كولوسي 2 - Hijazi New Arabic Version

¹ انا ابغاكم تِعرِفو قديش تعبي علشانكم وعلشان اللي في مدينة لاوُدِكِيَّةَ، وعشان كُل اللي ما بيعرفوني بالوجه،

² علشان تتشجع قلوبَهُم وتكون كُلَّها واحِد في المَحَبَّة، علشان نوصل للإدراك التام بِكل غِناه، علشان نِعرِف سِرَّ الله، يعني المسيح،

³ المِتخزنه فيه كنوزَ الحِكمة والمَعرِفة كُلَّها۔

⁴ أقول دا علشان ما يغشكم أحد بكلام يخدعكم فيه۔

⁵ مع اني في الجسد غايب، بس إني في الروح موجود معاكم، أتونَّس لما اشوف ترتيبَكُم وثباتكم في الايمان بالمسيح۔

الحرية في المسيح

⁶ وزي ما قِبِلتو المَسيح يسوع الرَّب، امشو معاه

⁷ وانتو متأصلين ومبنيِّن فيه وصامدين في الإيمان اللي ماشي مع اللي اتعلَّمتو وتشكروا كتيرمره.

⁸ إنتِبهو أحد يِوَقعكم ويخليكم فريسة بالفلسفة والغرورالفاسد، اللي شغّال بتقاليد الناس وشروط العالم؛ اللي ما يمشي مع المسيح۔

⁹ وفيه، جسديا، الله يكون فيه كلُّو،

¹⁰ وانتو مكَمِّلين فيه۔ وهوا راس كُلِّ رياسة وسُلطة؛

¹¹ وفيه كمان اتختنتو فيه ختان ما سوتو الأيادي، لأنو اتشال عنكم جسد الزنوب البشري ودا هوا ختان المسيح:

¹² واتدفنتو معاه في المعمودية، وفيها كمان جلستو معاه، بإيمانَكُم بِقُدرَة الله اللي قوّمو من بينَ الاموات۔

¹³ وانتو، لما كنتو اموات في الزنوب وما اتختنتو في جسمكم، عيَّشكُم كُلَّكُم معاه؛ وسامحنا كلَّنا من الزنوب كلَّها ۔

¹⁴ لانو مسح صكَّ الفرايض المكتوب علينا واللي مو في مصلحتنا، لكن انو شالو من الوسط وثبتو على الصليب۔

¹⁵ وكمان شال سلاح الرياسات والزعامات، وفضحهم بالعلن فيه، وجرّهم في موكب إنتصاروعليهم۔

الحرية من قوانين البشر

¹⁶ فما يِحكُم عَليِكُم أحد في موضوع الاكل والشرب، او في الحاجات اللي ليها علاقة في الاعياد ورؤس الشهور والسبوت؛

¹⁷ فدي كانت ظل لكل اللي راح يجي، يعني للحقيقة اللي هيا المسيح

¹⁸ ما يِحرمكم أحد من هَدِيَّتكم، يوجهكم للي يبغاه لما ٌيبَيِّن التواضع والتعبُّد للملايكة، داخل في احلام بيتوهمها، ونفخو بالباطل عقلو الجسدي،

¹⁹ وهوا مو ماسك بالراس اللي منو ياخد الجسد كل تغزيتو وتماسكو بالمفاصل والاوصال، ويكبر بالطريقة اللي الله ادالو إياها.

²⁰ وما دامكم مِتُّو مع المسيح بالنسبة لشروط العالم، فليش، زي لو انكم عايشين في العالم، تِسَلِّمو نَفسَكُم لفرايض زي دي:

²¹ لا تِمْسَك، لا تدوق، لا تِلمس

²² الحاجات دي بتخلص و بتروح. و دي الفرايض هي وصية البشر وتعاليمهم.

²³ ليها أشكال الحكمة بما فيها من زياده في العبادة المتصنعة، واهانه للنفس، وقهر بالجسد؛ و أمور مالها لازمة، وهي بس عشان ترضي الرغبات البشرية.