Epeso 2 - Kuruei Voa Nawawrea 1920

¹ Noro lai unuku a’a Eloi rokoa nakuane euna, noro ane i nomo leua, nomo namea ane, noro imuakei’inave;

² Opara eni pani ai noro lioko‐lioko ei pani va’au unu opara noro li’inave ane, pani inu iva anu amua mere noro kamaia‐awkanave’ane, avaea ane oro eai iaki limakina larilia a’a anu umu laru ai:

³ Oro awkono avao ai enei uriria rokoanave eni pani ai, i ene kape enu i’ima enei amua‐akavakei’inave, kape i’ima anu umu, ene lai ane, enei evere’eimakei’inave, ene kape i’ima pani ai, a’a e orau, enei iara anu ukua mere kei’inave.

⁴ A Eloi, U ane U umu‐mai keina, uku umu‐mai U akunave,

⁵ I ene namea mere enei imuakei’inave ane, Keriso kiripai rokoai U ai’inave, (i la’aruku noro inakavakeia’ane euna;)

⁶ Keriso kiripai U la’?-?akava’ane euna, Keriso Iesu kiripai papa’avai pani muku unu eiei ai U aiane euna:

⁷ Aneliviai anelia pani ai Una la’aruku unu evereverea epe’epe U ipekiane‐iai Una umu enei eiai Keriso Iesu laru ai.

⁸ Uku i la’aruku noro inakavakeina i pirimaroakoa mere; uku noro verukua apea: kurua iawka Eloi inu la’aruku keina:

⁹ Uku a’a anu iaki apea, a’a meramera voa kurunavaia.

¹⁰ Uku enei Una eve?-?pawki keina, Keriso Iesu laru ai enei aiakeina ima iaki eiai, iaki ane Eloi evere’eiane euna enei elauane‐iai.

¹¹ Ou uku eiai noro pa aikavai uku nomo kape eiai noro lai unuku a’a kei’inave, i oro momoa‐eia a’a eroiakeina momoa‐eia eria a’a noro naroiakeina, oro ane oro rawve momoa‐eia a’a keina;

¹² Kurua pani ai Keriso iki ai noro rokoamakei’inave, keke’e a’a noro lainakava?-?kei’inave Isaraela kaki a’a mere, maura‐voa anu kuruei voa eiai noro kikoro a’a kei’inave, pani va’au iki ai araea’araea eria, Eloi eria ane, noro miaka:

¹³ Noro eni pani ai amai mere kei’inave, eai Keriso Iesu laru ai arekamu ai noro arenakavakeia’ane euna i Keriso onu imua mere.

¹⁴ Uku U ene airu, U ane Isaraela a’a, lai unuku a’a ane, U airu‐eiane euna, mai ane oro mokono ai kei’inave U upupuane euna;

¹⁵ Vupu U laiawkava’?-?ane euna, Vupu unu awkia voa ane, orau oro aua aua ipawkia voa kei’inave. Una lai a’a anu kaupu rere kaupu monou kauavai U laru ai, orau airu‐eai ane;

¹⁶ I Una iri keoa Isaraela a’a, lai unuku a’a ane, kaupu monou airu‐eai Eloi eiai, i Una iri keoa omo mani oama?-?kina.

¹⁷ U anenave, airu omoro kurunave ane, noro eiai noro amai mere kei’inave, oro awku eiai oro arekamu ai kei’inave.

¹⁸ Enei Isaraela a’a, enei lai unuku a’a ane, i U mere, i Avaea monou ane, ene kaupu orere kapea mi’ina Eloi ai.

¹⁹ Ou uku eiai eai enei kikoro a’a peo, keke’e a’a peo, enei iaa a’a anu pai’iri a’a, Eloi inu marea avai a’a ane.

²⁰ Iva a’a upa mere, laikorava a’a upa mere ane, enei marea la’akavakeina, Iesu Keriso ei marea anu kovaivivi miki keina.

²¹ U laru ai marea iki kane paikiakeina, la’amakina ane iaa marea Amua eiai:

²² U laru ai noro awku lanakavakeina, i Avaea mere noro marea evere’eane‐iai Eloi eiai.