‎ تيماثاوس الاولى 6 - Hijazi New Arabic Version

¹ أما العبيد فعليهم اعتبار سادتهم اهل اكرام لأجل لا يسيئوا لاسم الله والتعليم.

² وأما العبيد اللي سادتهم مؤمنين فلازم ما يستخفوا فيهم باعتبارهم اخوة ولكن يخدموهم باحترام وطاعة عشان السادة دول مؤمنين محبوبين. بِهاذي الأُمُورِ عَلِّمْ و اوعظ!

المعلمين الكاذبين وحب المال.

³ لو في أحد يعلم بعكس هذا الكلام ومو راضي يخضع للكلام الصحيح اللي هو كلام ربنا يسوع المسيح و التعليم الموافق للايمان،

⁴ فهو متكبر ومايعرف شي ولكنه مَهْوُس تفكيره بالجدل والكلام اللي يسبب الخصام والتجريح والنيات السيئه.

⁵ وفي كمان خلافات بين ناس فكرهم شرير بيعتبروا التقوى تجارة.

⁶ بس الايمان مع القناعة فهو تجاره عظيمه

⁷ واحنا ما دخلنا الدنيا شايلين شي ولا نقدر نخرج منها شايلين أي شي

⁸ ولكن طالما لاقيين الأكل و الكسوة فخلينا قنوعين فيهم

⁹ بس اللي يبغوا يصيروا اغنياء فراح يوقعوا في التجربة والفخ ويتورطوا في الكثير من الشهوات السخيفه الضارة اللي بتغرّق الناس في الدَّمَارِ والهلاك.

¹⁰ حب المال هو أساس كل الشرور واللي يسعى ليه يضل عن الإيمان وطعنوا انفسهم بآلام كثيرة.

وصايا بولس لتيموثاوس

¹¹ وَأَمَّا أَنْتَ يا إنسان الله فاهرب من هاذي الأمور واسعى ورى البر والتقوى والايمان والمحبة والصبر والوداعة.

¹² أحسن الْجِهَادَ هو في معركة الايمان الجميله . وخليك ماسك في الحياة الابدية إللي إنت أندعيت ليها واعترفت الإعتراف الحق بالايمان قدّام شهود كثيرين.

¹³ وأوصيك أمام الله الي يحيي كل شي والْمَسِيحِ يَسُوعَ اللي شَهِدَ أَمَامَ بِيلاطُسَ الْبُنْطِيِّ بِالاعْتِرَافِ الحسن

¹⁴ احفظ الوصية بدون عيوب وملامة الين ما يجي ربنا يسوع المسيح على العلن.

¹⁵ هذا الظهور رح يتممه الله في وقته الخاص، هو السيد المبارك الواحد مَلِكُ الْمُلُوكِ وَرَبُّ الأَرْبَابِ،

¹⁶ اللي وَحْدَهُ لا يفنى، السَّاكِنُ فِي نُورٍ ما أحد يقدر يقرب منه، اللي ما شافه أَيُّ إِنْسَانٍ وَلا يَقْدِرُ أَنْ يشوفه.ُ ليه الْكَرَامَةُ وَالْقُدْرَةُ الأَبَدِيَّةُ. آمين!

¹⁷ وصي أغنياء هذا الزمن لا يتكبروا و لايتكلوا على الغنى اللي مو ثابت ولكن على الله اللي يدينا كل شئ بوفره علشان نستمتع بيه.

¹⁸ وأنهم لازم يسووا خير ويكونوا أغنياء بالاعمال الصالحه ويعطوا الناس بمحبة ويكونوا مستعدين يشاركوا غيرهم في خيراتهم .

¹⁹ وبكده يوفروا لنفسهم رأس مال للمستقبل حتى يتمسكوا بالحياة الحقيقية.

²⁰ حافظ يا تِيمُوثَاوُسُ،على الامانة المحفوظة عندك. وابعد عن الكلام السيء والكلام اللي بيسموه بالغلط معرفة.

²¹ المعرفة الخاطئة هاذي اذا أدّعاها الناس فراح يبعدوا عن الايمان.

²² النعمة معاك!