يعقوب 2 - Hijazi New Arabic Version

التنبية من التحيز

¹ يَا إِخْوَاتِي، بما انكم بتؤمنوا بِرَبِّنَا يَسُوعَ الْمَسِيحِ، رَبِّ الْمَجْدِ، لاتعاملوا الناس بالتحيز والتفريق بينهم!

² فلو حصل ان اتنين دَخَلوا مَجْمَعَكُمْ، واحد منهم غَنِيٌّ ولابس ملابس فَاخِرَةً وَبيُزَيِّنُ أَصَابِعَهُ بِخَوَاتِمَ مِنْ ذَهَبٍ، والتاني فَقِيرٌ يَلْبَسُ ملابس بالية

³ فلو رحبتوا بِالْغَنِيِّ وقلتوا له: «اتَفَضَّلْ، اقعد هُنَا قدام! » وقلتوا لِلْفَقِيرِ: «وانت أوقف هناك أو اجلس هنا عند رجولنا! »

⁴ فهذا بيأكد أَنَّكُمْ بتتميزوا بَيْنَ النَّاسِ حَسَبِ غناهم، وبتعينوا نفسكم قُضَاةً وافكاركم شريرة!

⁵ إِخْوَاتِي الأَحِبَّاءَ، اللهُ اختار الْفُقَرَاءَ فِي نَظَرِ النَّاسِ علشان يخليهم أَغْنِيَاءَ فِي الإِيمَانِ، واداهم الحق في ورث الملكوت اللي وَعَدَ بِه الي يحبوه؟

⁶ لكن انتوا اتعاملتوا مع الفقير باهانه. ماتعرفوا أَنَّ الأَغْنِيَاءَ هُماُ اللي بيتحكموا فيكم وياخدوكم للْمَحَاكِمِ،

⁷ وَهُمُا اللي بيَسْتَهْزِئُوا بِالْمَسِيحِ اللي انتوا بتَحْمِلُوا اسْمَهُ الْجَمِيلَ؟

⁸ جميل يكون عملكم لو عملتوا بهاذي الْقَاعِدَةَ الْمُلُوكِيَّةَ اللي فِي الْكِتَابِ: «تُحِبُّ قَرِيبَكَ زي ما تُحِبُّ نَفْسَكَ!»

⁹ لكن لما تعاملوا الناس بالتحيز والتفرقة، هاذي خطية لكم وتستحقوا حكم الشريعة باعتباركم مخالفين لها.

¹⁰ انتوا عارفين أَنَّ اللي يُطِيعُ كل الْوَصَايَا اللي فِي شَرِيعَةِ مُوسَى، وَيُخَالِفُ وَاحِدَةً مِنْهَا بس، يكون مذنب، زيه زي اللي بيخالف الوصايا كلها.

¹¹ مثلا اللهَ، قَالَ: «لا تَزْنِ» وكمان قَالَ: «لا تَقْتُلْ!» فلو مازنيت، لكِنْ قَتَلْتَ، فانت اتعديت على الشَّرِيعَةَ.

¹² علشان كدة، اتعقلوا فِي الكلام والافعال حَسَبِ قَانُونِ الْحُرِّيَّةِ، كَأَنَّكُمْ راح تتحاكموا بيه.

¹³ لازم يَكُونَ الْحُكْمُ عَلَى اللي مابيرحموا، حُكْم مافيه الرَّحْمَةِ، لكن الرَّحْمَةُ لازم تتغلب على الْحُكْمِ!

الايمان والاعمال

¹⁴ يَا إِخْوَاني، هَلْ يَنْفَعُ أحد يقول انه مؤمن وهو مالوا أي أعمال تثبت هاذا، هَلْ ايمان زي كده يُخَلِّصَهُ؟

¹⁵ لو في أخ أو أخت محتاجين ملابس وكمان قوت يومهم،

¹⁶ وحد منكم قالهم: «بتمنالكم كُلَّ خَيْرٍ. البسوا ملابس تدفيكم، وكلوا أكل حلو!» من غير ما يساعدهم باللي محتاجينه من ملابس وأكل، بإيش راح يفيدهم هاذا؟

¹⁷ وبكدة يكون الإِيمَانَ وَحْدَهُ مَيِّتٌ لو مو راح تَنْتُجْ عَنْهُ أَعْمَالٌ.

¹⁸ وممكن أحد فيكم يقول: «أَنْتَ عندك إِيمَانٌ وَأَنَا عندي أَعْمَالٌ». وريني كَيْفَ راح يَكُونُ إِيمَانُكَ مِنْ غَيْرِ أَعْمَالٍ، وَأَنَا أوريك كَيْفَ هو إِيمَانِي بِأَعْمَالِي.

¹⁹ أَنْتَ بتؤمن أَنَّ اللهَ وَاحِدٌ؟ خير تسوي! لكن الشَّيَاطِينُ كمان بتُؤْمِنُ بِهاذي الْحَقِيقَةِ، وَبترتعش من الخوف.

²⁰ وَهاذا يأكدلك، يا انسان، أَنَّ الإِيمَانَ اللي ما بتَنْتُجُ عَنْهُ أَعْمَالٌ هُوَ إِيمَانٌ مَيِّتٌ!

²¹ خلينا نشوف ابراهيم مَثَلاً:ِ كيف اتَبَرَّرَ؟ مو بِأَعْمَالِهِ؟، لما قدم ابْنَهُ إِسْحَاقَ عَلَى الْمَذْبَح

²² زي ما بتشوفوا إِيمَانَ إِبْرَاهِيمَ كان معاه الأَعْمَالُ. فَالأَعْمَالِ بتكمل الإِيمَانُ.

²³ وعلشان كدة، قال الكتاب ان: « إِبْرَاهِيمُ آمن بِاللهِ، فهاذا اتحسبلة بر»، لدرجة إِنَّهُ اتسمى «خَلِيلَ اللهِ».

²⁴ زي ما تشوفوا أَنَّ الإِنْسَانَ ما يَتَبَرَّرُ بِإِيمَانِهِ بس لكن بِأَعْمَالِهِ كمان.

²⁵ عَلَى هاذا الأَسَاسِ كمان، اتَبَرَّرَتْ رحابُ اللي كَانَتْ زَانِيَةً: لما اسْتَقْبَلَتِ الرَاّجُلَيْنِ اللي راحوا لها، ومشتهم من طَرِيقٍ تاني.

²⁶ زي ما جِسْمَ الإِنْسَانِ يَكُونُ مَيْت لو فَارَقَتْهُ الرُّوحُ، الإِيمَانُ كمان يكون مَيْت لو ما بتُرَافِقْهُ الأَعْمَالُ!