بطرس الأولى 5 - Hijazi New Arabic Version

وصايا للشيوخ والصغار

¹ وَهاذي وَصِيَّتِي للشُّيُوخِ اللي بَيْنَكُمْ، باعتباري شَيْخ زيّيهم، وَشَاهِد لِآلامِ الْمَسِيحِ، وَشَرِيك فِي الْمَجْدِ اللي راح يظهر:

² ارْعَوْا خراف اللهِ اللي بَيْنَكُمْ، كَحُرَّاسٍ لَيهُ، مو لان هذا واجبكم، لكن تطوع منكم، زي ما يبغى الله منكم، ومن غير دافع الربح القبيح، لكن حب في الخدمة بِنَشَاطٍ.

³ لا تَتَسَلَّطُوا وتتحكموا في الْقَطِيعِ اللي وَضَعَهُ اللهُ أَمَانَةً في أياديكم، لكن لازم تكونوا قُدْوَةً لَه.

⁴ ولمن يجي و يَظْهَرُمرة تانيه رَئِيسُ الرُّعَاةِ، راح تنالوا إِكْلِيلَ الْمَجْدِ اللي ما يزول.

⁵ انتوا كمان يا شَّبَابُ، كونوا خاضعين لِلشُّيُوخِ. كونوا متواضعين فِي تعاملكم مع بعض. لأَنَّ اللهَ يرفض الْمُتَكَبِّرِينَ، وبيُعْطِي الْمُتَوَاضِعِينَ نِعْمَةً.

⁶ علشان كدة لازم، تتَوَاضَعُوا تَحْتَ ايَدِ اللهِ العالية علشان يَرْفَعَكُمْ لمن يَحِينُ الْوَقْتُ،

⁷ وسيبوا همومكم كلها عليه، لأَنَّهُ هُوَ اللي بيَعْتَنِي بكُمْ.

⁸ اصحوا وانتبهوا. علشان إِبْلِيسَ خصمكم زي الاسد يَزْأَرُ، وبيتجول يدور فَرِيسَةٍ يبلعها.

⁹ لازم تقاوموه، وتثبتوا فِي الإِيمَانِ. وخليكم دايما فاكرين أَنَّ إِخْوَاتَكُمُ الْمُنْتَشِرِينَ فِي كل الْعَالَمِ بيمروا بنفس هاذي الالام.

¹⁰ لانكم بعد ما تَتَأَلَّمُوا لِفَتْرَةٍ صغيرة، اللهَ، إِلَهَ كُلِّ نِعْمَةٍ، اللي دَعَاكُمْ للاشْتِرَاكِ فِي مَجْدِهِ الأَبَدِيِّ فِي الْمَسِيحِ، لازم راح يخليكم كَامِلِينَ وَثَابِتِينَ ومليانين قوة.

¹¹ لهُ الْمَجْدُ والسلطان إِلَى أَبَدِ الآبِدِينَ. آمِين! آمين!

تحيات ختامية

¹² انا برسلكم هاذي الرِّسَالَةَ الصغيرة مع سِلْوَانُسَ الأَخِ الأَمِينِ. وانا ابغى افكركم أَنَّ النِّعْمَةَ اللي بتتمتعوا بها هِيَ نِعْمَةُ اللهِ الْحَقِيقِيَّةُ اللي أَنْتُوا ثابتين فِيهَا.

¹³ وَمِنْ بَابِلَ، بتُسَلِّمُ عَلَيْكُمْ هاذي اللي اخْتَارَهَا اللهُ مَعَاكُمْ، ومَرْقُسُ ابْنِي كمان.

¹⁴ سَلِّمُوا عَلَى بَعْضٍ بِقُبْلَةِ الْمَحَبَّةِ. لكم السَّلامُ كلكم ، أَنْتُوا إللّي فِي الْمَسِيحِ.