بطرس الأولى 1 - Hijazi New Arabic Version

¹ مِنْ بُطْرُسَ، رَسُولِ يَسُوعَ الْمَسِيحِ للمتشتتين المتغربين فِي بُنْطُسَ وَغَلاطِيَّةَ وَكَبَّدُوكِيَّةَ وَآسِيَّا وَبِيثِينِيَّةَ،

² هذول اللي اخْتَارَهُمُ اللهُ الآبُ بمعرفته السابقة وقَدَّسَهُمْ بِالرُّوحِ علشان يطيعوا يَسُوعَ الْمَسِيحَ وَيتَطْهُرُوا بِرَشِّ دَمِهِ عَلَيْهِمْ. من النِّعْمَةِ وَالسَّلام يكونوا معاكم بزيادة وكترة .

تسبيح الله لأجل الرجاء الحي

³ مبارك هو اللهُ أَبُو رَبِّنَا يَسُوعَ الْمَسِيحِ، اللي من كتر رَحْمَتِهِ الْعَظِيمَةِ خلَّانا نتولد ولادة تانية، مليانة رَّجَاءِ بسبب قِيَامَةِ يَسُوعَ الْمَسِيحِ مِنْ بَيْنِ الأَمْوَاتِ،

⁴ وورث ما ينتهي ولا يفسد ولا يزول، مَحْفُوظ لَكُمْ فِي السَّمَاوَاتِ.

⁵ لإنَّكم انتوا محفوظين بقوة اللهِ اللي بتعمل فيكم بالايمان، إلين ما تَفُوزُوا بِالْخَلاصِ النِّهَائِيِّ اللي متجهز لكم، واللي راح يظهر فِي الزَّمَانِ الأَخِيرِ.

⁶ وَهاذا يخليكم تفرحوا، مَعَ انكم لازم تحزنوا الان لفترة قصيرة بسبب التَّجَارِبِ المختلفة!

⁷ لكن لازم تعرفوا ان هدف هاذي التَّجَارِبِ هو اخْتِبَارُ إِيمَانِكُمْ. زي ما الدهب بتختبره النار وتنقيه، التَّجَارِبُ كمان بتختبر إِيمَانِكُمْ، واللي هو أغلى كتير مِنَ الدهَبِ الزايل. وبكدة، يَكُونُ إِيمَانُكُمْ مستحق للمدح وَالإِكْرَامٍ والَتَمْجِيدٍ لكُمْ، لمَّن يرجع يَسُوعُ الْمَسِيحُ ويظهر في مَجْدِهِ.

⁸ انتوا ما شفتوا الْمَسِيحَ دحِّين، وَلكِنَّكُمْ بتحبوه. وَمَعَ أَنَّكُمْ ما بتشوفوه الآنَ، لكن بتأمنوا بهِ وبتسعدوا وتفرحوا بشكل لا يوصف.

⁹ لانكم بتنالوا هَدَفَ إِيمَانِكُمْ، وَهُوَ خَلاصُ نُفُوسِكُمْ.

¹⁰ كثير فَتَّشَ الأَنْبِيَاءُ زمان وَبَحَثُوا عَنْ هاذا الْخَلاصِ! فَهُمْا اتنبأوا عَنْ نِعْمَةِ اللهِ اللي كَانَ مجهزها لكُمْ انتوا،

¹¹ وسعوا انهم يعرفوا الزَّمَانِ وَالأَحْوَالِ اللي كَانَ بيقصدها رُوحُ الْمَسِيحِ اللي كَانَ بيعمل فِيهِمْ، لمَّن خبرهم قبل باللي بيَنْتَظِرُ الْمَسِيحَ مِنْ آلالامٍ، وبالأمجاد اللي راح تيجي بعدهاٍ.

¹² وَلَكِنَّ اللهَ أَوْحَى لهم إِنو اجْتِهَادَهُمْ هاذا ما كان لِمَصْلَحَتِهِمْ هُماْ، لكن لِمَصْلَحَتِكُمْ أَنْتُوا. لإِنوكل هاذا كان علشان الْبِشَارَةِ اللي نقلها لكم في الوقت الحالي مُبَشِّرُينَ بقوة وتأييد الرُّوحُ الْقُدُسُ اللي هو مرسول مِنَ السَّمَاءِ. هاذي هي أمور عظيمة يَتَمَنَّى حَتَّى الْمَلائِكَةُ إِنَّهم يعرفوها أو يشوفوها!

