العبرانيين 4 - Hijazi New Arabic Version

راحة شعب الله

¹ وَمَادَامَ الْوَعْدُ بِالدُّخُولِ للرَّاحَةِ الإِلَهِيَّةِ موجود حَتَّى هذا الوقت، فلازم نخاف: لانه واضح أَنَّه بَعْضكم فَشَلُوا فِي الدُّخُولِ.

² الْبِشَارَةَ بِالْوَعْدِ وَصَلَتْ لَنا، احنا كمان، زي ما وَصَلَتْ للشَّعْبِ هاذا. وَلَكِنَّها ما نفعت اللي سمعوها بشي، لأَنَّهُمْ رفضوها وما أمنوا فيها.

³ لكن احنا، اللي آمَنَّا بِالْبِشَارَةِ، راح نَدْخُلُ الرَّاحَةَ الإِلَهِيَّةَ. لانه قَالَ عَنِ اللي ما أمنوا: «وبكذه، فِي غَضَبِي، أَقْسَمْتُ وقلت: إِنَّهُمْ ما راح يَدْخُلُوا مَكَانَ رَاحَتِي!» هاذي الرَّاحَةُ، اللي هي جَاهِزَةً من يوم خلق اللهُ الْعَالَمِ.

⁴ لانه قال فِي الْكِتَابِ عن الْيَوْمِ السَّابِعِ: «و اسْتَرَاحَ اللهُ مِنْ كل أَعْمَالِهِ فِي الْيَوْمِ السَّابِعِ».

⁵ بعدها قَالَ: «ما راح يَدْخُلُوا مَكَانَ رَاحَتِي!»

⁶ وبكدة، اتضح أَنَّ الرَّاحَةَ الإِلَهِيَّةَ هيِ لاجل اللي راح يدخلوا لها. وعلشان اللي وصلتهم بشارتها في الاول ما دخلوا لَهَا بِسَبَبِ تَمَرُّدِهِمْ،

⁷ اللهُ بيعلن عَنْ فُرْصَةٍ جَدِيدَةٍ، و قَالَ: «الْيَوْمَ» بِلِسَانِ دَاوُدَ، بَعْد ما مر زَمَانٌ طَوِيلٌ عَلَى اللي قَالَهُ زمان: «الْيَوْمَ،لما تسمعوا صَوْتَهُ، لاتخلوا قُلُوبَكُم قاسيةْ».

⁸ فَلَوْ كَانَ يَشُوعُ دَخّل الشَّعْبَ للرَّاحَةِ، ما كان اللهُ اتكلم بَعْدَ كده عَنْ ميعاد جَدِيد لِلدُّخُولِ لما قال: «الْيَومَ».

⁹ وبكدة، تفضل الرَّاحَةُ الْحَقِيقِيَّةُ موجودة لِشَعْبِ اللهِ.

¹⁰ فَاللي يَدْخُلُ لهاذي الرَّاحَةَ، يرتاح هُوَ كمان مِنْ أَعْمَالِهِ، كيف ما ارتاح اللهُ مِنْ أَعْمَالِهِ.

¹¹ وعلشان كدة، لازم كلنا نجتهد علشان نوصل لهاذي الرَّاحَةِ، علشان ماحد مننا يسقط كيف ما سَقَطَ اللي رفضوا أَمْرَ اللهِ.

¹² وهذا لأَنَّ كَلِمَةَ اللهِ حَيَّةٌ، وفعّاله، وأقوى مِنْ كُلِّ سَيْفٍ له حَدَينِ، وتوصل للنَّفْسِ وَالرُّوحِ وَالْمَفَاصِلِ وَنُخَاعِ الْعِظَامِ، وبتقدر تُمَيِّزَ أَفْكَارَ الْقَلْبِ وَنِيَّاتِهِ.

¹³ مافي مَخْلُوقٌ وَاحِدٌ بعيد عَنْ نَظَرِ اللهِ، لكن كُلُّ شَيْءٍ باين وَمَكْشُوفٌ قدامة، وهُوَ اللي راح يحاسبنا.

يسوع الكاهن الأعلى

¹⁴ احنا لنا رَئِيسَ كَهَنَتِنَا الْعَظِيمُ اللي ارْتَفَعَ فوق السَّمَاوَاتِ، وَهُوَ يَسُوعُ ابْنُ اللهِ، اللي لازم نتمسك به دَايِماً بِالاعْتِرَافِ به.

¹⁵ رَئِيسَ الْكَهَنَةِ اللي لنَا، قادر يفهم ضَعَفَاتِنَا، لكن كمان اتَعَرَّضَ لِلتَّجَارِبِ اللي بنَتَعَرَّضُ لها احنا كمان، إِلّا أَنَّهُ من غير خطية.

¹⁶ خلونا نِقرِّب لعَرْشِ النِّعْمَةِ، علشان نحصل على الرَّحْمَةَ ونلاقي نِعْمَةً تسندنا لما نحتاجها.