Iakobo 4 - Kuruei Voa Nawawrea 1920

¹ Iakava voa, kouamina voa ane, ekeimeremane noro awkono avao ai? I’ima mere peana oro ane panipani ai noro laru ai apakina’amakina?

² Noro i’emi’ina, emiai noro liapea; noro a’a a’ana; lai i’ima noro mi’ina, nomo lai evere’eai noro liapea; noro apakina’ana. Noro miape uku noro Eloi nawki‐a‐awkanakea.

³ Noro nawki‐awkana naea, a noro a‐mi’inakea, uku noro kukia nawki‐awkana, awku eiai noro nawki‐awkana noro umuli’ina nomo i’ima eiai.

⁴ Eve’eve a’a e, kana a’ero e, noro ipapeana pani va’au unu i’ima opara mani rokona Eloi eiai? Ou uku eiai a’a ane pani va’au unu i’ima opara u ie’eina u Eloi inu mani a’a rokona.

⁵ Noro ama‐laikora’i ei Iaa revareva voa uku eria mi’ina, Voa ane erau voa kuruna, Avaea ane ene laru ai pokoiai U awkiane euna, U namani umu‐akana?

⁶ A la’aruku mo U veruku awkuna. Orau U erau voa kuruna, Lai kauakaua a’a Eloi lari‐ekana, lai vaparia a’a U la’aruku ekuna.

⁷ Ou uku eiai noro Eloi kamaia‐awkane; Diabolo lari‐awkane, noro mere u area‐enavakana.

⁸ Eloi arekamu ai anene, noro arekamu ai U aneakana. Nomo eve urupu‐eine, noro namealia a’a e, nomo umu urupu‐eine ane, noro e, noro lai rere a’a keina Eloi eiai.

⁹ Nomo rurupu ipali’ine, awni mu’u mailau awkane, araro vikirine ane; nomo keke viki evere’enamoki, nomo kopai ane makiri evere’enamoki.

¹⁰ Nomo nane vaparia?-?ekane Eloi inu paku ai, U arenaiakana.

¹¹ Aroa a’a e, nomo a’a eiai voa lipi noro pa kuruai. A’a ane u voa lipi kuruna una aroa a’a eiai naea, voa veve’ena naea, u voa lipi kuruna Vupu eiai, u Vupu voa veve’ena ane. Ni Vupu voa veve’eane, Ni Vupulia a’a peo, ni Vupu unu voa vevea a’a keina.

¹² Vupu unu Amua monou e uarokona, U ane U iawkavai li’ina naea, U oavai li’ina naea. Ni koana ni a’a e voa veve’ena?

¹³ Akoi’i, noro e, noro erau voa kuruna, Eai lare naea, namai lare naea, ei pai’iri naea, ou pai’iri naea, enei enanavailia, aumeia monou i‐pokoiakana, aru inaealiakana ane:

¹⁴ Panipani ai noro paua?-?paua keia’ane namai inu awku eiai. Nomo rokoa oiana? Nomo rokoa maiva mikirina, maiva ane pani mau’u erena, neko mere ai periakeina.

¹⁵ A erau voa noro kuruai limakina, Amua umuliane, enei rokoakana, ei iaki naea, ou iaki naea, enei liakana.

¹⁶ A eai noro kopaili’ina uku nomo voa meramera eiai: voa meramera uriria namea keina.

¹⁷ Ou uku eiai opara anana liai a’a ipaliane, u liape liane, u namea li’ina.