John 4 - Haida Matthew Luke John and Acts 1891-99

Chapter 4.

¹ JOHN telg tl kwon Jesus gin shkotadas gien ishin tla il baptize-das Pharisee haade gudang-an tlistleuon Shalana un ūnshidalandlu,

² (Gum Jesus kodan tl baptize-dang-gangan, lagia disciplesgai ū waugang-an),

³ Judæa sta il kaidan gien, housen Galilee ā il kaidan.

⁴ Waigien gum tliku Samaria kalthgūt kā ādan il islthing-e kang-gang-an.

⁵ Waigien Samaria ilnagai swon Sychar hin kyās un il katlagan, waigien Jacob Joseph git-ang ga tliga isdaian un dōng-āgan;

⁶ Waigien Jacob gia untlai wau gu lthēa-lāgan. Waigien Jesus ung kā-ahgalandlu untlai jin-gu il kouon. Waudlu ashkoshgit tlū-unalan.

⁷ Gu nung Samaria jitga ga jiitlagan; Di lth hūtldi, hin Jesus il shudaian.

⁸ Lagia disciplesgai ilnagai ā tou dah-waugan altha.

⁹ Gushintlou dung Jew haadas kianan di Samaria jitgas di alth dung hūtlang? hin nung Samaria jitgas il shudaian. (Jews haade alth gum Samaria haade gut ga stalthang-gang-an altha.)

¹⁰ Shanuug-itlagadas shou-ādan tla ga gin isdas gien, Di lth hūtldi hin dung nung shudas ishin un dung ūnshidasdlu, la alth dung kianan-lthing-āgan, waigien untl hēnung-a dung ga il isdalthing-āgan, hin Jesus hang-lthang il shudaian.

¹¹ Nung itlagadas, gum gin alth untl isda-lthing-e dung dā-ung-gung, waigien untlai lthdīing-āgung; gījisdu untl hēnung-as dung isdalthing-āgung?

¹² Itil aung Jacob isgien, il gitalung ishin, lagia gin tīigagai ishin adshi untlai nīlgang-an gien, itil ga il isdaian, waigien gu la telg dung etūsh? hin nung jadas il shudaian.

¹³ Tl wautliwon-hun adshi untlai hūtlasi housen kutō-ashang;

¹⁴ Untl nung ga lth isdāases ū hūtlasdlu tlou, gum il kutō-swonung-ung-ashang; untl la ga lth isdaases tlou untl hēla la ā isīlths gien, hēnung-a swonung un kwa-yang-ashang, hin Jesus hang-gang il shudaian.

¹⁵ Nung itlagadas, adshi untlai lth di ga isdi, gum di kutō-uns gien, gum adlun ga ltha ga jiā-ung-ai una, hin nung jadas il shudaian.

¹⁶ Tlal-ung un lth ai-ang-a, waigien lth althgwī kang, hin Jesus il shudaian.

¹⁷ Gum tlal lth dā-ung-ga, waigien hin nung jadas hanglthang il shudaian. Gum tlal lth dā-ung-ga, hin dung shugundlu, kwaulthang-an dung shugun;

¹⁸ Dung tlal-alung tlēlthagun altha; waigien wēt nung dung īnas gum dung tlal isang-gung; adshi yenki dung shudagun, hin Jesus il shudaian.

¹⁹ Nung itlagadas, dung prophetgas un di ūnshidulgung.

²⁰ Itil aung-alung adshi tldāwe ing-gu singlthgang gushugang-an; dalung tlou Jerusalem tligai gu tl haada singlthgang gushue lang shugung, hin nung jadas il shudaian.

²¹ Nung jadas, di kil lth yetdi; gum adshi tldāwe gu isgien, gum Jerusalem gu ishin, nung Aung-as ā singlthgang dalung gushu-ung-ai ashkoshgadē dōng-ēlgung.

²² Gum gin un dalung ūnshidans ā singlthgang dalung gushugung-gung; itil tlou gin un itil unshits ā singlthgang talung gushugung-gung; gin alth tl koguns Jews haade sta isis altha.

²³ Singlthgang gushoulē-alung yikī gudung-ung alth isgien, yenki gin et alth ishin, Nung Āung-as ā singlthgang gushu-ases ashkoshgadē dōng-ēlths gien, wēt ishin ijung; hin ga etsgai la ā singlthgang gushue da nung Aung-as gudung-gung-us altha.

²⁴ Shanung-itlagadas Hants ijung; waigien la ā singlthgang ga gushusgai gudung-ung alth isgien, yenki gin et alth ishin la ā singlthgang gushue lāgung, hin Jesus il shudaian.

²⁵ Messiah (Ohrist hin kyās) katla-ung-kasas un di ūnshidung; il katlasdlu, gin wautliwon unsta itil ga il shu-ashang, hin nung jadas il shudaian.

²⁶ Dung ā lth gushus, ltha ū il ijung, hin Jesus il shudaian.

