كورنثوس الثانية 5 - Hijazi New Arabic Version

مسكننا السماوي

¹ وإحنا نعرف انو اذا اتهدت خيمتنا الارضية اللي بنسكنها دحين، بيكون لنا بناء من الله: بيت ما صنعتو يدين البشر، أبدي في السماوات۔

² الحقيقة إننا، وإحنا في هذا المسكن، متحمسين نلبس فوقو البيت السماوي،

³ عشان اذا لبِسناه ما نكون عُريانين.

⁴ وأنو، وإحنا اللي ساكنين في ذي الخيمة، بنئِن زي اللي بيحمل تُقُل، واحنا ما نبغى نخلعها، نبغى نلبس فوقها مسكنَّا السماوي، وتبلع الحياة اللي هوا ميت فينا.

⁵ واللي جهزنا لذا الشي نفسو هوا الله، وادانا الروح عربون كمان.

⁶ عشان كذا إحنا واثقين دايما، وعارفين إننا لسا في الجسد، نِفضل مُغتربين عن الرب،

⁷ لأننا نمشي بالايمان مو بعيوننا.

⁸ وإحنا اذاً واثقين، وراضين بالاحسن انو نكون مغتربين عن الجسد ومقيمين عند الرب.

⁹ وعشان كذا حريصين نرضيه، اذا كُنَّا ساكنين أو مُغتَربين.

¹⁰ يعني لازم نوقف كُلَّنا مكشوفين قدام كرسي المسيح، عشان ينول كل واحد فينا اللي عملو لما كان بالجسد، إن كان كويس او سيء!

خدمة المصالحة

¹¹ عشان دافع وعيَنا لرهبة الرب، بنحاول نقنع الناس. بس إحنا باينين قدام الله، وأتمنى نكون باينين كمان في ضمايركم.

¹² مو عشان رجعنا نمدح نفسنا قدامكم؛ بس بنقدم لكم سبب تشوفو نفسكم فينا، عشان يكون لكم سبب تردو بيها على اللي يشوفو نفسهم بالمظاهر مو باللي في القلب.

¹³ لو نحنا اتجنينا؟ وهذا كللو عشان الله. ولو تشوفونا عاقلين؟ فهذا علشانكم.

¹⁴ لانو محبة المسيح بتسيطر علينا، وحكمنا بهذا الشي: اذا واحد مات عن الكل، معنى كذا انو الكُل ماتو؛

¹⁵ وهوا مات بدال الكل عشان ما يعيش الاحياء بعدين لنفسَهُم لكن بيعيشو بدل اللي مات عَنَّهم بعدين قام.

¹⁶ طيب، إحنا من دحين ما بِنعرف احد معرفة بشرية. بس اذا كُنَّا عرِفنا المسيح معرفة بشرية، إحنا كذا ما بنعرفو لسا.

¹⁷ اذا كان احد في المسيح، هوا خليقة جديدة: الاشياء القديمة راحت، وهذا هو كل شي صار جديد.

¹⁸ وكل شي هوا من عِند الله اللي صالحنا مع نفسو بالمسيح، بعدين ادانا خدمة المُصالحه هذي .

¹⁹ و هذا انو الله كان في المسيح بيصالح العالم مع نفسو، من دون ما يحسب عليهم ذنوبهم، وحط بين يدينا رسالة المصالحة.

²⁰ إحنا سفرا المسيح، كإنو الله بيدينا موعظة انو ننادي عن المسيح: «أتصالحو مع الله!»

²¹ يعني اللي ما بيعرف الذنوب، الله خلاه ذنب علشاننا، عشان نصير إحنا بِرَّ الله فيه.