John 6 - Haida Matthew Luke John and Acts 1891-99

Chapter 6.

¹ ASHGAI dlā Jesus Galilee shū-e, Tiberias shū-e hin kyās, telg tlū-katajan.

² Waigien tl shkul-euon la dla istajan, ga stisgai un gin kang-ūdsada il isdaian tl kang-an altha.

³ Waigien Jesus tldāwē gwī kulthaian gien, gyang disciplesgai dung-alth gu il kou-aian.

⁴ Waigien Jews haade gia lagunung-ai, passover hin kyā, dōng-ēlan.

⁵ Waigien Jesus kēitlagan gien, tl shkūleuon la ā istals il kang-andlu, Gījisdū ashgai lthdanūe un shibli talung dah-lthing-āgung? hin Philip alth il kiānang-an.

⁶ Hing-an il is dagudung-ai un adshi il shudaian, tliku il wau-ungkasas un il ūnshidan altha.

⁷ Penny hundredgai stung shou shibligai gum tla dlu edlthing-ang-gung, tl wautliwon lthing-an tugai una, Philip hin hanglthang il shudaian.

⁸ Hin-ū lagia disciplesgai swon, Andrew, Simon Peter dōn ijan, il shudaian,

⁹ Nung īlthing-a ḵutsū adlun is barley shibligai kō-tlēlth isgien shkolthung stung ishin dāung; waigien gushinu tl shkūlas un adshi ā tl tlālthilth-shang?

¹⁰ Haadgai lth kil-tlāā-wū, hin Jesus shouon. Waigien gu kun kwonan. Althji alth īlthansidai tlaāwon, waigien thousandgai tlēlthaian.

¹¹ Waigien Jesus shibligai isdaian; waigien sing il kil-lāgan gien, tl tlōdas ga il isdaian; shkolthing-e ishin tlistleu ga tl guduns ging-an tla ga il isdaian.

¹² Waigien tlistleuon tl skisāwondlu, Kung-awe wau sta koudsi lth gudā isdou, gum gū-ung-ai una, hin gyang disciplesgai il shudaian.

¹³ Althji alth gudā tl isdaian gien, barley shibligai kō-tlēlth ga tagan kōkung-awe wau sta koudan basket a-tlāalth waugu a-stung ā stah-waian.

¹⁴ Waigien tlistleuon gin kang-ūdsada il isdaian tl haada kang-andlu, Nung prophetga hēt-tligai gu katla-ungkashagun ū yenki ā ijung, hin tl shouon.

¹⁵ Waigien la tl king-gēlthdie un la kilth telg hun la tl isdie un tl istla-ung-kasas un Jesus ūnshidandlu, housen la swonan tldāwē ā kaidan.

¹⁶ Waigien tlistleuon sing-i-aiandlu, lagia disciplesgai shu-e ā istaalan;

¹⁷ Waigien kontlu gwē il istlīāwon gien, shū-e telg Capernaum ā il tlū-katashang-kasha-āwon. Waigien gawun Jesus la un katla-wong-gundān algēilan.

¹⁸ Waigien tudsue odō-euonsi alth ai-awe tladsgalan.

¹⁹ Waigien tlistleuon furlong tlāale stung waugu tlēlth, tlāale lthonulth dlu il gīnung-āwondlu, ai-awe ing-gut Jesus kas il keng-āwon, waigien kontlū-e un il aanēlan; waigien il lthwaugulthāwon.

²⁰ Ltha ū ija; gum lth lthwaugang-u; waigien hin la il shudāwon.

²¹ Althji althū kontlū-e gwē il isdie da il gudung-āwon; waigien hawīdan gyā tl ijan tligai gu kontlū-e katlagan.

²² Waudālēkw tl shkulas shū-e jin-gu tla siliā tljūgiang-an, gum kontlū kulat gu isang-an gien, Jesus ishin gum gyang disciplesgai alth kontlū-e gwē katli-ang-an gien, lagia disciplesgai swunan tlūkaidan tl kang-an;

²³ (Waigien Shalana kil-lāgan silīd, shibli gyāgu tl tagan tligai kwulth Tiberias sta kontlū istlagan;)

²⁴ Tlistleuon ga shkulasgai Jesus isgien lagia disciplesgai ishin gum waugu isans kang-andlu, Jesus da dī-ing-ai un kontlū-e gwau Capernaum ā tl istlīgan.