²⁷ Waudlu lagia disciplesgai istlagan; waigien nung jada ā il gushouon un il kuldung-āwon; waikian, Gushintlou tliku dung ēdung? Gushintlou la ā dung gushugung? gum hin nung shu-ang-an.

²⁸ Waigien nung jadas untl dāawē ung-a tush-kustlaian gien, ilnagai ā il kaidan,

²⁹ Ūtlāū, nung īlthing-a gin lth isdagīni wautliwon di ga shudagun lth keng-ū; gum gu nung Christgas il isang-ūsh? waigien hin ga ilthansidasgai il shudaian.

³⁰ Ilnagai sta tl istiidan gien, la un tl istlagan.

³¹ Althji tālth, Nung itlagadas, lthdanūltha, hin lagia disciplesgai il shudaian.

³² Tou gum un dalung ūnshidans tā un lth dāung, waigien hin la il shudāwon.

³³ Gin talthing-e gu la ā nung isdā-ūcha? waigien hin lagia disciplesgai gu shudaian.

³⁴ Di nung kilkaidun kilth ging-an lth ets gien, lthong-gwilie ishin lang-a lth ēlthgīdie giagun tou-e ijung.

³⁵ Ehong ke-stunshung hīlusdlu tl tutlīidshang, gum gu hin dalung shugung-ung-ūsh? Gwokeng, kēitlā-ūltha, waigien lth kwulthkotajai tliidai un otgulthsi keng-ū, hin dalung lth shudang.

³⁶ Nung tutliids giashou kēigung-gung, waigien hēnung-a swonung un ān gudā il isda-gung-gung; nung tutldsas isgien, nung tutliids ishin gudung-althan gudung-ai ligai una.

³⁷ Nung swon tutldsas gien, nung kulat ishin tliidung-gung, hin kwaulthang-an tl shugung-us altha.

³⁸ Tlījan gum dalung lthong-gwilang-an ā tutliid un dalung lth kilistīidun; tl kulat lthong-gwilaian gien, dalung ū lthong-gwilie ai tlang-a isdsang, hin Jesus il shudāwon.

³⁹ Gin lth isdagun wautliwon di ga il shudagun, hin nung jadas gialthandaian agunan wodshi ilnagai sta Samaria haade kwon il yetdēilan.

⁴⁰ Althji alth ū tlistleuon Samaria haade la un istlagandlu, kwai kwulthgang la tl isalan; waigien shin stung gu il ijan.

⁴¹ Waigien il kil agunan housen tl kwon il yetdēilan;

⁴² Dung shugun alth wēt gum la talung yetdang-gung; talung kodan il kil guduns altha, waigien Nung alth het-tligai koguns yenki ā is un itil ūnshidung, waigien hin nung jadas tl shudaian.

⁴³ Waigien shin stung hīlāwon silīd, sta Galilee ā il kaidan.

⁴⁴ Nung prophetga tliga ung gu gum ga tl gutgīdung-ung-gung, Jesus kodan hin gialthandaian altha.

⁴⁵ Waigien tlistleuon Galilee gu il katlagandlu, Galilee haade il isdaian, Jerusalem gu tl lagunang-andlu gin il isdaian wautliwon tl kang-an altha; gai ishin lagunung-ai ā istīidan altha.

⁴⁶ Waigien Cana Galilee tligai gu ijan gu housen il katlagan, gyāgu untl il wine-gēlthdaian gu-a. Waigien Capernaum gu nung itlagada swonshung ijan git stigan.

⁴⁷ Jesus Judæa sta Galilee gu katlas il gudang-andlu, la ā il kaidan gien, il git il tl-ligal-tulai da la alth il kianang-an; il kotulth-dalan altha.

⁴⁸ Gin kang-udsada isgien, gin unkuldung-a ishin dalung kang-gai gūsdlu, gum lthing-an dalung yetda-ung-ashang, waigien hin Jesus il shudaian.

⁴⁹ Nung itlagadas, di git kotulai kōnast lth kāalth, hin nung itlagadas il shudaian.

⁵⁰ Kaidltha, dung git kogun-gung, hin Jesus il shudaian. Nung ilthing-as tliku Jesus il shudaian yetdaian gien il kaidan.

⁵¹ Waigien hawun il kāulgundān il gitsadalung la un istlagan gien, Dung git kogun-gun, hin la tl shudaian.

⁵² Waigien tlistleu ashkoshgutēlthsdlu il ligulthīdai da tla alth il kianang-an. Adalth, ashkoshgit jikwau-gundlu, sti kīnas la sta guīlgun, waigien hin la tl shudaian.

⁵³ Althji alth, Dung git kogun-gung, hin Jesus il shudaian ashkoshgut gūt ijani un il aung ūnshidan; waigien la isgien, lagia nai dsa-ai wautliwon ishin, yetdēilan.

⁵⁴ Jesus Judæa sta Galilee gu katlagandlu, gin kang-ūdsada housen il isdaian ā ijung.