أفسس 4 - Hijazi New Arabic Version

الوحدة والخدمة في جسد المسيح

¹ اذاً، انا السجين عشان الرب، اطلب منكم إنكم تتصرفوا بطريقه تناسب الدعوة اللي اندعيتوا ليها،

² وبكل تواضع وصبر وطولة بال، متحملين بعضكم في الحب،

³ وبكل اجتهاد تحافظو على روح وحده وإنتو متوافقين. لأنو في جسد واحد و روح واحدة،

⁴ زي ما أندعيتوا كلكم، بدعوة ليها رجاء واحد.

⁵ ليكم رب واحد، و ايمان واحد، و معمودية واحدة،

⁶ و إله وأب واحد للكل، فوق الكل والكل بالكل وفي الكل.

⁷ وكل واحد فينا اخد نعمة قد اللي بيديه المسيح.

⁸ عشان كذا يقول الوحي: « لما طلع لأعلى شي، سبى أسرى، و أدى للناس المواهب!»

⁹ بما إنو «طلع» ، فذا معناه انو نزل كمان للأماكن اللي تحت في الارض؟.

¹⁰ واللي نزَل هوا نفسو اللي طِلع إلين الي فوق كل السماوات علشان يملي كل شي۔

¹¹ وهوا قَبِل كِذه اذا شويه انهم يكونو رسُل، وشويه أنبياء، وثانيين مُبَشِّرين و ثانيين رعاه وأساتذه،

¹² علشان يأهل القديسين من ناحية عَمَلَ الخِدمة، عشان يبنو جسد المسيح،

¹³ علشان نوصل كُلَّنا لِوِحْدَة الإيمان ووحدة المعرِفَة لابن الله، إلى إنسان كامل البلوغ، بِنَفس قَدِر وقد المسيح۔

¹⁴ وكذا علشان ما نكون بعدين أطفال تاخدنا وتودينا أي ريح تعاليم تْغُشَ الناس بتِضْحَك عليهم و بِتجُرهم أنهم يضلوا بالخرش بالمنمك،

¹⁵ لكن بِنِتمَسَّك بالحق في المحبة، ونِكبَر في كلِّ شيْ يوصلنا للراس، اللي هوا المسيح۔

¹⁶ ومنو ياخد الجسد كلُّو تماسكو وترابطو ويساعدو كل مَفصَل بالقدر حقه لِكُل عَمَل بيَتخصص لِكُل جزء، علشان يصير بنيان جسد محبتو منو نفسه في المحبة.

وصايا للحياة المسيحية

¹⁷ أقول ذا، وأشهد في الرب، وأتمنى وكلي رجا إنكم ما تمشو بعدين زي ما مِشيو الأمم قَبْلَكُم في عقولهم المحدودة،

¹⁸ لأنهم بصيرَتهم مطفية ومِتغرَّبين عن حياة الله بِسَبَبَ اللي فيهم من جَهِل وقساوة قَلبْ.

¹⁹ ذولا، اذا سابو الاحاسيس على جنب، استسلمو للإباحة علشان يسو كُل نجاسه بشهوة و فَجعَنه ما تِخلَص.

²⁰ أماَّ انتو، ما تعلّمتو عن المسيح كذا،

²¹ اذا كنتو سمِعتوه فعلا من قَبِل وأتعَّلَّمتو فيه التعليم اللي بيمشي مع الحق اللي في يسوع!

²² وهوا انكم تتركوا أي شي لوه علاقة بسيِرَتكم اللي فاتت: الإنسانَ القديم يخرب بالشهوات اللي تخدع؛

²³ وبتِتجَدَّدوُ في روح عقولكم،

²⁴ وتِلبسو الإنسانَ الجَديد المخلوق على أخلاقَ الله في البر والقداسة بالحق.

²⁵ علشان كذا شيلو عن نَفْسَكُم الكذب، وإتكلَّمو بالحقيقة كل واحد مع قريبو، لأننا أعضاء لِبَعْضَنا۔

²⁶ اذا عصَّبتو، ما تغلطو؛ لا تخلو الشمس تِغيب وانتو معصبين،

²⁷ ولا تسيبوا فرصة لإبليس!

²⁸ واللي كان حرامي، ما يسرق بعد كذا، الأحسن انو يِكرف ويشتغل بيدينو في مهنة شريفة علشان يكون عندو اللي يشارك فيه المحتاجين.

²⁹ ما يِخْرُج منَّكم كلام فاسد، بِالعكس يِخرج منكم الكلام الصالح للبنيان اللي السامعين محتاجين يسمعوه، ويديهم النِعمة۔

³⁰ وما تحزِّنو روح الله، الروح القُدُس اللي تَمَّم نِعمَتو عَليكم لِيومَ الفِدا.

³¹ شيلو من نَفسَكُم كل حقد وحسد وغضب وتعصيب وشتِم وكُلِّ شر.

³² وكونو لُطاف مَع بَعضَكُم، تشفقوعلى بعض، مسامحين بعْضَكُم بعض زي ما سَامَحْكُم الله في المَسيح۔