العبرانيين 10 - Hijazi New Arabic Version

ذبيحة المسيح مرة واحدة

¹ شَرِيعَةُ مُوسَى كانت مجرد ظِل وتشبيه ضعيف لِلْخَيْرَاتِ اللي راح يجي بِيها الْمَسِيحُ، وماكانت هي الحقيقة نفسها. وعلشان كدة، ماقدرت تِوصّل اللي اتبعوها للكمال، اللي بيقدموا دَايِماً الذَّبَايِحَ السَّنَوِيَّةَ نفسها،

² وَإلَّا، ماكان في داعي نكمل فيها! لأَنَ أنفس المؤمنين، لما تطهر مَرَّةً وَاحِدَةً بالكامل، مو هاتحتاج التَّطْهِيرِ مَرَّةً تَانِيَةً: لان الشُّعُورُ بِالذَّنْبِ يكون اختفى.

³ وَلَكِنَّ تَقْدِيمِ الذَّبَايِحِ الْمُتَكَرِّرَةِ كُلَّ سَنَةٍ، بيذكر المؤمنين بِخَطَايَاهُمْ.

⁴ فهو مُسْتَحِيلِ أَنْ دَمُ الثِّيرَانِ وَالتيوسِ يشيل خَطايَا النَّاسِ.

⁵ علشان كدة الْمَسِيحُ قال، لما جه لهاذي الأَرْضِ: «انا ما اطلب الذَّبَايِحَ وَالتَّقْدِمَاتِ. لَكِنَّكَ جهزتلي جَسَد بَشَرِي»

⁶ فَالْحَيَوَانَاتُ اللي كَانَتْ بتُندبَحُ وَتُتحْرَقُ قدامك للتكفير عَنِ الْخَطِيةِ، مارضيت فيها.

⁷ وهنا قلتلك: انا جاي لتنفيذ إِرَادَتَكَ، يَا اللهُ. هاذا هُوَ الْمَكْتُوبُ عَنِّي فِي الْكِتَابِ!»

⁸ فَبَعْدَ ما عَبَّرَ الْمَسِيحُ عَنْ انه الله ماهو راضي بِكل التَّقْدِمَاتِ وَالذَّبَايِحِ اللي كَانَتْ بتتقدم مَعَ أَنَّهَا كَانَتْ بتتقَدَّمُ حسب الشَّرِيعَةِ،

⁹ زاد وقال: «انا جاي لتنفيذ إِرَادَتَكَ! »، وبكدة، فهو بيُلْغِي النِّظَامَ القديم، علشان يحط مكانه نظام جديد.

¹⁰ وبارادة الله، بقينا مُقَدَّسِينَ لان يَسُوعُ الْمَسِيحُ قدم نفسة مرة واحدة مكاننا!

¹¹ زمان، كَانَ كُلُّ كَاهِنٍ يوقف كل يوم قدام الْمَذْبَحِ علشان يَقُومَ بِمُهِمَّتِهِ، ويقدم هاذي الذَّبَايِحَ لله، مَعَ أَنَّهَا ماكانت تقدر تمحي الْخَطَايَا ابدا.

¹² وَلَكِنَّ الْمَسِيحَ، رَئِيسَ كَهَنَتِنَا، قَدَّمَ ذَبِيحَةً وَاحِدَةً عَنِ الْخَطَايَا، وبعدين جَلَسَ عَنْ يَمِينِ اللهِ إِلَى الأَبَدِ ،

¹³ وانتظر أَنْ أَعْدَاؤُهُ يبقوا تحت رجلية.

¹⁴ وبكدة يكون، بِتَقْدِمَةٍ واحدة خلى اللي قَدَّسَهُمْ كَامِلِينَ للأَبَدِ.

¹⁵ وَالرُّوحُ الْقُدُسُ نَفْسُهُ بيَشْهَدُ لَنَا بِهاذي الْحَقِيقَةِ. لما قال:

¹⁶ «هاذا هُوَ الْعَهْدُ اللي قطعته مَعَاهُمْ بَعْدَ هاذي الأَيَّامِ، يَقُولُ الرَّبُّ: راح احط الشريعه في قلوبهم، وَأَكْتُبُهَا فِي عُقُولِهِمْ».

¹⁷ وبعدين زاد: «وَلا عاد اتذكر خَطَايَاهُمْ وَمُخَالَفَاتِهِمْ ابدا».

¹⁸ ولما يحصل غُفْرَانُ الْخَطَايَا، ليش يبقى لازم نقدم التَّقْدِمَاتِ!

دعوة للثبات

¹⁹ دحين، يا اخواني لنا حَقُّ نتقدم بِثِقَةٍ إِلَى «قُدْسِ الأَقْدَاسِ» (فِي السَّمَاءِ) بِدَمِ يَسُوعَ.

²⁰ وهاذا بالمشي في الطَّرِيقِ الْحَيِّ الْجَدِيدِ اللي مهده الْمَسِيحُ لنا لما قطع الحِجَابِ، اللي هو جَسَدِهِ.

