تسالونيكي الثانية 3 - Hijazi New Arabic Version

الحث على الصلاة

¹ وكمان، يا اخواني، صلُّو عشاننا، لأجل تنتشر كِلمَة الرب بسرعة و تتمجّد زي ما هوَّا الوضع عِندكم،

² لأجل ينقذنا الله من النَاس الردّيه الأشرار، لإنو الايمان مو من نصيب الكُل.

³ وانو الرب أمين؛ هوا اللي حيثبّتكم ويحميكم من الشر.

⁴ وعندنا من الرب كُلَّ الثقة من ناحيتكُم بأنكم مسوِّين اللي وصيناكُم عليه ، ورح تِشتَغلو به كمان.

⁵ وادعيلكم الله يهدي قلوبكم باللي عند الله من محبة وعند المسيح من الصبر!

التنبية من الربشة

⁶ بعدين بِنوصيكُم، يا اخوان، باسم ربنا يسوع المسيح، انكم تِبعِدوا عن كل اخ ماشي بطريق مو صح فوضوي، وما بيتوافق مع التعليم اللي أخدتوه مننا.

⁷ وإنتو نفسَكُم عارفين كيف لازم تِقتَدوا بينا، لانو تصرُّفنا معاكُم ما كان عَن عَبث،

⁸ ولا أكلنا العيش من عند أحد ببلاش، بالعكس كنا نِشتَغِل و نُتعب ليل نهار، عشان ما نكون حِمِل تَقِيِل على أي أحد مِنَّكُم.

⁹ ودا مو معناه انو ما لنا حق، بس علشان نِخلي نفسنا مِثال لكُم علشان تِقتَدو بينا.

¹⁰ فلما كنا عِندَكُم، وصيناكم بدا المبدأ: اذا كان في أحد ما يبغى يِشتَغِل، ما ياكُل!

¹¹ وسمِعنا قَبل كدا إنو في بينكم شوية ناس بيتصرفوا بتصرف فوضوي ما بيشتغلو بحاجة وبس بيتلهوا بِشؤون وحاجات غيِرَهُم.

¹² فاللي مثل هذول بِنوَصيِّهُم وبناشِدهُم، في الرَّب يسوع المسيح، إنو يكسبوا رزقَهم بِنَفسَهُم، شغالين بهدوء.

¹³ أما انتو، يا أخوان، لا تِملّوا من عَمَلَ الخير.

¹⁴ واذا كان في أحد ما يطيع ولا يسمع كلمتنا في دي الرسالة، فا انتبهولو وما تتعاملو معاه، خلوه يستَحي من نفسو.

¹⁵ بس، لا تعتبروه عَدُوَّكُم، لكن أنصحوه على اساس انو أخ.

¹⁶ ادعي لَكُم ربَّ السلام يديكُم بنفسه، السلام دايما وفي كُل حال! وادعي الرب يكون معاكم كُلَّكُم!

تحيات خاصة

¹⁷ هذا سلامي، أنا بُولُسَ، بخط يَدِّي. وهوا العلامة المُمَيَّزة في كُل رسالة لِياَّ. كذا انا أكتُب.

¹⁸ ادعيلَكم بِنعمَة رَبَنا يسوع المَسيح معاكُم كُلَّكم!