²⁵ Waigien tlistleuon wau hanltha la tl kēaiandlu, Rabbi, gīshindu adlun dung istlā-ujang? hin la tl shudaian.

²⁶ Yenkien, yenkien, dalung lth shudang, Kang-ūdsada dalung keng-gun agunan gum di da dalung keng-ung-gung; shibli dalung tagun gien dalung skisūgun alth ū di da dalung keng-gun.

²⁷ Tou hīlūgung-us un gū lth gum lthong-gwilang-ū, tou hēnung-a swonung is, nung haada Git dalung ga isdāases un gū lth lthong-gwilū; Shanung-itlagadas nung Aung-as il shkotagādagun altha, hin Jesus hanglthang tl shudaian.

²⁸ Gushin talung etgai ū lagung, Shanung-itlagadas gia lthong-gwilie talung isdie una? waigien hin la tl shudaian.

²⁹ Nung il kilkaidun dalung yetdie ū Shanung-itlagadas gia lthong-gwilie ijung, waigien hin Jesus hanglthang tl shudaian.

³⁰ Gūsh un tlou kang-ūdsada dung isdang, talung kens gien, dung talung yetdie una? gūsh lthong-gwilie ū dung isdang?

³¹ Itil aung-alung tligunltha manna-gai tagang-an; Tou tl tugai un sha sta tla ga il isdagang-an, hin kālung-asi ging-an-a, waigien hin la tl shudaian.

³² Yentien, yenkien dalung ga lth shugung, Moses ū gum shibli-gai sha sta dalung ga isdāang-an; di Aung tlou shibli yikī sha sta dalung ga isdang.

³³ Shanung-itlagadas gia shibligai sha sta istalths gien, hēt-tligai ga isdas altha, waigien hin Jesus tl shudaian.

³⁴ Shalana, althji shibligai lth itil ga isdaswonung, waigien hin la tl shudaian.

³⁵ Jesus hin tl shudaian, Di ū shibli hēnung-a ijung; di ā nung kas ū gum kōdang-ashang, waigien di nung yetdas ishin gum kutdō-swonung-ung-ashang.

³⁶ Dalung tlou di keng-gun-kianan, gum hawun di dalung yetdang-ung dalung ga lth shugun.

³⁷ Gin wautliwon nung Aung-as di ga isdas di ā isisang; waigien di un nung katlas-dlu gum lthing-an la ga lth gwou-ang-ashang.

³⁸ Gum tliku lth guduns ging-an lth etgai un sha sta lth katlatulthans altha; di nung kikaidun guduns ging-an lth etgai un ū lth ijung.

³⁹ Di nung kilkaidun gin di ga isdagun wautliwon gum swon-hun lth gūdie da gudung-ung-gung, waigien shantlan ōstlasdlu lth hālthūdie da il gudung-gung.

⁴⁰ Tl wautliwōn-hun il Git kens gien, la tl yetdasdlu, tl hēnung-a-swonung-ai da di Aung guduns altha; waigien shantlan ōstlasdlu la lth hālthūdāashang, hin Jesus tl shudaian.

⁴¹ Jews haade la edē kāūgūstlaian, Shibli sha sta ijun ū di ijung, hin il shouon altha.

⁴² Gum gu Joseph git Jesus a isang-ūsh? gum gu il aung isgien il ou ishin un itil ūnshidang-ūsh? sha sta lth katlatulgung, gushintlou wēt hin il shugung? waigien hin tl shouon.

⁴³ Jesus hin hanglthang tl shudaian, Tliku lth shus lth gum gu-dāung-ung-u.

⁴⁴ Gum di un nung katlalthing-ang-gung, nung Aung-as di kilkaidun il alkagai gūsdlu-a; waigien shantlan ōstlasdlu la lth kālthūdāashang.

⁴⁵ Waigien Shanung-itlagadas ū tl wautliwon gin shkotadāashang, hin ū ga prophetgas gia kōgīnē ā kālung-āgung. Tl wautliwon-hun nung Aung-as kil guduns gien tl shkotadas ū di un katlagung-gung.

⁴⁶ Gum nung haada nung Aung-as keng-ung-gun; tlan Shanung-itlagadas sta nung is swonan nung Aung-as keng-gun.

⁴⁷ Yenkien, yenkien dalung ga lth shugung, Di kil nung yetdas ū hēnung-a swonung-gung.

