‎ تيماثاوس الاولى 5 - Hijazi New Arabic Version

نصايح بخصوص الأرامل والشيوخ والعبيد.

¹ لَا توبخ راجل كبير بشكل قاسي ولكن اوعظة كأب. وعامل الشباب كأنهم أخوه لك.

² والحريم كأمهات والبنات كأخوات بكل طهارة.

³ أكرم الأَرَامِلَ اللي ما لهم معيل

⁴ لو كان للارملة اولاد أو أحفاد فمن واجبهم رعاية أهاليهم. عشان هذا شئ مقبول أمام الله.

⁵ وَلَكِنَّ الأَرْمَلَةَ اللي عايشة وَحِيدَةً وما أحد مسئول عنها، فهي حطت أملها في الله وهي بتصلي ليل ونهار.

⁶ لكن اللي عايشة في لذات فهي ميته حتى لو هي حية.

⁷ لازم توصي الناس بكدة عشان ما ينلام أي احد

⁸ علشانَ اللي ما بيهتم بأهله وبالذات أهل بيته فهو انكر الايمان وهو اسوأ من إللي هوغير مؤمن. ل

⁹ ا تسجل أي وحدة في سجل الأرامل لو كان عمرها أقل من ستين سنة على الاقل وتكون اتجوزت راجل واحد بس.

¹⁰ وتكون كَمَان مَعرُوفَةً بِأعْمَالِهَا الصَّالِحَةِ زي تربية الاولاد وَحُسنُ الضِّيَافَةِ وغسلت رُجول القديسين وساعدت المتضايقين وعملت كل عمل صالح!

¹¹ أَمَّا الأَرَامِلُ الشَّابَّاتُ، لا تسجلهم. عشان لا ينشغلوا عَنْ الْمَسِيحِ، ويفضّلوا إنهم يتزوجوا مرة ثانية ،

¹² لكن رح يعرضوا نفسهم للإدانة لانهم ما التزموا بوعدهم الاول َ.

¹³ وَفِي نفس الْوَقْتِ يتعودوا على البطاله ويتسكعوا من بيت لبيت. وما تكفيهم البطاله لكن كمان الثرثره الزايده وينشغلوا بالي ما يخصهم ويتكلموا بأمور ماهي مناسبه

¹⁴ أبغى الأرامل الشابات يتزوجوا ويولدوا أولاد ويكونوا مسئولين عن بيوت ومايخلوا مكان للشيطان يشككك فيهم.

¹⁵ ودة علشان بعضهم مشي ورا الشيطان فعلا.

¹⁶ ولو أحد من المؤمنين أو المؤمنات عنده أرامل من أهله فلازم يساعدهم عشان ما يكونوا حمل على الكنيسة وتتفرغ الكنيسة لرعاية الارامل إللي عندهم إحتياج فعلا.

¹⁷ وأما الشيوخ اللي بيعرفوا يقودوا الكنيسة فلازم نكرمهم وخاصة اللي بيتعبوا في نشر الكلمة والتعليم.

¹⁸ عشان الكتاب بيقول لا تحط كمامة على فم الثور وهو يدوس الحبوب وأن اللي يشتغل بيستحق أجرته.

¹⁹ لا تقبل أي تهمة ضد أي أحد من الشيوخ الا بوجود شاهدين او ثلاثة.

²⁰ فلو كان مخطئ فعلا، وبخة قدام الناس عشان يصيرعند الباقين خوف

²¹ أطلب منك قدام ربنا والملايكة انك تنفذ الوصايا هذه من غير انحياز لأي أحد.

²² ماتتسرع في الثقة في أحد. وماتشترك في خطايا الناس الثانيه. وحافظ على طهارتك.

²³ لا تشرب بس مويه بعد اليوم. ولكن اشرب شوية نبيذ عشان تداوي معدتك وامراضك اللي تعاودك كثير.

²⁴ بعض الناس خطيتهم تكون ظاهرة بوضوح قبل المحاكمة وبعض الناس ماتظهرخطاياهم إللا بعد المحاكمة.

²⁵ وبنفس الشكل تكون الاعمال الصالحة واضحة مُسْبَقاً ولايمكن أن الاعمال الغير صالحة تفضل خفية.