يعقوب 3 - Hijazi New Arabic Version

التحكم في اللسان

¹ يَا إِخْوَاني، لاتتسابقوا في انكم تكونوا معلمين لغيركم ويزيد عدد المعلمين وخليكم فاكرين اننا، احنا المعلمين، راح نتحاسب حساب أقسى من غيرنا.

² لاننا كلنا متعرضين اننا نوقع في اخطاء كتيرة، لكن اللي يقدر يتحكم في لسانة وما بيغلّظ في كلامة فهو ناضج وبيقدر يسطير على طبيعته بالكامل

³ فلما نحط لِجَام فِي فَمِ الحِصَانٍ، نقدر اننا نحركه و نوجهه زي ما نبغى.

⁴ وَمَهْمَا كَانَتِ السَّفِينَةُ كَبِيرَةً وَالرِّيَاحُ اللي بتَدْفَعُهَا قَوِيَّةً وشديدة، فَبِدَفَّة صَغِيرَةٍ جِدّاً يَتَحَكَّمُ القبطان فِيهَا وبَيَسُوقُهَا للْجِهَةِ اللي يبغاها. زيهم بالظبط اللِّسَانُ كمان: هُوَ عُضْوٌ صَغِيرٌ،

⁵ وَلَكِنْ كيف هي فَعَّالِيَّتَهُ! تخيلوا: إِنَّ شَرَارَةً صَغِيرَةً تُحْرِقُ غَابَةً كَبِيرَةً!

⁶ وَاللِّسَانُ زي َالنَّارِ في خطورته: فَهُوَ لوَحْدَهُ، من بَيْنَ أَعْضَاءِ الْجِسْمِ، بيجمع الشُّرُورِ كُلِّهَا، وَبيُلَوِّثُ الْجِسْمَ كُلَّهُ بِالْفَسَادِ. فهو بيُشْعِلُ الْكَوْنِ، وَيَسْتَمِدُّ قوة نَارَهُ مِنْ جَهَنَّمَ!

⁷ الإِنْسَانِ يقدر أَنْه يُرَوِّضَ الْوُحُوشَ وَالطُّيُورَ وَالزَّوَاحِفَ وَالْحَيَوَانَاتِ الْبَحَرِيَّةَ كمان، بكل أنواعها. فَهاذا اللي بنشوفه.

⁸ وَلَكِنَّ محد من الناس يقدر أنه يُرَوِّضَ اللِّسَانَ. فَهُوَ شَرٌّ ما بيتحكم، ومليان بِالسُّمِّ الْقَتَّالِ!

⁹ فاللسان هاذا به بنَرْفَعُ الْحَمْدَ وَالشُّكْرَ لإلهنا وأبونا السماوي، وبه كمان بنشتم النَّاسِ اللي خَلَقَهُمُ اللهُ عَلَى صورته ومِثَالِهِ.

¹⁰ وبكدة نكون، بنخْرُجُ الْبَرَكَاتُ وَاللَّعَنَاتُ مِنَ نفس الفم. وَهاذا، يَا إِخْوَاتِي، مو لازم يحصل أَبَداً!

¹¹ سمعتوا قبل كدة عن نَبْع موية وَاحِد بيدي موية عَذْبه وَموية مُرّه مِنْ نفس العَيْنٍ ؟

¹² هو ينفع، يَا إِخْوَاني، أَنْ التينة تنتج زَيْتُون، أَوِ الْكَرْمَةُ تنتج تِين؟ زي كذه ما هوممكن أَنْ النَّبْعُ الْمَالِحُ يعطي موية عَذْبه.

نوعين من الحكمة

¹³ هل فيكم حكيمين وَناس تفهم؟ بكده، هذول لازم يكون سلوكهم جيد، وبأعمالهم هاذي يظهروا الْوَدَاعَةَ اللي هي من صفات الْحِكْمَةُ (الحَقِيقِيَّةُ).

¹⁴ لكن لو كَانَتْ قُلُوبُكُمْ مليانه بِمَرَارَةِ الحَسَدِ والتحيز، فلا تَفْتَخِرُوا بِحِكْمَتِكُمْ، ولا تُنْكِرُوا الْحَقَّ.

¹⁵ هاذي الْحِكْمَةَ اللي بتَدَّعوها هي مو مِنْ عِنْدِ اللهِ، لكن هِيَ «حِكْمَةٌ» أَرْضِيَّةٌ بَشَرِيَّةٌ شَيْطَانِيَّةٌ.

¹⁶ مكان ماتكون مَرَارَةُ الْحَسَدِ والتحيز، بيَنْتَشِرُ الْخِلافُ وَالْفَوْضَى وكل الشُّرُورِ.

¹⁷ لكن الْحِكْمَةُ اللي نَّازِلَةُ مِنْ عِنْدِ اللهِ، فَهِيَ نَقِيَّةٌ وطَاهِرَةٌ، قَبْلَ كُلِّ شَيْءٍ. وَهِيَ كمان بتَدْفَعُ صَاحِبَهَا انه يكون مسالم ومترفق. كَمَان هي مُطَاوِعَةٌ، ومليانه بِالرَّحْمَةِ وَالأَعْمَالِ الصَّالِحَةِ، مُسْتَقِيمَةٌ: وما بتُمَيِّزُ وَلا بتَنْحَازُ وَلا بتُنَافِقُ.

¹⁸ وَالْبِرُّ كمان هُوَ ثَمَرَةُ اللي بيحصل عليها اللي بيصنعوا واللي بيزرعوا السلام.