تيموثاس الثانية 2 - Hijazi New Arabic Version

تجديد الدعوة

¹ وَأَنْتَ يَا وَلَدِي، كون قَوِيًّ فِي النِّعْمَةِ اللي فِي الْمَسِيحِ يَسُوعَ.

² وَالتَّعَالِيمُ اللي سَمِعْتَهَا مِنِّي بِحُضُورِ شُهُودٍ كتير، أَوْدِعْهَا أَمَانَةً عند نَاسٍ محل ثِّقَةِ، يَكُونُوا قَادِرِينَ عَلَى تَعْلِيمِ الآخَرِينَ.

³ اشترك فِي احْتِمَالِ الآلامِ زي جندي صَالِحٍ لِلْمَسِيحِ يَسُوعَ.

⁴ مافي مُجَنَّدٍ يشغل نَفْسَهُ بأمور الْحَيَاةِ إِذَا كان يبغى يرضي اللي جَنَّدَهُ.

⁵ وزي ما الْمُصَارِعَ ما يَفُوزُ بِالإِكْلِيلِ إِلَّا إِذَا صَارَعَ حسب الْقَوَانِينِ.

⁶ والفلاح كمان اللي يَشْتَغِلُ بِجِدٍّ لازم يَكُونَ أَوَّلَ واحد ياخد نصيبة مِنَ الْغَلَّةِ.

⁷ فَكِّرْ فِي اللي بقُولُهُ، لان الرَّبَّ راح يعطيك فهم فِي كُلِّ شَيْءٍ.

⁸ اتذْكُرْ يَسُوعَ الْمَسِيحَ اللي قام مِنَ الْمَوْتِ، وَهُوَ مِنْ نَسْلِ دَاوُدَ، زي ما أعلنه فِي الإِنْجِيلِ

⁹ اللي لأَجْلِ التَّبْشِيرِ بِيهِ بقَاسِي لحد السجن كَأَنِّي فَاعِلُ شَرٍّ. إِلَّا أَنَّ كَلِمَةَ اللهِ ما تحدها الْقُيُودُ.

¹⁰ علشان كدة بتحْمِلُ كُلَّ شَيْءٍ بِصَبْرٍ علشان اللي اخْتَارَهُمُ اللهُ، علشان يحصلوا، عَلَى الْخَلاصِ اللي فِي الْمَسِيحِ يَسُوعَ مَعَ الْمَجْدِ الأَبَدِيِّ.

¹¹ كيف صادق الْقَوْلَ: «إِنْ كُنَّا مُتْنَا مَعَاهُ، راح نَحْيَا كمان مَعَاهُ؛

¹² لو اتَحَمَّلْنَا الآلامَ، راح نكون ملوك كمان مَعاَهُ؛ لكن إن أَنْكَرْنَاُ، فراح يُنْكِرُنَا هو كمان؛

¹³ حتى ان اتَخَلَّيْنَا عَنْ أَمَانَتِنَا، فَهُوَ راح يفضل عَلَى أَمَانَتِهِ، لانه مو ممكن يَتَنَكَّرَ لنفسة!»

التعامل مع حكاية الزاني التعامل مع المعلمين الكذبة

¹⁴ فكر الناس بالامور هاذيْ، وتشهد فِي حَضْرَةِ اللهِ أَنْ مايحصل جدال بالكلام، لان مافي منه فايدة، غَيْرَ تَخْرِيبِ اللي بيسمعه.

¹⁵ اجْتَهِدْ أَنكْ تُقَدِّمَ نَفْسَكَ لِلهِ فَايز فِي الامْتِحَانِ، تسوي اللي ما يسبب أي خَجَلِ، وتفضل كَلِمَةَ الْحَقِّ بشكل صحيح.

¹⁶ أَمَّا الكلام البطال الدَّنِسَ، ابعد عنه؛ علشان اللي يروحوا له راح يَتَقَدَّمُوا لفُجُورٍ أَفْظَعَ،

¹⁷ وَكَلامُهُمْ بيَنْهَشُ زي الآكِلَةِ، وَمِنْهُمْ هِيمِنَايُوسُ وَفِيلِيتُوسُ،

¹⁸ اللي زَاغَوا عَنِ الْحَقِّ؛ واللي بيقولوا أَنَّ الْقِيَامَةَ صارت، وَيهدّوا إِيمَانَ بَعْضِ النَّاسِ.

¹⁹ إِلَّا أَنَّ الأَسَاسَ القوي اللي وَضَعَهُ اللهُ راح يفضل ثَابِت، وَعَلَيْهِ هَاذَا الْخَتْمُ: «الرَّبُّ بيَعْرِفُ اللي يخصه»، وَكمان: «يبعد عَنِ الإِثْمِ كُلُّ واحد بيُسَمِّي اسْمَ الرَّبِّ!»

²⁰ وَلكن، فِي بَيْتٍ كَبِيرٍ، لاتكون الأَوَانِي كُلُّهَا مِنَ الذَّهَبِ وَالْفِضَّةِ فقط، بس يَكُونُ بَعْضُهَا مِنَ الْخَشَبِ وَالْفَخَّارِ كمان. كَمَان يَكُونُ بَعْضُهَا لِلاسْتِعْمَالِ الراقي، وَبَعْضُهَا لِلاسْتِعْمَالِ الْوَضِيعِ.

²¹ بكذا، اللي يَنْفَصِلُ عَنْ هاذي الأَخِيرَةِ، ويطهر نَفْسَهُ، يَكُونُ إِنَاءً لِلاسْتِعْمَالِ الراقي، مُقَدَّس، نَافِع لصاحب الْبَيْتِ، مستعد لِكُلِّ عَمَلٍ صَالِحٍ.

²² ولكن اهْرُبْ مِنَ الشَّهَوَاتِ الشَّبَابِيَّةِ، اسعى وراء الْبِرِّ وَالإِيمَانِ وَالْمَحَبَّةِ وَالسَّلامِ، وشارك اللي يَدْعُو الرَّبَّ بقَلْبٍ نَقِيٍّ.

²³ أَمَّا الْمُجَادَلاتُ الْغَبِيَّةُ التافهه، ابعد عنها، واعرف أَنَّهَا تسبب المخاصمات.

²⁴ وَعَبْدُ الرَّبِّ لازم ما يتخاصم، لكن يَكُونَ لطيف مع الْجَمِيعِ، ويعرف يعلم ، وبيَتَحَمَّلُ المصاعب بِصَبْرٍ،

²⁵ وبِالْوَدَاعَةِ يصحح أخطاءالْمُقَاوِمِينَ، يمكن يعطيهم اللهُ التَّوْبَةَ، فَيَعْرِفُوا الْحَقَّ بِالتَّمَامِ،

²⁶ فيرجعوا للصَّوَابِ وينجوا مِنْ فَخِّ إِبْلِيسَ اللي سيطر عَلَيْهِمْ، علشان يسووا إِرَادَتَهُ.