Salmo 55 - Biblia Yanowamö

¹⁶ Ö̦jö ma cui, Yai Bada lija ya nö bayeli nacao. Jeobaanö wale bayeliblaö wä.

¹⁷ Weyade däjä ma cui, fena däjä ma cui, motoca a yo̦lolodayou däjä ma cui, Jeobaa lija ya nö lä bleaale ya wa̦fa wäyämou. Ya wa̦ ca̦i la̦awä faö. Wale a̦ ji̦liaö weicätä.

¹⁸ Wale nabä lä ublajalajei bä bluca ma cui, bä waitelimou däjä, Jeobaanö wale nia bayeliblaö läo.

¹⁹ Yai Bada bei tä yömöca dao wä, yedu jamö a Bada lä bälöono wei, a Bada bälöa lä showale. Bä shijilodou bufio fa mlacunö, Yai Bada tä nö quili taimije yalo, mashita jamö bä möfe nia bomabou.