Mareko 11 - Kuruei Voa Nawawrea 1920

¹ Betapage ai, Betania ai ane, Oliveta akapu ai, Ierusalema arekamu ai, oro paiaka’ane, aivara rere paku ai U ekaivirinave, erau voa ekinave ane,

² Pai’iri paku ai enara, norere ikiriane asini mere piriakeina norere auikana, a’a kapeo una muri ai pa’ane euna; asini mere ururune, arekane ane.

³ A’a erau voa vevenaiane, Norere oiamalimakei’i? norere erau voa kurura, Amua oea‐rokona; u emoki evere’eakana.

⁴ Orere enanave, asini mere kikau iri ai piriakei’inave orere auinave; orere ururunave.

⁵ A’a varomo i‐oimakei’inave erau voa veve’einave, Norere oiamalimakei’i, asini mere ururumakei’i?

⁶ Orere kuruenave orau Iesu ekiaka: oro evere’enave.

⁷ Asini mere orere Iesu ai arekanave, omo a’a kape asini mere muri ai orere aparenave; Iesu upa mere pa’anave.

⁸ A’a aila omo a’a kape kapea ai aparenave: a’a mo iri aw ei’inave, kapea ai aparenave ane.

⁹ Oro paku ai enamakei’inave, oro awku e’e’okamakei’inave, erau voa laeali’inave, Iawkane Eloi e! U ane U Iehova anu nawi anena U kopai‐awkavakeina:

¹⁰ Kurua aneliviai anelia eiei, ene mai‐vaki Davida anu eiei kopai‐awkavakeina. Iawkane, Eloi e, pani muku epe’epe ai!

¹¹ Iesu Ierusalema ai pai’inave, omoro marea ikirinave ane; awku uriria U inamu‐ekiaka’ane, uku lare eua pani aneaka aivara 12 kiripai U Betania ai vairunave.

¹² Namai lare ai, oro Betania ave’eaka’ane, U navai?-?navaili’inave:

¹³ Ama mere paku ai uru iri U inamu‐oimakei’inave, U i‐enanave inamu‐oiai U uru auiane naea iri upa mere, iri aw e U auinave; uru meria pani aneakape.

¹⁴ U iri erau voa kurunave, Uru ni mere a’a pa navai opai keiakana. Una aivara ei voa virinave.

¹⁵ Oro Ierusalema ai pai’inave, omoro marea ikirimakei’inave, peipei inaealia a’a omoro marea laru ai U laeinave iki ai, moni kavani‐kavani a’a anu pakara U auri‐ekanave, naku inaealia a’a anu pakara ane;

¹⁶ A’a iaki aru omoro marea laru ai vakaruai U a‐evere’enavea.

¹⁷ Erau voa U omoro kuruenave, Ei voa kikiriakei?-?apeana, I kaki a’a uriria Na marea omoro marea oroiakeiakana? a noro ei marea avapu a’a anu marea kari?-?kiane euna.

¹⁸ Omoro amua a’a, kikiria a’a ane, ei voa virinave, avai uku oro voronave ane: oro kore kei’inave U eiai, uku a’a uriria varuavakei’inave Una ipawkia voa eiai.

¹⁹ Lare kavakava lare eua pani ai, Una aivara kiripai U pai’iri mere elenave.

²⁰ Mapani ai oro awpemakei’inave, oro inamu‐oinave uru iri neva mere paro?-?rokei’inave.

²¹ Petero laikora‐awki?-?makei’inave, erau voa kurunave, Amua e, Akoi’i, uru iri Ni ivave‐awkanave u pa?-?rorokeina.

²² Iesu erau voa kuruenave, Eloi pirimaroakone.

²³ Uku Nai kurunaina kapoi, A’a ei akapu erau voa awkiane, Laikine, ere aura ai laikiakeinamoki; una umu laru ai u peroro e’ea eria miane, u pirimaroakoane una awkia voa evere’eakeiakana; orau u awkina u miakana.

²⁴ Ou uku eiai Nai kurunaina, Awku uriria eiai noro nawki’ekana nanuku‐ekana ane, noro pirimaroakoane noro e‐miane euna, noro e‐miakana.

²⁵ Noro nawki‐awkavai oiane, noro ia’ia keia’ane a’a e eiai, noro paue‐awmi’?-?ine; uku nomo Mai pani muku ai pauenamiane‐iai nomo namea eiai.

²⁶ Noro paue’awmiape liane, nomo Mai awku pani muku ai pauenamiapea nomo namea eiai.

²⁷ Oro Ierusalema ai moawku anenave: U omoro marea laru ai are‐rokoamakei’inave, omoro amua a’a, kikiria a’a ane, mai‐oro ane, U ai anenave,

²⁸ Erau voa veve’enave ane, Koama‐niki’e ei awku liai? ei awku liai iva koama?-?niku’e?

²⁹ Iesu erau voa kuruenave, Nai awku voa monou vevenaima, noro kavani voa ikuane, Nai nakiakana uku Nai ei awku li’ina.

³⁰ Ioane enu bapatiso, pani muku mere ana, a’a mere ana? Ikine.

³¹ Oro erau voa ekinamakei’inave, Enei kuruane, pani muku mere; U erau voa veveaiakana, Uku oiana noro pirimaroakoakape?

³² Enei kuruane, A’a mere; oro korekei’inave a’a aruru eiai: uku a’a uriria laikoranave Ioane laikorava a’a kei’inave.

³³ Oro Iesu erau voa kurunave, Enei ipapea, Iesu erau voa kuruenave, Nai awku nakiapea uku Nai ei awku li’ina.