غلاطية 4 - Hijazi New Arabic Version

¹ و ما دام اللي بيوْرَث قاصر، فما في بينو و بين العبد فرق بحاجه، مع انو صاحب الورثه كلها،

² و بيبقى خاضع وتحت وصاية الأوصيا و الوكلا الين تخلص الفترة اللي حددها ابوه.

³ و ذا حالنا إحنا كمان: و اذا كنا قاصرين، احنا نكون عبيد لمباديء العالم.

⁴ و لكن لما جا آخر الزمن، ارسل الله ولدو، و أتولد من حرمه و كان خاضع للشريعة،

⁵ عشان يتحرر بالفدا و ذولاك اللي خاضعين للشريعة، و كلنا ناخذ مقام عيال الله.

⁶ وعشان أنتو عيالوا، ارسل الله لقلوبنا روح ولدو، ينادي: «أبونا، يا أبونا».

⁷ اذاً، انا مو عبد من بعد ذحين، انت ابن. و ما دام انت ابن، فربنا خلاك وريث كمان.

قلق بولس على كنيسة غلاطية

⁸ لكن لما كنتو ما تعرفو الله، كنتو في حالة العبودية.

⁹ أما دحين عرفتو الله، بالأصح الله عرفكم، كيف انتو تتغيرو وترجعو لذي المباديء اللي ما فيها قدرة وضعيفة و اللي تبغو ترجعولها و للعبودية ثاني مرة؟

¹⁰ تحتفلو بأيام وأشهر ومواسم و سنين!

¹¹ أخاف عليكم، ويا خوفي من اني اكون تعبت عشانكم من غير فايدة.

¹² اطلب منكم ياخوان، تكونو زيِّي لاني انا كمان زَّيكٌم. انتو ما ظلمتوني بحاجة،

¹³ و انتو تعرفو إنو في مشكلة بالجسم بشرتكم عنها من أول الهرجة؛

¹⁴ وبالرغم عن ذي المشكله اللي بجسمي كانت تجربة لكم، انتو ما كرهتوني وما شردتو مني بسببها، بالعكس أتقبلتوني و كاني ملاك من الله، أو كأني يسوع المسيح.

¹⁵ فين فرحتكم؟ انا اشهد لكم انكم مستعدين تقلعو عيونكم و تدوني هيَّ لو كنتو تقدرو تسوو دا الشي!

¹⁶ طيب يعني دحين انا صرت عدوكم عشاني جيت وكلمتكم بالحق؟

¹⁷ دولاك (المعلمين) بيورونا من ناحيتكم حماس، ولكنها مَهِي صادقه، بالعكس هم يبغو يبعدوكم عننا،

¹⁸ عشان تتحمسو لهم. حلو انكم تبينو الحماس بالحق، و طول الوقت، مو بس لمَّا اكون موجود بينكم.

¹⁹ يا عيالي اللي أانتظر و أتأمل منكم تتحركو مرة تانية إلين ما تكمل فيكم صورة المسيح.

²⁰ و قد ايه كنت ابغى اكون معاكم، أكلمكم بغير دي الطريقة، لاني كنت حيران بموضوعكم.

هاجر وسارة

²¹ قولو لي، يا اللي تبغو ترجعو للعبودية للشريعة، يعني انتو ما سمعتو اللي جا في الشريعة؟

²² لأنو قٍد انكتب ابراهيم كان عندو ولدين: واحد منهم من الجارية، و التاني من الحرمة الحرة.

²³ ولد الجارية، اتولد بحسب الجسد. و ابن الحرة، مكمل للوعد.

²⁴ و دي الحقيقة لها معنى رمزي. الحرمتين دول بيرمزو لفترتين: الاول مصدرو جبل سينا، يخلي المولودين تحتو في حال العبودية، و رمزو هاجر.

²⁵ و لفظ هاجر بينقال على جبل سينا، في بلاد العرب، وتمثل أورشليم حاليا، وهيه مع عيالها في العبودية.

²⁶ أما التانية، رمزها الحرة اللي تمثل اورشليم السماوية اللي هي امنا.

²⁷ وقِد انكتب: « افرحي يا عاقر، نادي بأعلى صوتك ياللي ما تولدي، لانو عيال المهجوره اكتر من عيال اللي عندها زوج!»

²⁸ اما انتو، ياخوان، اولاد الوعد، زي اسحاق.

²⁹ بس، زي ما كان في الماضي المولود بحسب الجسد بيُحتقر و ينذّل بحسب الروح، برضو كمان يصير دحين.

³⁰ بس الكتاب إيش بيقول؟ «اطرد الجارية مع ولدها، لانو ابن الجارية ما بيورث مع ابن الحرة!»

³¹ اذاً، ياخوان، احنا مو اولاد الجارية، إحنا اولاد الحرة.