¹³ علشان كذه خلوا أَذْهَانَكُمْ مُتَنَبِّهَةً ، واصحوا وأتنبهوا ، وخلوا رَجَاءَكُمْ كُلَّهُ عَلَى النِّعْمَةِ اللي راح تكون مِنْ نَصِيبِكُمْ لمَّن يرجع يَسُوعُ الْمَسِيحُ ويظهر في مجده!

كونوا قديسين

¹⁴ وَبِمَا أَنَّكُمْ صرتوا أَوْلاداً لِلهِ الي بطيعوه، لا ترجعوا تطاوعوا الشَّهَوَاتِ اللي كَانَتْ بتُسَيْطِرُ عَلَيْكُمْ زمان فِي أَيَّامِ جَهْلِكُمْ.

¹⁵ لكن احفظوا سلوككم مُقَدَّس فِي كُلِّ شئ، واتمثلوا بِالْقُدُّوسِ اللي دَعَاكُمْ،

¹⁶ لإنٌّو مكتوب: «كُونُوا قِدِّيسِينَ، لأَنِّي أَنَا قُدُّوسٌ! »

¹⁷ وبما انكم بتعترفوا بالله اللي هو أب ليكم، وَهُوَ اللي بيَحْكُمُ عَلَى كُلِّ إِنْسَانٍ حَسَبَ أَعْمَالِهِ من غير تحيزٍ، فلازم تسلكوا في مخافته في فترة حياتكم الْمُؤَقَّتَةِ عَلَى الأَرْضِ.

¹⁸ وخليكم عارفين أَنَّهُ هو اللي دَفَعَ الْفِدْيَةَ علشان ِيُحَرِّرَكُمْ من ماضي حَيَاتِكُمُ القديمة اللي أَخَذْتُوهَا بتقليد آبائكم. وَهاذي الْفِدْيَةُ ما كانت شئ زايل زي الْفِضَّةِ أَوِ الذَّهَبِ،

¹⁹ لكن كَانَتْ دَمً ثَمِين، دَمَ الْمَسِيحِ، هاذا الْحَمَلِ الطَّاهِرِ اللي ما فِيهِ عَيْبٌ وَلا دَنَسٌ!

²⁰ وَمَعَ أَنَّ اللهَ اختارهاذا من قَبْل تأسيس الْعَالَمِ، لكنه ما اعلنه إِلّا فِي هاذا الزَّمَنِ الأَخِيرِ لمصلحتكم

²¹ انتوا اللي بتؤمنوا بالله من خلال المسيح قوَّمو مِنَ الْمَوْتِ وإِدَّالو الْمَجْدَ، حَتَّى ما يَكُونَ اللهُ هو هدف إِيمَانِكُمْ وَرَجَائِكُمْ.

²² وبما انكم خضعتوا للحق ، فأطهَّرت نُفُوسُكُمْ وَصِرْتُوا قَادِرِينَ أَنْكم تُحِبُّوا بعضكم البعض بمَحَبَّةً أَخَوِيَّةً ما فيها رِيَاءَ، حِبُّوا بَعْضُكُمْ مَحَبَّةً قويَّة خارجة مِنْ قَلْبٍ طَاهِرٍ!

²³ لانكم اتولدتوا وِلادَةً ثَانِيَةً مو من زرع بشري زايل، لكن من اللي ما يزول: بِكَلِمَةِ اللهِ الْحَيَّةِ الْبَاقِيَةِ إِلَى الأَبَدِ.

²⁴ لان الْحَيَاةَ الْبَشَرِيَّةَ هي زي العشب ، وَمَجْدَهَا كُلَّهُ زي زَهْرِ الْعُشْبِ. ومصيرها إنَّها راح تزول زي ما يَيْبَسُ الْعُشْبُ وزَهْرُهُ يطيح !

²⁵ بس كَلِمَةُ الله َرح تَبْقَى ثَابِتَةً للأبد ، وَهِيَ الْكَلِمَةُ اللي بِشَارَتُهَا وصلت لكم!