كورنثوس الثانية 9 - Hijazi New Arabic Version

¹ و مو لازم أكتب لكم في موضوع معاونة القديسين،

² مادام انا أعرف استعدادكم اللي افتخر فيه من جهتكم عند المقدونيين و أقول: منطقة أخائية جاهزة للمعاونة من السنة اللي مَرَّتْ. و حماسكم كان الدافع لكثير منَ الِاْخوان.

³ ولكن ارسلت لكم الاخوة عشان ما يصير افتخارنا فيكم باطل وعشان تكونو جاهزين زي ما قلت؛

⁴ عشان ما ننجبر احنا، ولا اقول انتو، للخجل بهذي الثقة الكبيره و لما يكونو معايا المقدونيين يلاقوا انكم مو جاهزين.

⁵ و عشان كذا انا شفت انو لازم اطلب من الاخوان انهم يسبقوني عندكم، عشان يجهزو لكم اول حاجة تبرعكم اللي اعلنا عنو قبل كذا، وتكون جاهزه بإنها بركة، مو واجب تقيل!

تشجيع السخاء

⁶ الحق انو اللي بيزرع بالتقطير، بيحصد بالتقطير برضو، و اللي بيزرع بالبركات، بيحصد البركات كمان.

⁷ أتبرعو باللي نويتووه في قلوبكم، مو بالاسف ولا منجبرين، لان الله يحب اللي يعطو وهم فرحانين.

⁸ و الله قادر يخلي النعمة كبيرة مرة لكم، و تكونو مكتفيين في كل شي و بكل وقت، وتكثرو من العمل الصالح؛

⁹ و زي ما قال الكتاب: «وزع بكرم، وادّى الفقرا، بِرّو حيدوم للابد!»

¹⁰ واللي بيدي البزره للي بيزرع، وعيش للاكل، حيديكم بخيركم من بذوركم كثير مره وحيزيد ثمر برّكم:

¹¹ بتصيرو اغنياء في كل حاجة، و هذا عشان كل تبرع من نفسكم يخلي فينا شكرا الله،

¹² و هذا لانو خدمة الله بهذي المساعدة ما بتسد حاجة القديسين و بس، شكرها شكر كبير لله.

¹³ و القديسين، بيختبرو ذي الخدمة، بيمجدو الله على طاعتكم في الشهادة لإنجيل المسيح و على تبرعكم من نفسكم بالكرم ومشاركتكم لهم و للكل.

¹⁴ وهم بيدعو عشانكم، متشوقين ليكم، بسبب انو نعمة الله الكبيرة ظهرت فيكم.

¹⁵ و شكرا لله على عطيتو المجانية اللي هي فوق الوصف!