Luka 24 - Kuruei Voa Nawawrea 1920

¹ Ebedoma pinai lare enu pani merea oro lauoi ai anenave, mera muri muramura oro karikiaka oro i?-?mi‐anenave.

² Lauoi inu kikau rawre lai‐awkavakeiaka, oro inamu‐oinave.

³ Oro lauoi ikirinave, Amua Iesu unu kape oro a‐auinavea.

⁴ Ei uku eiai oro lai iakari‐ekavakei’inave, akoi’i, a’a rere oro ai oinave a’a kape akuru luki‐emiakei’inave:

⁵ A’ero kore kei’inave, omo paku ka’e ai vaparia?-?kei’inave ane, a’a erau voa veve’einave, Uku oiana U uarokona noro vorona imua a’a awkono avao ai?

⁶ U eu ai peo, U la’ana: Una voa U kurunainave Galilaia ai noro laikora‐nakine,

⁷ Erau voa kurunave, A’a anu Mere namea a’a eiai piriakeiai limakina, iri keoa upa mere avakeiai, rere kaiane lare imua mere la’avai limakina.

⁸ Una voa oro laikora‐ekinave.

⁹ Lauoi mere oro vairunave, ei awku uriria aivara 11 ekinave, e’e’okava a’a uriria ane.

¹⁰ Maria Magadala, Ioana ane, Maria Iakobo onu mei ane, a’ero e ane oro kiripai kei’inave, ei a’ero ei awku iva a’a ekinave.

¹¹ Iva a’a laikoranave a’ero onu voa minako voa kei’inave, ei voa oro a‐pirimaroakoanavea.

¹² Petero la’anave, lauoi ai area‐enanave ane; are epo aimakei’inave, a’a kape u inamu‐eimakei’inave lauoi laru ai uakeimakei’inave; u vairunave marea ai, laikoramakei’inave ane uku ei awku eiai.

¹³ Omo a’a rere kurua lare pai’iri nawi, Emauka, i‐enamakei’inave, pai’iri maili 7 naea, maili 8 naea, Ierusalema mere kei’inave.

¹⁴ Orere voa ekinamakei’inave uku awku uriria evere’eiakeiaka.

¹⁵ Orere voa ekinamakei’inave, voa ipimakei’inave ane, Iesu orere ai anenave, orere kiripai enanave ane.

¹⁶ Omo inamu apuriakei’?-?inave oro ipali’inavaia.

¹⁷ U erau voa veve’einave, Oi voa ana norere voa?-?nakimakina, norere are rokoane, lai kukunu‐liane ane?

¹⁸ Orere enu a’a monou, nawi Kaleopa, erau voa veve’enave, Ni kikoro a’a ana Ierusalema ai, awku iou ai liakei’inave ei pani ai Ni ipapeana?

¹⁹ U erau voa veve’einave, Oi awku ana? Orere erau voa kurunave, Awku uku Iesu Nasareta a’a eiai. U laikorava a’a kei’inave, uku opara, voa ane, U iviri kei’inave Eloi inu paku ai, a’a uriria anu paku ai ane:

²⁰ Omoro amua a’a, mai‐oro ane, pirinave, U mua awkavakeia’ane‐iai, ava?-?keia’ane‐iai, oro a’ane euna ane.

²¹ A enei araea’araea li’inave kurua a’a U ane U Isaraela a’a inaea‐ekava?-?kana: voa mo ane, eai lare rere kaiane lare ou lare mere ei awku liakei’inave.

²² Ei voa awku, enei varuavakei’inave uku ene kaupu unu a’ero varomo onu voa eiai, oro pani merea lauoi ai kei’inave;

²³ Oro Una kape auiakape, oro vairunave, erau voa kurumakei’inave, aivara‐avaea anu avaea awku oro inamu‐eiaka, oro kurunave U uarokona.

²⁴ Ene a’a varomo lauoi ai enanave, orau a’ero kuruaka oro auinave; a Una kape oro inamu‐oiakape.

²⁵ U erau voa kuruenave, Avuavu a’a e, nomo lai akere keina voa uriria pirimaroakoai laikorava a’a kuruane euna.

²⁶ Uku eria ana Keriso ei awku kukunu‐miai, Una evao’evao ikiriai?

