noro umu?-?liane noro paiekavai li’ina: a noro i‐miape panipani ai.

⁸ Orau u liai li’inave u liane euna: Na kape u muramura oreka’ane euna Na i’ia pani eiai.

⁹ Nai kurunaina kapoi, Mako‐mako ai ei iva voa omoro kuruakeiakana pani va’au iki ai, ei opara u liane euna upurukiakeiakana uku ei a’e enu uru keia’ane‐iai.

¹⁰ Iuda Isakariota, aivara 12 inu kaupu a’a monou, omoro amua a’a anu paku ai enanave, u Iesu anai‐aviane‐iai.

¹¹ Una voa oro viriaka’ane oro kopaili’inave, u kiripai moni kavani eiai oro kuruei voa kurunave oro awkuakana. Uku Iesu piriai pani ima eiai u aioiaka‐pokoinave.

¹² Veila ika eria pu purai inu pinai lare ai, oro mamoe mere avaka’ane, Una aivara erau voa veve’enave, Enei eka’ama‐enamau purai pei eveai Ni pasova purai na’ane‐iai?

¹³ Una aivara rere U ekaivirinave, erau voa ekinave ane, Pai’iri ikirira, norere a’a i‐au‐awkuakana ere vana vakarumakeiakana: e’e’okane.

¹⁴ Marea ane u ikiriakana norere ikiriakana, marea anu mai‐vaki norere erau voa veve’eakana, Amua voa eire, Na lalava ekeiana Na aivara kiripai Nai pasova purai i‐navakana?

¹⁵ U verukua lalava ovara ipanakiakana marea upa mere, lalava aru mi’ina, evere’eakeina ane; pei i‐evera enei eiai.

¹⁶ Aivara orere elenave, pai’iri ikirimanenave ane, orau U kurueaka orere awku auinave: pasova purai pei orere evenave.

¹⁷ Lare eua pani ai aivara 12 kiripai U i‐anenave.

¹⁸ Oro pakara ai i‐papa’amakei’inave, pei na’amakei’inave ane, Iesu erau voa kurunave, Nai kurunaina kapoi, Nomo a’a monou Nai kiripai pei na’amakina u anai‐avi’iakana.

¹⁹ Oro kukupuna evopoakei’inave, a’a monou monou erau voa veve’enave, Nai ana?

²⁰ U erau voa kuruenave, U ane u aivara 12 inu a’a una eve Nai kiripai pei ainau mere mi’ina.

²¹ A’a anu Mere enanavailia, orau voa kikiriakeina U eiai: umu e, kurua a’a eiai uku u A’a anu Mere anai?-?aviakeina! ima kapoi kurua vaki eiai u kiniakeiape keia’ane.

²² Oro pei na’amakei’inave, Iesu pu mi’inave, nawki‐awkanave, pu vepenave, la’a ekunave ane, erau voa kuruenave ane, Mi’ine, Na kape eire.

²³ Koiri awku U mi’inave, U nawki‐awkavaka’ane, U ekunave: oro uriria koiri mere na’anave.

²⁴ U erau voa kuruenave, Na aro eire orekavakeina a’a aila eiai, ei aro Kuruei voa nawawrea evere’ena.

²⁵ Nai kurunaina kapoi, Iri uru unu ika Nai moawku na’apea anea’anea iri uru ika nawawrea Nai nava’ane Eloi inu eiei laru ai.

²⁶ Oro awni awkavaka’?-?ane, oro elenave Oliveta akapu ai.

²⁷ Iesu erau voa kuruenave, Noro uriria aua’avai, aravai awkamakina, uku ei voa kikiriakeina, Mamoe oiviria a’a Nai avakana mamoe laeiakeiakana ane.

²⁸ A neko mere ai Nai imua mere la’ava’ane, noro paku ai Nai enavakana Galilaia ai.

²⁹ Petero erau voa kurunave, A’a uriria aua’avakeia’ane, nai aua’avakeiapea.

³⁰ Iesu erau voa kurunave, Nai kurunina kapoi, ei lare, lia, ei kipere pani ai, kokora viki pani paku ai, pani rere kaiane ni lari‐ikavakana.

³¹ Voa araro Petero erau voa kurunave, Ni kiripai nai imuane, nai lari‐nikava?-?pea kapoi. Oro uriria orau kurunave.

³² Oro anenave, mako nawi Getesamane oriakei’?-?inave: Una aivara U erau voa ekinave, Eu ai papa’ane anea’anea Nai nawki‐awkava’ane.

³³ Petero, Iakobo ane; Ioane ane, U kiripai U era’anave, U varua’anave, kukupuna evopoakei’inave ane;

³⁴ U erau voa kuruenave, Na umu kukunu oiniakeina imua arekamu ai, eu ai pokoina, rokoa‐oivirine ane.

³⁵ Paku ai mau’u U enanave, are epo ai’inave, nawki‐awkanave ane, uku uakeia’ane naea, ei pani awpea?-?ne‐iai.

³⁶ U erau voa kurunave, Aba, Mai e, awku uriria Ni liai li’ina; ei koiri iou‐mi’ine Nai mere: a Ni e, Ni lai Ni evere’ene, Na lai peo.

³⁷ U vairunave, oro awaw?-?keimakei’inave U auienave, U Petero erau voa veve’enave, Simona e, ni awaw ana? pani eiei monou rokoa oiviriai ni liapeana?

³⁸ Rokoa‐oivirine, nawki‐awkane ane, noro ailia uai aranavaia. Avaea iviri miki keina, a kape eapa keina.

³⁹ U moawku elenave, nawki‐awkanave ane, pinai nawki voa U moawku kurunave ane.

