تسالونيكي الأولى 3 - Hijazi New Arabic Version

إرسال تيموثاوس إلى تسالونيكي

¹ عشان كدا لما صار بُعْدَنا عَنكُم ما يتحمّلو احد، صارأحسن لينا انو نِفضَل لوحدنا في مدينة أَثِينَا،

² وأرسلنا تِيمُوثَاوُسَ، اخونا اللي بيساعدنا في خدمة الله في نشر الانجيل، عشان يقويكم ويشجعكم في ايماَنَكُم،

³ عشان ما يتهزأي واحد فيكم بسبب دي الضيقات. وانتو تعرفوا إننا متعيِّنين عشان كدا؛

⁴ وصار من قبل لنا، لما كُنَّا عِندَكُم انو خبَّرنَاكم انو راح نعاني في الضيقات، الشي اللي صار بعد كدا زي ما تعرفوا.

⁵ وعشان كدا كمان، يعني صار البعد عَنَّكُم مره صعب، أرسلت أحد يتطقس عن ايمانكم عشان ما يكون اللي بيجَرِّب يجرَّب فيكم فيروح تعبنا على الفاضي!

أخبار تيموثاوس المشجعة

⁶ أمَّا دحين، وأهُو رجع تِيمُوثَاوُسُ لينا من عِندَكُم وبشَّرنا باللي ليكم من إيمان وحب، وانكم بتقولو عننا كلام كويس في كل وقت، وبتِوحَشكُم شوفتنا كتير زي ما إحنا بِتوحشنا شوفَتكم،

⁷ وترا لقينا فيكم يا اخوان تعزية لينا في عِز نَكْبَتنا وبَلوَتْنا من ناحية إيمانكم.

⁸ والحياة صارت أحلى لنا طول ما إنتوا ثابتين في الرَّب!

⁹ فا أي شكُر نِقدر نقدَّموا لله عِوَضْ عنكم عشان كل شي يوسع صدورنا بسببكم قُدام إلَهنا،

¹⁰ وإحنا بنصلي ليل نهار وبنتوسل إنو نشوف وجوهَكُم ونكَمِّل اللي كان ناقص في إيمانكُم؟

¹¹ ياريت الله ابونا نفسوا، وربنا يسوع المسيح، يسهل قدامنا الطريق ليكم.

¹² عشان يخيلكم الرب تكبروا وتزيدوا في المحبه عشان تحبو بعضكم البعض وكل الناس زي محبتنا لكم،

¹³ عشان تتثبت قلوبكم من غير لوم في القداسة قدام إلهنا وابونا لما يبان ربنا اليسوع مع كل القديسين.