²⁷ Mose enu pani mere, laikorava a’a uriria anu voa iaa revareva laru ai U eiai U ipekinave.

²⁸ Oro pai’iri arekamu ai paiaka’ane oro i‐enamakei’inave, U auoinave U mako e enamakei’inave.

²⁹ Orere erau voa nawki‐awkanave, Enere kiripai Ni pokoine: uku pani pukurua, lare eua arekamu ai ane. Orere kiripai pokoiai U ikirinave.

³⁰ U orere kiripai pei navai pa’avaka’ane, U pu mi’inave, nawki‐awkanave, pu vepenave, U au‐ekunave ane.

³¹ Orere enu inamu laka?-?vakei’inave, orere ipa‐ulau’unave ane: orere enu inamu emai mere U laikinave ane.

³² Orere erau voa ekinamakei’inave, Ene umu enei laru ai ruawkava‐peana U enere kiripai voa akina?-?makei’inave kapea ai, U iaa revareva anu miki ipaki?-?makei’inave ane?

³³ Orere emoki lala’anave, Ierusalema ai vairunave ane, aivara 11 kaupukiakei’inave orere auienave, omo e’e’okava a’a ane.

³⁴ Orere erau voa kuruenave, Amua imua mere la’avakeina, Simona anu paku ai U ereane euna ane.

³⁵ Awku liakei’inave kapea ai orere kairinani‐kurue?-?nave, uku Una opara U pu vepemakei’inave orere ipa‐ulau’unave.

³⁶ Orere orau kurumakei’inave, Iesu verukua oro awkono avao ai oinave, erau voa kuruenave, Airu noro e.

³⁷ Oro kore‐ekavakei’inave, varuavakei’inave ane, oro laikoranave avaea oro inamu‐oiaka.

³⁸ U erau voa veve’einave, Uku oiana noro varuavakeina? uku oiana noro lai e e mi’ina?

³⁹ Na eve, Na are ane, inamu‐eine, Nai eire: neke?-?imi’ine, inamu‐oine ane; uku avaea oia, la’aro ane, miape, orau noro inamu‐oina Nai mi’ina.

⁴⁰ U orau kuruaka’ane, Una eve, are ane, U ipekinave.

⁴¹ Uku omo kopai, uku oro varuava evopoakei’inave ane, oro pirimaroakoai ali?-?inavea, U erau voa veve’einave, Eu ai pei noro ama‐mi’i?

⁴² Awkoia nava la’a oro au‐awkunave.

⁴³ U mi’inave, na’anave ane omo paku ai.

⁴⁴ U erau voa kuruenave, Ei voa Nai kurunainave Nai noro kiripai pokoinave ane, awku uriria evere’eiakeiai limakina, awku eiai voa kikiriakeina Mose enu vupu buka laru ai, laikorava a’a anu buka laru ai, Salamo buka laru ai, uku Nai eiai.

⁴⁵ Omo lai U pamea?-?einave iaa revareva anu voa ipaliai.

⁴⁶ U erau voa kuruenave, Voa orau kikiriakeina, Keriso kukunu miai limakina, rere kaiane lare imua mere la’avai limakina.

⁴⁷ Uku lai urukia, namea paue’awmia ane, Una nawi eiai omoro kuruakeiakana kaki a’a uriria awkono avao ai, Ierusalema ai pinai‐limakina.

⁴⁸ Noro Na ione a’a keina ei awku eiai.

⁴⁹ Akoi’i, Na Mai inu maura voa la’aruku Nai okaiviriai awkamakina noro eiai: a ei pai’iri ai pokoine anea’?-?anea noro iva luki‐namia?-?keia’ane pani muku mere.

⁵⁰ U eravaka‐anenave Betania arekamu ai, Una eve U la‐ekanave, kopai‐ekanave ane.

⁵¹ U kopai‐ekamakei’?-?inave, U ekeakei’inave, pani muku ai vakaruakei’inave ane.

⁵² Oro avioinave, Ierusalema ai kopai ovara vairunave ane.

⁵³ Neko mere ai oro panipani ai omoro marea laru ai rokoamakei’inave, Eloi kopai‐awkamakei’inave ane. Amene.