⁴⁰ U vairuaka’ane, oro awawkeimakei’inave U moawku auienave, (uku omo inamu mu’u kei’inave,) uku voa kuruai oro pauapaua kei’inave.

⁴¹ Pani rere kaiane U anenave, erau voa kuruenave ane, Eai awaw pokoine, lai?-?kaine ane: Oaio! pani ei‐anena; A’a anu Mere namea a’a anu eve mokono ai anai’?-?aviakeina.

⁴² Lala’ane, enei enanamaki; akoi’i, kurua vaki anai?-?avi’ina u arekamu ai anena.

⁴³ U voa kurumakei’inave ane, Iuda aivara 12 inu a’a emoki anenave, u kiripai a’a aruru ovara omo kaia rawve, iri kavai ane, omoro amua a’a, kikiria a’a, mai‐oro mere, anenave.

⁴⁴ Anai‐avia vaki a’a aruru vupu ekunave, u erau voa kuruenave, Kurua a’a nai epo‐awmiakana, U ioure, pirine, oravaka‐enara ane.

⁴⁵ U paiaka’ane Iesu ai u emoki enanave, erau voa kurunave ane, Amua e, Amua e, epo‐awmi’inave ane.

⁴⁶ Oro a’akinave, oravaka‐enanave ane.

⁴⁷ A’a monou i‐oimakei’inave una rawve a’akinave, omoro amua a’a anu aivara vakinave, una keporo ei’inave ane.

⁴⁸ Iesu erau voa veve’einave, Avapu a’a orau piriai, rawve, iri kavai ane, noro ipiriai ama’ane’i?

⁴⁹ Lare kavakava noro kiripai omoro marea laru ai Nai ipawkimakei’inave, noro a‐ipirinavea: a iaa revareva evere’eai limakina.

⁵⁰ Oro uriria ave’enave, area‐enanave ane.

⁵¹ Roropaea monou e e’e’okanave, una kape eme e piriakei’inave; a’a aruru unu roropaea oro a’akinave:

⁵² Una eme omo eve mokono ai ave’emakei’inave, oro mere irikaiva u area‐enanave.

⁵³ Omoro amua a’a anu paku ai oro Iesu oravaka?-?enanave: omoro amua a’a uriria, mai‐oro ane, kikiria a’a ane, i‐kaupukiakei’inave.

⁵⁴ Iesu ama mere Petero e’e’okanave omoro amua anu marea ai: aivara oro kiripai iau paku ai u pa’anave, una kape iva awkanave.

⁵⁵ Omoro amua a’a, Sunederi a’a uriria ane, ione voa voromakei’inave oro Iesu a’ane‐iai, ione voa eria oro auinave.

⁵⁶ A’a aila avia voa kurunave, a omo voa ipi’ipia’a‐kei’inavea.

⁵⁷ A’a varomo lala’anave, avia voa erau voa kurunave uku U eiai,

⁵⁸ Enei viriane euna U erau voa kurunave, Ei omoro marea a’a anu eve la‐okavakeina, Nai oavakana, lare rere kaiane enu pani ai eve eria marea mo Nai la‐okavakana.

⁵⁹ Ei a’a anu ione voa ipi’ipia’a‐kei’inavea.

⁶⁰ Omoro amua oinave, oro awkono avao ai ikirimakei’inave, u Iesu erau voa veve’enave, Ni voa eria ana? Oi voa ana ei ione a’a kuruna Ni eiai?

⁶¹ U eiekavakei’inave, voa eria kurunave ane. Omoro amua moawku erau voa veve’enave, Ni Keriso ana, Iehova anu Mere ana?

⁶² Iesu erau voa kurunave, Lia: A’a anu Mere iva anu eve miki mekai pa’amakina noro inamu‐oiakana, kaia anu awporo mokono ai anemakeiakana.

⁶³ Omoro amua una a’a kape kokoranave, erau voa veve’einave ane, Uku oiana enei ione a’a mo mi’ina?

⁶⁴ Ei mai‐voa noro viriane euna: noro oiamalaikora’i? Uku avai oro uriria mua‐awkanave.

⁶⁵ A’a varomo kaunere kai’inave, una inamu kapua pirinave, vakiawmi’inave ane, erau voa kurunave ane, Laikorava a’a anu voa kurune: aiau marevaki a’a awku omo eve kavai vaki‐awmi’inave.

⁶⁶ Petero marea anu mapu arau ai pokoinave, omoro amua anu aivara paka monou u ai anenave:

⁶⁷ U Petero inamu‐oimakei’inave iau paku ai una kape iva awkamakei’inave, u inamu‐ekinave, erau voa kurunave ane, Ni awku Iesu Nasarene a’a kiripai uarokoanave.

⁶⁸ U erau voa kurunave, Ai! ni voa anu miki nai ipapeo. U elenave ainamere ai: kokora‐vaki vikirinave ane.

⁶⁹ Kurua paka moawku inamu‐oinave, a’a arekamu ai oimakei’inave, u erau voa kuruenave, Ei vaki ei kaupu unu a’a keina.

⁷⁰ Ou voa u moawku lari‐awkanave. Maura pani ai, oro i‐oimakei’inave Petero moawku erau voa kurunave, Ni ei kaupu unu a’a kapoi: uku ni voa ipawkina ni Galilaia a’a keina.

⁷¹ Anakaia voa u erau voa kurunave, Ei a’a eiai noro kuruna nai ipa‐ulaupeo.

⁷² Kokora‐vaki pani rere vikirinave. Kurua voa Iesu kurunave Petero laikorakinave, Kokora‐vaki pani rere enu viki paku ai, pani rere kaiane ni lari‐ikavakana. U ou voa laikorakiaka’ane, u vikirinave.