⁴⁸ Di ū shibli hēnung-a ijung.

⁴⁹ Dalung aung-alung manna-gai tligunltha tagan, waigien tl kotulthgaian.

⁵⁰ Shibli sha sta hēt ga is ū ā ijung, nung haada wau sta tas gien, gum kotulthang-ai una.

⁵¹ Shibli hēnung-a sha sta katlatulths ū lth ijung; adshi shibli-gai nung tasdlu, il hēnung-a-swonung-ashang; waigien shibli tla ga lth isdaases ū di kyē ijung, hēt-tligai gu alth tl hēnung-gai una, hin Jesus hanglthang tl shudaian.

⁵² Itan Jews haade gu kilth shoutga gushu-īdan, Gushinu anung īlthing-as kyang itil tāda-tljou-lthing-āgung? waigien hin tl shouon.

⁵³ Waigien Jesus hin tl shudaian, Yenkien, yenkien dalung ga lth shugung, nung haada Git kye dalung tugai gūs gien, il ai ishin dalung hūtlie gūsdlu, gum dalung hēnung-althing-ang-gung.

⁵⁴ Di kyē nung tas gien, di ai ishin nung hūtlasdlu, il hēnung-a-swonung-gung; waigien shantlan ōstlasdlu la lth kālthūdāashang.

⁵⁵ Di kyē tou yikī is gien, di ai ishin gin hūtla-lthing-a yikī is altha.

⁵⁶ Di kyē nung tas gien, di ai ishin nung hūtlasdlu, di ā nāgung, waigien ltha ishin la ā nāgung.

⁵⁷ Nung Aung hēnung-as di kilkaidun, waigien nung Aung-as agunan di hēnung-as ging-an di nung tas gien, la ishin di agunan hēnung-āashang.

⁵⁸ Shibli sha sta ijun ū ā ijung; dalung aung-alung ga tāgan gien kōtulthgaian ging-an gum edang-gung; adshi shibligai nung tas u hēnung-a-swonung-ashang, hin Jesus tl shu-daian.

⁵⁹ Synagogue-nai Capernaum gu ijan ā gin tla il shkotadagundān a gin is il shudaian.

⁶⁰ Tlistleuon lagia disciplesgai kwon adshi gudang-andlu, Adshi gushu-e shing-idsang; gīshdū gudanlthing-āgung? hin tl shouon.

⁶¹ Waigien Jesus lagia disciplesgai adshi ā kāūgasi un ūnshidalandlu, hin la il shudāwon, Adshi gu dalung ging-dl-duldung-ūsh?

⁶² Nung haada Git gyāgu kwūnā ijun ā kulthas dalung kensdlu, gushinu waudlu dalung gudanlthing-āgung?

⁶³ Nung hants ū tl tla-hēnanstlagung-gung; kyē ū gum lā-ung-gung; gin dalung lth shudagun ū hants isgien hēnung-a ishin ijung.

⁶⁴ Waigien dalung īlthi ū gum yetdang-gung, hin tla il shudaian. Kwūnstie sta-hun Jesus gum la ga yetdang-an isgien, la alth nung giadah-ungkasas ishin un ūnshidan altha.

⁶⁵ Gum nung swonshung-hun di un katla-lthing-ang-gung, nung Aung-as la ga isdie gusdlu-a, althji agunan hin dalung lth shudagun, waigien hin il shouon.

⁶⁶ Waudlu lagia disciplesgai kwon silthgang stēlan, waigien gum housen la alth tl istalgung-ang-an.

⁶⁷ Dalung ishin gu istīidai da gudung? waigien hin Jesus ga tlāalth waugu stunsgai shudaian.

⁶⁸ Shalana, gīshd-ā-ū talung istīidshang? da-ū hēnung-a swonang gushue dāung.

⁶⁹ Waigien Shanung-itlagadas gia nung Las dung is talung yetdas gien un itil ūnshidung, hin Simon Peter hanglthang il shudaian.

⁷⁰ Gum gu dalung tlāalth waugu stuns lth kenstang-ucha, waigien dalung swon hants daung-a ijung? hin Jesus hanglthang il shudāwon.

⁷¹ Judas, Simon Iscariot git ū il shudaian, ga tlāalth waugu stunsgai swon il ijan gien, la alth il giadah-ungkashagan altha.