غلاطية 3 - Hijazi New Arabic Version

الإِيمان أو حفظ الشريعة

¹ يا سكان وأهل غلاطية الاغبياء! مين اللي سحر عقولكم، انتو اللي اترسم قدام عيونَكم المَسيح وهوا مصلوب؟

² أبغى اعرف منَّكم ذا الشي بس: مو على أساس العمل باللي في الشريعة أخدتو وفزتو بالروح، ولاَّ على اساس الإيمان بالبشارة؟

³ لهذا الدرجه انتو اغبياء؟ يعني بعد ما ابتديتو بالروح تكَمِّلو بالجسد؟

⁴ يعني اختباركم الطويل كان بدون فايدة، اذا كان حقيقي ومن جٍد بدون فايدة؟

⁵ ذاك اللي بيعطيكم الروح، ويسوي معجزات بيِنَكُم، بيسوي هاذي الاشياء على اساس الشريعة ولاَّ على اساس الإيمان بالبشارة؟

⁶ وكمان «آمن إبراهيم بالله، فتحَسَبلو ذا بِرْ»۔

⁷ أعرفو انو اللي على مبدأ الايمان هم أولاد إبراهيم الحقيقين۔

⁸ بعدين الكتاب، صار من قَبِل و شاف إنو الله راح يبرر الأمم على اساس الإيمان، بشَّر إبراهيم وقال:«فيك تتبارك كُلَّ الأمم!»

⁹ طيب اللي همه على مبدأ الإيمان يتباركو مع ابراهِيمَ المؤمن۔

¹⁰ امّا كُلَّ اللي على مبدأ أعمالَ الشريعة، فهما ملعونين، لإنو أتكتب:«ملعون كل اللي ما يثبت على العمل بِكُل اللي مكتوب في كْتَابَ الشريعة!»

¹¹ أمَّا اذا أحد ما أتبَرَّر عند الله بفضل الشريعة، فذا واضح، لإنو «اللي بيتبرر بالإيمان راح يحيا بالإيمان»۔

¹² بس الشريعة ما بتقوم على مبدأ الإيمان، لكن «اللي عِمِل بذي الوصايا، بيحيا فيها»۔

¹³ المسيح بالفدا حررنا من لعنة الشريعة، بحيث انو صار لعنة بالنيابة عننا، لانو اتكتب: «ملعون اللي اتعلق على خشبة»،

¹⁴ و عشان توصل بركة ابراهيم للأُمَمِ في المسيح يسوع، و نحصل عن طريق الايمان بالروح الموعود.

الشريعة والوعد

¹⁵ يا اخوان، بمنطق البشر أقول انو حتى العهد اللي يعترف فيه ويصدقو الانسان، مافي أحد يلغيه ولا احد يزيد عليه.

¹⁶ و الوعود أتوجه لابراهيم و نسلو، و ما يقول «و للأنسال» كأنه يقصد كثار ، ولاكن بيقصد واحد «ولنسلك» يعني المسيح.

¹⁷ و اللي بقولو هو هذا: العهد اللي وافق وفرضو عليه الله ما تلغيه الشريعة اللي جات بعده بأربعمية وتلاتين سنة، و كأنها بتلغي الوعد.

¹⁸ و لو كان الميراث يتم على مبدأ الشريعة، كان الموضوع ما أتعلق بالوعد. بس الله، بالوعد، أنعم بالميراث على ابراهيم.

¹⁹ ليه الشريعة اذا؟ هي بس اتضافت عشان تبين المعاصي، إلين يجي «النسل» اللي اتحط لو وعد قاطع وأكيد، واترتبت بملائكة و على يد وسيط.

²⁰ بس، لمن يجي الوعد من طرف واحد، مو لازم يكون فيه وسيط. و اللي بيوعد هنا هو الله وحده.

²¹ طيب الشريعة مو ماشيه مع وعود الله؟ طبعا لأ! و لو أعطيناك شريعة قادرة انها تحيي، كان البر في الحقيقة رح يكون ماشي على أساس الشريعة.

²² بس الكتاب حبس الكل تحت الذنوب، حتى انو الوعد، على أساس الايمان بيسوع المسيح، ينهدى ويُعطى للناس اللي يآمنو.

²³ وقبل ما يجي الايمان، احنا كنا في حراسة الشريعة، محجوزين الين اعلان الايمان اللي كان اعلانو بنستناه ومنتظر.

²⁴ إذا الشريعة هي اللي كانت مهجّدتنا لين ما جا المسيح، عشان نتبرر على أساس الايمان.

²⁵ بس لما جا الايمان، اتحررنا من حكم وسلطة المؤدب.

أبناء الله

²⁶ انتو كلكم عيال الله بالايمان في يسوع المسيح.

²⁷ لأنكم، كلكم أتعمدتو بالمسيح، و لبستو المسيح.

²⁸ و من دحين مافي فرق بين اليوناني و اليهودي، أو عبد و حر، بنت ولا ولد، لانو كلكم واحد في المسيح يسوع.

²⁹ فإذا كنتو للمسيح، اذاً انتو نسل ابراهيم و زي ما جا في الوعد انتو كده وارثين.