كورنثوس الثانية 10 - Hijazi New Arabic Version

دفاع بولس عن خدمتو

¹ ولكن انا بطلب منكم بوداعه المسيح و حلمه، انا بولس«المتواضع» وانا موجود بينكم، «الجريء» عليكم وانا غايب عنكم،

² وأترجاكم انكم ما تجبروني إني اكون جريء لما أجيكم، وأنجبر للشده اللي فيها أحسَّب اني حتجرأ في معاملة اللي بيحسّب اننا نمشي بحسب الجسد.

³ مع اننا بنعيش في الجسد، بس احنا ما بنحارب حسب الجسد.

⁴ و السلاح اللي بنحارب فيه ذا مو سلاح جسدي، بس هي بقدرة الله تقدرعلى هدم القلاع: بيها نهدم النظريات

⁵ وكل شيْ أو كل صوت يعلى و يقاوم معرفة الله، ونأسر كل فكر لطاعة المسيح.

⁶ و احنا مستعدين إننا نحاسب كل عصيان، بعد ما تكتمل طاعتهم.

⁷ انتو بتحكمو على الامور كدا على اللي ظاهرمنَّها بس؟ واذا كان لأحد ثقة بنفسو انو يخص المسيح، لازم يفكر في نفسو كمان زي ما يخص هوَّ المسيح، لانو احنا كمان نِخُصّو.

⁸ انا، ولو اني كنت أشوف نفسي شويه اكثر من اللازم، بسلطتنا اللي أدانا هي الرب عشان نبنيكم ما نهدمكم، ما راح اضطر اني أخجل،

⁹ و عشان ما أبان و كأني اخوفكم بالرسايل.

¹⁰ منكم اللي بيقول: «رسايلو شديده اللهجة وساطية، بس لما يجي يحضر بنفسو يكون ضعيف، وكلامو محتقرٌ».

¹¹ انتبه ياللي بتقول ذا الكلام انو احنا نكون بالقول في الرسايل واحنا غايبين، احنا كمان زي القول وإحنا بالفعل حاضرين.

¹² إحنا ما بنتجرأ انو نصنف نفسنا، و نقارن نفسنا، بذول اللي يمدحو نفسهم اللي بينكم. ذولا بيقيسو نفسهم على نفسهم، وبيقارنو نفسهم بنفسهم، وهم ما يفهمو اصلا!

¹³ بس إحنا ما حنشوف نفسنا ونتكبَّر و نتجاوز حدودنا، لكن نلتزم بالقانون اللي حطو لنا الله عشان نوصل فيه ليكم كمان.

¹⁴ إحنا ما نتجاوز حدودنا زي ما نكون ما وصلنا ليكم، بس إحنا وصلنا لكم من جد عن طريق انجيل المسيح؛

¹⁵ وما نتكبرونشوف نفسنا ونتجاوز حدودنا بطريقة تتعب غيرنا. بس اللي نتأملو، إذا ايمانكم زاد، إننا نزيد تقدم بينكم على حسب القانون حقنا،

¹⁶ عشان يزيد الإنجيل انتشار وإحنا نبشِّر فيه لأماكن بعيده أكثر من البلاد حقتكم، وما نكون شايفين نفسنا باللي تم في قانون غير القانون حقنا.

¹⁷ بس اللي «شايف نفسه، أحسنلو يشوف نفسه بالرب!»

¹⁸ اللي كويس هو اللي يمدحو الرب، مو اللي يمدح نفسه.