كورنثوس الثانية 1 - Hijazi New Arabic Version

¹ من بولس، رسول المسيح يسوع بقدرة الله، ومن أخونا تيموثاوس، لكنيسة الله فِي مَدِينَةِ كُورِنْثُوس، ولكُل القديسين الليي ساكنين في مُقَاطَعَةِ أَخَائِيَةَ كلها.

² أدعيِلَكُم بالسلام والنعمة انها تكون لكم من الله أبونا ومن الرب يسوع المسيح!

إله كل تعزية

³ تبارك الله، أبو ربنا يسوع المسيح، ابو الرحمات وإله تخفيف الأحزان وكل الهموم،

⁴ هو اللي بيشجِّعنا في كل هَمْ وضيقه تُمرعلينا، عشان نقدَرْ نِهَوّن ونِساعد على اللي يصير معاهم ضيق وحُزن، نوقف جنبَهُم ونشجعهم زي الله اللي وقف جنبنا وشجَّعنا.

⁵ وزي ما تُغمرنا أوجاع المسيح، تُغمرنا كمان القوة والصمود بالمسيح.

⁶ وإذا كان مهموم، فهذا عشان يِقَّويكم ويخلصكم؛ وحتى لو كُنا شديدين، وذا عشان تكونوا أقْوى، و يخليكم تكونوا قادرين تتحمَّلوا الآلام اللي نِتعذَّب فيها إحنا كمان.

⁷ والرجا اللي عشانكم هوا رجا مبْني على أساس قوي، وزيْما إنتو بتتشاركوا معانا في قدرة تَحمُّلَ الأوجاع، رح تتشاركوا كمان في انكم تِحصِّلوا القوة.

⁸ يا إخوان ما رح نِخَبِي عليكم قِصة الهموم، اللي مرينا بيها في مقاطعة آسِيَّا. كانت صعبة التحمل و شديدة مرّه علينا وفوق حد الإحتمال، لِدرجة يأسنا من الحياة نفسها.

⁹ لكن إحنا حسينا، من داخلنا، إنو أتحَكَم علينا بالموت، عشان نكون متوكلين مو على نفسنا لكن متوكلين على الله اللي يقوّم الأموات؛

¹⁰ و قبلِ كذا نجانا من المُوتَ الشَنيع، ولسا بينجّينا الين هذا الوقت، وعِنْدَنا كُلَّ الثقَة بإنو حقيقي راح ينجينا بعدين؛

¹¹ على اساس انو تساعدونا بالصلاة علشاننا؛ حتى اللي بيتوهب لينا استجابة لصلاةَ الكتيرين، بيدفع كتير ناس للشكر علشاننا.

تغيير خطط بولس

¹² و فخرنا هوا ذا: شهادة ضَمِيِرَنا إننا، في قداسه الله واخلاصو، ومشينا بالطريق في العالم، وخاصة من ناحيتكم؛ و هذا ما كان حكمة بشرية هذا كان بنعمة من ربنا.

¹³ وإحنا ما بنكتبلكم الاَّ اللي تقروه وتفهموه. وأتمنى تِفهمو الموضوع كلُّو.

¹⁴ زي ما فهمتوا شويه من كلامنا، إننا رح نكون فخروعزة لكم، زي ما إنتو عز وفخر لنا، في يوم ربنا يسوع.

¹⁵ و بْهذي القناعة، كنت ناوي قبل كذا اني اجيلَكُم، عشان يكون عِندَكُم فرح مره ثانية،

¹⁶ واني أمر عليكم وانا بطريقي لمقاطعة مقدونية وكمان في رجعتي منها، وبعد كذا تسهلو عليا طريق السفر الين منطقة اليهودية۔

¹⁷ يعني تفكِّرو اني باعتمادي على ذي الخطة اتصرفت بسلاسة وخفّه، او اني آخذ قراراتي على اساس المنطق حق البشر، عشان يكون في كلامي إيوه إيوه ولأ لأ في وقت واحِد؟

¹⁸ ربنا صادق، وبيشهد انو كلامنا معاكم مو إيوه ولأ سَوَا!

¹⁹ وانو ابن الله، المسيح يسوع، اللي بشرنا به بينكم، أنا وسِلْوَانُسُ وَتِيمُوثَاوُسُ، ما كان ايوه ولأ سَوَا، بس كان فيه موافقه.

²⁰ يعني مهما كانت وعود الله، فهوا فيه «النَّعمْ» ليها كُلَّها، وفيه الآمين بينا عشان مجد الله۔

²¹ بس اللي يثبتنا معاكم في المسيح، واللي مسحنا، هو ربنا،

²² وهوا كمان حط ختمو علينا، وادَّانا الروح القدس عربون في قلوبنا.

²³ وانا ادعي الله انو يشهد على نفسي بإني رحمه ليكم ما جيت الين كُورِنْثُوسَ.

²⁴ وهذا ما يعني اننا بنِتسلَّط على ايمَانَكُم، بس عشان إحنا بنساعدكم وبنشتغِل على فرحتكم. و بالايمان انتو ثابتين.