²¹ وَلَنا كمان كَاهِنٌ عَظِيمٌ بيُمَارِسُ سُلْطَتَهُ عَلَى بَيْتِ اللهِ.

²² خلونا نتقدم لحَضْرَةِ اللهِ بِقَلْبٍ صَادِقٍ وَبِثِقَةِ الإِيمَانِ الْكَامِلَةِ، بَعْدَ مَا رَشُّ الدَّمِ طهر قُلُوبَنَا مِنْ الشُعُورٍ بِالذَّنْبِ، وَغَسَلَ اجسادنا بالموية النقية.

²³ و نبغى نتمسك دايما بِالرَّجَا اللي نَعْتَرِفُ به، من غير ما نَشُكَّ فِي أَنَّهُ راح يَتَحَقَّق، لأَنَّ اللي وَعَدَنَا بِتَحْقِيقِهِ، هُوَ أَمِينٌ وَصَادِقٌ.

²⁴ وكُلِّ وَاحِدٍ مِننا لازم يَنْتَبِهَ للثانيين، علشان نشجع بعض عَلَى الْمَحَبَّةِ وَالأَعْمَالِ الصَّالِحَةِ.

²⁵ ومو لازم نبطل نجتمع مع بعض، زي ما بَعْضُكُمْ اتعود انه يسوي. لكن لازم َتُشَجِّعُوا بعض وَتُوَاظِبُوا عَلَى هاذا كيف ما تشوفوا هاذا اليوم بيقرب.

مصيراللي ما يآمن

²⁶ لو أَخْطَأْنَا بالقصد ورفضنا الْمَسِيحِ بَعْدَ ما عرفنا الْحَقِّ، يصير مافي ذَبِيحَةٌ لِغُفْرَانِ الْخَطَايَا،

²⁷ لكن انْتِظَارُ الْعِقَابِ الأَكِيدِ فِي لَهِيبِ النَّارِ اللي راح تحرق الْمُتَمَرِّدِينَ. وقديش هو انْتِظَارٍ مُخِيفٍ!

²⁸ انتوا عارفين ان اللي كان يخَالَفَ شَرِيعَةَ مُوسَى، كَانَ عِقَابُهُ الْمَوْتَ بدُونَ رَحْمَةٍ، لو شَاهِدين أَوْ ثَلاثَةٌ اكدوا خطيته.

²⁹ تفتكروا، كيف يكون شدة العقاب اللي يَسْتَحِقُّهُ اللي بيَدُوسُ ابْنَ اللهِ، إاللي بيَعْتَبِرُ أَنَّ دَمَ الْعَهْدِ، اللي بيَتَقَدَّسُ به، هُوَ دَمٌ نَجِسٌ، وبكدة يكون بيُهِينُ رُوحَ النِّعْمَةِ؟

³⁰ احنا نعرف مين قَالَ: «لِيَ الانْتِقَامُ، أَنَا أُجَازِي، يَقُولُ الرَّبُّ!» وكمان: «إِنَّ الرَّبَّ يُحَاكِمُ شَعْبَهُ!»

³¹ حقيقي قديش هو رهيب الْوُقُوعَ فِي أيَادَيِ اللهِ الْحَيِّ!

³² لَا تَنْسَوْا هاذي الأَيَّامَ الْمَاضِيَةَ اللي فِيهَا، بَعْدَ مَا أَشْرَقَ عَلَيْكُمْ نُورُ الإِيمَانِ بِالْمَسِيحِ، صَبَرْتُواْ عَلَى جِهَادٍ مر وطَوِيلٍ، لانكم عانيتم كَثِير مِنَ الآلامِ.

³³ وهاذا لما اتعرضتوا للاهانة والمضايقة مِنْ ناحية، ولما شَارَكْتُوا اللي عملُوا بمِثْلَ هاذي الْمُعَامَلَةِ مِنْ ناحية تانية.

³⁴ اتعاطفتوا مَعَ الْمَسْجُونِينَ، كَمَان قبلتوا بسرقة مُمْتَلَكَاتِكُمْ بِفَرَحٍ، وانتوا عارفين أنه في لكُمْ فِي السَّمَاءِ ثَرْوَةً أَفْضَلَ وَأَبْقَى.

³⁵ علشان كدة، ماتتخلوا عَنْ ثِقَتِكُمْ في الله. لان لها مُكَافَأَةً عَظِيمَةً.

³⁶ انتوا محتاجين الصَّبْرِ علشان تعملوا إِرَادَةَ اللهِ، علشان تاخدوا الْبَرَكَةَ اللي اتوعدتوا بِيها.

³⁷ قريب جِدّاً، راح يجي الرب وما راح يتاخر.

³⁸ واللي اتَبَرَّرَ بِالإِيمَانِ، فراح يحيا بالايمان. واللي ارْتَدَّ ما راح تفرح به نفسي!

³⁹ وَلَكِنَّ احنا مو مِنْ أَهْلِ الارْتِدَادِ اللي يودّي للْهَلاكِ، لكن مِنْ أَهْلِ الإِيمَانِ اللي بيسبّب لخَلاصِ نُفُوسِنَا!