أفسس 6 - Hijazi New Arabic Version

الأباء والعيال

¹ يا عيال، أطيعو أهلكم في الرّب۔ وهاذا هُوَّ الصح:

² «إكرم أمَّك وأبوك» وهاذي أول وصية مربوطة بِوَعد

³ «علشان تِلاقي خير وعمرك يِطول على الارض!»

⁴ وأنتم، يا كبار، لا تشعْلِلُوعصبية أولادَكُم عليكم ولكن ربُّوهم بأخلاقَ الرب وتوصياتو۔

الاسياد والعبيد

⁵ يا عبيد، طيعو اسيادكم الأدميين بخوف ورهبة، من قلب صادق، زي اللي بيطيع المسيح،

⁶ مو بس قدام عيونهُم تسووا زي اللي يحاول يرضي الناس، بس من باب انكم عبيد للمسيح،

⁷ تسووا الي يبغاه الله من القلب، تخدمو بنية كويسة للرب، مو للناس.

⁸ وانتو تعرفو انو مهما سوا كل واحد فيكم خير، راح ياخد هديتو من الرب، ذا لو كان عبد او حر.

⁹ وانتو، يا سادة، عاملوهم زي دي المعاملة بدون ما تهدِّدو، عارفين انو سيدهم وسيدكم في السما وهوا ما بينسى أحد.

سلاح الله الكامل

¹⁰ وفي النهاية، إتمسَّكو في الرب وفي قوَّتو وقُدرَتو۔

¹¹ ألبَسو سلاح الله الكامل، علشان تقدرو تصمدوا في وجه ألاعيب إبليس.

¹² لإنو حربنا مو ضد حقّون اللحم والدم، لكن ضد الزعامات، والسلطات، ضد أسيادَ العالم زعما ذا الظلام، ضد قوةَ الشّر الروحية في السماوات.

¹³ علشان كذا خدو سلاح الله كلُّو، علشان تقدرو تِدافعو في يوم الشر، وانكم تِصمِلُوا كمان بعد ما تسَوُّ كل اهدافكم.

¹⁴ عليكم تِصمِلُوا اذاً بعد ما تخلُّ الحق زيَّ الحزام على خصرَكُم، والصلاح زي الدرع على صُدُرَكم،

¹⁵ والاستعداد علشان تنشرو بشارة السلام جزمه في رجولكم.

¹⁶ وفوق ذا كلُّو، شيلو الايمان زي الدرع اللي تقدرو فيه تِطَفُّو كلَّ سِهام الشرير المولِعة بالنار۔

¹⁷ وخدوه الخلاص زي خوذة للراس، كلمة الله سيف الروح۔

¹⁸ صلو في كل الأحوال، في كل صلاة ولحاجة في الروح، وسهرانين علشان ذا الشي نفسو ومحافظين على كلَّ الطلبات عشان القديسين كلَّهم،

¹⁹ وعلشان يجيني الإلهام باللي بتكلم فيه كل ما فتحت فمي واتكلم بجرأة عن سر الانجيل

²⁰ اللي انا سفيرو المربوط بالسلاسل، وأكون جريء في إعلانو زي ما لازم اتكلم فيه.

تحيات ختامية

²¹ وعلشان تعرفو أحوالي وأخبار شغلي،فإنو تِيخِيكُسَ، الأخَّ العزيز والخادم الامين في الرب، يقولكم كلّكم.

²² وجَيَّتو ليكم علىشان ذا الشي نفسو: علشان تعرفو ظروفي و تِتشجع قلوبَكُم.

²³ سلام للإخوان، ومحبَّه مع إيمان، من الله الآب والرَّب يسوع المسيح!

²⁴ أدعيلكم تكون النعمة مع كل اللي يحُبو ربنا يسوع المسيح محبة ما عليها فساد!