Ioane 18 - Kuruei Voa Nawawrea 1920

¹ Iesu ei voa kuruaka’ane, Una aivara kiripai U Kiderona aiara ke’enave, iou ai aura kei’inave, U, Una aivara ane, aura ikirinave.

² Iuda Iesu anai‐avimakei’inave, u awku kurua mako ipali’inave: uku Iesu Una aivara kiripai pani aila i‐enanave.

³ Omoro amua a’a, Parisea a’a ane, aiau, polikimani ane, ekaivirinave, omo eve lamepa, ape’e ane, arekapu ane, oro Iuda e’e’okanave, oro i‐anenave ane.

⁴ Uku Iesu ipalimakei’inave awku uriria evere’eiakeiakana U eiai, au‐ekuai U elenave, erau voa veve’einave ane, Noro koama‐voromakei’i?

⁵ Oro erau voa kurunave, Iesu Nasareta a’a. Nai eu aku. Iuda Iesu anai‐avimakei’inave, u awku oro kiripai oimakei’inave.

⁶ U erau voa kurueaka’ane, Nai eu aku, oro vairunave, ka’e ai ara’anave ane.

⁷ U moawku erau voa veve’einave, Noro koama‐voromakei’i? Oro kurunave, Iesu Nasareta a’a aku.

⁸ Iesu erau voa kuruenave, Nai nakiane euna Nai U aku: noro ivoroane, Na aivara elenameki noro evere’eine.

⁹ U orau kurunave uku Una voa evere’eakeia’ane‐iai, U erau voa kuruaka, A’a Ni ikuane euna monou Nai paukiape.

¹⁰ Simona Petero una kaia rawve va’au uninave, omoro amua a’a anu aivara anu keporo u ei’inave. Aivara nawi Malako oroiakei’inave.

¹¹ Iesu Petero erau voa awkinave, Ni kaia rawve omali’ine: kurua koiri mere Na Mai ikuane euna Nai na’?-?apeana?

¹² Aiau kaupu, marevaki ane, Isaraela a’a anu polikimani ane, Iesu a’akinave, U?-?pirinave ane.

¹³ Oro pinai arekanave Ana anu paku ai; uku u Kaiapa anu ono‐vaki kei’inave. Kaiapa omoro amua epe’epe kei’inave ou aumeia pani ai.

¹⁴ Ei Kaiapa Isaraela a’a erau voa kurueaka, Opara anana a’a monou imuai a’a aruru eiai.

¹⁵ Simona Petero, aivara monou mo awku, Iesu e’e’okanave: omoro amua a’a epe’epe kurua aivara ipali’inave, Iesu kiripai omoro amua a’a epe’epe enu marea u ikirinave ane.

¹⁶ Petero marea kikau iki ai oinave. Kurua aivara i omoro amua a’a epe’epe ipaliakei’inave u elenave, kikau oiviria paka voa kurunave, Petero marea laru ai arekanave ane.

¹⁷ Kikau oiviria paka Petero erau voa veve’enave, Ni awku ei a’a anu aivara a’a ana? Petero erau voa kurunave, Ai!

¹⁸ Uku pani kou’upua kei’inave, aivara, polikimani ane, iau awkuaka, iau paku ai kape iva‐ekamakei’inave oro oimakei’inave; Petero oro kiripai oinave, kape iva?-?awkanave ane.

¹⁹ Omoro amua a’a epe’epe Iesu voa veve’enave uku Una aivara eiai, uku Una ipawkia voa eiai ane.

²⁰ Iesu erau voa kurunave, Pani va’au iki ai Nai omoro kuruane euna; omoro marea e e laru ai panipani ai Nai ipawkiane euna, makomako ai Isaraela a’a i‐kaupukina; vauavaua ai voa eria Nai kuruane euna.

²¹ Uku oiana ni voa veve’i’ina? A’a veve’eine oro virinave voa Nai ipekinave. Voa Nai omoro kurunave oro ipali’ina.

²² U erau voa kuruaka’ane, marevaki monou i‐oimakei’inave una eve kavai u Iesu vakinave, erau voa veve’enave ane, Omoro amua a’a epe’epe Ni orau ama?-?kuru’i?

²³ Iesu erau voa kurunave, Nai namea kuruane euane, voa anu namea ni ipawkine: voa anana Nai kuruane euane, uku oiana ni vaki’imi’ina?

²⁴ Iesu piriakei’inave Ana okaiviriaka Kaiapa omoro amua a’a epe’epe ai.

²⁵ Kape iva‐awkamakei’?-?inave Simona Petero i‐oimakei’inave. Oro erau voa veve’enave, Ni awku Una aivara a’a ana? U erau voa kurunave, Ai!

²⁶ Omoro amua a’a epe’epe enu aivara monou, u kimi vaki kei’inave kurua a’a eiai Petero una keporo ei’inave, u erau voa veve’enave, Nai inamu‐niapeana U kiripai aura laru ai?

²⁷ Petero erau voa moawku kurunave, Ai! Kokora‐vaki emoki vikirinave.

²⁸ Kaiapa mere oro Iesu ora’anave voa vevea marea ai: pani merea kei’inave. Orava a’a voa vevea marea a‐ikirinavea oro upu mi’inavaia, uku Pasova purai navai oro umuli’inave.

²⁹ Pilato oro ai elenave, erau voa veve’einave ane, Oi ailiea voa ana noro mi‐anena ei a’a eiai?

³⁰ Oro erau voa kurunave, U namea a’a peane, ni paku ai enei arekavakape.

³¹ Pilato erau voa kuruenave, Noro awmi’ine, i nomo Vupu voa noro voa veve’ene. Isaraela a’a erau voa kurunave, Enei iva eria mi’ina a’a avai:

³² Oro orau kurunave uku Iesu unu voa evere’eakeia’ane‐iai, voa U kuruaka uku Una imua anu opara eiai.

³³ Pilato voa vevea marea moawku ikirinave, Iesu u ai aneai u laea‐ulau’unave, erau voa veve’enave ane, Ni Isaraela a’a anu Amua ana?

³⁴ Iesu erau voa veve’enave, Ni e ei voa amakuru’i, a’a e ei voa Nai eiai ama?-?niki’e?

³⁵ Pilato erau voa veve’enave, Nai Isaraela a’a ana? Ni kaki a’a, omoro amua a’a ane, arenika’ane euna na paku ai: Ni oiamali’e?

³⁶ Iesu erau voa kurunave, Na eiei ei pani va’au ai keiapea: Na eiei ei pani va’au ai keia’ane, Na aivara apakina’ane euna Isaraela a’a mere i’ikavai: Na eiei pani va’au mere a‐anenakea kapoi.

³⁷ Pilato erau voa veve’enave, Ni Amua a’a ana? Iesu erau voa kurunave, Nai amua a’a ni kuruna kapoi. Ei uku eiai Nai kiniakei’inave, ei uku eiai pani va’au ai Nai anenave, voa miki Nai ioneliane‐iai. Voa miki inu a’a kavakava Na voa virina.

³⁸ Pilato erau voa veve’enave, Oi voa ana voa miki keina? U orau kuruaka’ane, u moawku elenave Isaraela a’a anu paku ai, erau voa kuruenave ane, Ei a’a laru ai namea eria nai auina.

³⁹ A ei opara noro mi’ina Pasova purai pani ai nai kipura a’a monou ururuakana noro eiai: nai Isaraela a’a anu Amua ururuai noro amalaikora’i?

⁴⁰ Oro erau voa araro kurunave, Ai! ei a’a peo; Baraba ururune. Baraba avapu‐no’ovea vaki kei’inave.