غلاطية 5 - Hijazi New Arabic Version

الحرية في المسيح

¹ المسيح حررنا و خلانا ننطلق في سبيل الحرية. الصملة إذاً! و ما ترجعوا لرَبْكة نير العبودية.

² هاذا انا بولس بقول لكم: اذا اتختنتو، ما ينفعكم المسيح بشي.

³ وأشهد مرة ثانية لكل مختون بانو ملتزم انو يعمل بالشريعة كلها.

⁴ يا اللي تبغو التبرير عن طريق الشريعة، انتو اتحرمتو من المسيح و طحتو من النعمة!

⁵ وإحنا، بالروح وعلى أساسَ الإيمان، نستنى الرَّجا اللي يجي عن طريقو البر۔

⁶ وفي المسيح يسوع، ما ينفع الخِتان ولا قلَّتو، بس بالإيمان اللي بيسير بالمحبه۔

⁷ كنتو بِتِجرو جري كويس، طيب مين اللي خلاكم وعَطَّلكم عشان ما تعترفو بالحق؟

⁸ التضليل دا مو من اللي دعاكم!

⁹ ترا ممكن خميرة صغيرة انها تِخمِّر العجين كلُّو.

¹⁰ بس أنا عندي ثقة فيكم، وفي الرب إنَّكم ما تآمنو برأي ثاني. وكلَّ اللي يشعْلِلْ فِتنة بِينَكُم رح يتعاقب على ذا الشيْ، مين ما كان.

¹¹ وأما انا، يا اخواني، اذا كان صحيح اني لسَّه بدعِو للخِتان، طيب ليش لسه أتعرض للاحتقار و الاهانة؟ معناها العقبه اللي كانت في الصليب راحتْ!

¹² ياليت اللي بيشعْلِلو فتنة بِينَكُم يِقَطِعو بعضهم!

¹³ وترا للحرية نِناديكم، يا اخواني؛ بس لا تخلوُّ الحرية حُجَّة ترضو بيها الجسد، لكن بالمحبة كونو عبيد في خِدمة بعضكم للبعض.

¹⁴ والشريعة كُلَّها تسير في وصية وحدة: «انك تِحُب قريبك زي ما تْحُب نفسك»۔

¹⁵ واذا كنتو بتتضاربو و تتوحشو على بعض، فانتبهو انو واحد فيكم يُقْتُلَ التاني!

الحياة بالروح

¹⁶ و كمان أقولَّكم: إمشو في الروح۔ وقْتَها ما تحتاجو للشهوة أبدا۔

¹⁷ لأنو الجسد يشتَهي عكس الروح، والروح عَكسَ الجسد؛ والاثنين دول بيقاومو بَعضَهُم عشان ما تسوو اللي نفسَكُم فيه۔

¹⁸ بس اذا كنتو خاضعين لقيادة الروح، فانتو ما تكونو في نفس حالة العبودية للشريعة۔

¹⁹ بس اعمال الجسد واضحة، واللي هيا: الزنى والنجاسة والدعارة،

²⁰ وعبادة الاصنام والسحر، والعداوة والمشاكل والغيرة والغضب، التحزب الافتراق والتعصُّب ،

²¹ والحسد والسُكر والعربدة، واللي زي كذا۔ واذا أخدنا نظرة عليها، اقولكم دحين، زي ما قلت من اول، انو اللي يسوي الحاجات ذي ما رح يورثو ملوكتَ الله!

²² بس ثمر الروح فهوا: المحبة والفرح والسَّلام، وطولَ البال واللطف والصلاح، والأمانة

²³ الصبر و كيف تقدر تمسك النَّفْسِ. ما في قانون بيمنع ذي الاشياء الكويسه.

²⁴ بس اللي سارت خاصة عند المسيح، صلبو الجسد مع المزاجات والشهوات.

²⁵ اذا كنا بنعيش بالروح، خلينا نستمر ونكمل الطريق بالروح.

²⁶ ما تكون طموحنا لمجد مالو فايدة، نقعد نستفز، و نحسد بعضنا!