كورنثوس الثانية 13 - Hijazi New Arabic Version

تحذيرات أخيره

¹ دي المرة الثالثة اللي جيتكم فيها. بشهادة اثنين أو ثلاثة بتثبت كل شيْ.

² اعلنت قبل كذا، واقولها مقدما و انا غايب، زي ما قلت و انا حاضر عندكم بالمرة الثانية، للي غلطو المرة اللي فاتت و الباقيين كلهم: اذا أنا رجعت لكم ما رح اشفق عليكم،

³ ما دام بتطلبو دليل أو برهان على انو المسيح بيتكلم فيَّا. و هو مو ضعيف ناحيتكم، لكن هو قوي بينكم.

⁴ ومع انو اتصلب وهو بحالة ضعف، بس دحين هو بقدرة الله حي. و احنا كمان ضعفا فيه، و لكننا، بتصرفنا معكم، بنكون عايشين معاه بقدرة الله.

⁵ عشان كذا امتحنو نفسكم عشان تشوفو اذا انتو في الايمان. اختبرو نفسكم. مو انتو عارفين نفسكم، انو يسوع المسيح فيكم، الَّا اذا تبين انو انتو فعلا فاشلين؟

⁶ هذا غير اني اتمنى انه بيبان لكم انو احنا مو فاشلين.

⁷ و نصلي لله انو ما تعملو اي شر، مو عشان يبان انو احنا رجال فاضلين، لكن عشان تسوو اللي هو صحيح وحق، حتى لو إحنا كنا زي ما نكون فاشلين.

⁸ احنا ما نقدر نسوي شي ضد الحق احنا بنسوي شي عشان الحق.

⁹ و قَديش بننبسط لما نكون احنا ضعيفين وانتو اقويا؛ حتى اننا بنصلي بنطلب لكم الكمال!

¹⁰ عشان كذا بكتب الحاجات ذي وانا غايب، و حتى اذا كنت موجود ما بضطر للحزم بدي السلطة اللي اداني هي ربنا عشان نبني مو للهدم.

تحيات ختامية

¹¹ و أخيرا، يا اخوان: افرحو؛ حسِنوا نفسكم؛ أتشجعو؛ اتفقو مع بعض في رأيكم؛ عيشو بسلام. وإله المحبة بيكون معاكم!

¹² سلمو على بعضكم ببوسه نضيفه.

¹³ كل القديسين بيسلمو عليكم.

¹⁴ وتكون معاكم كلكم نعمة ربنا يسوع المسيح، و محبة الله و شراكة الروح القدس. آمين!