2 Minwiinmunu lé Wezuofe Sɛbɛ 5 - Kazambale lé Sebe Sauunu 1979

¹ Nyanama faa lé Salomɔn a pa Gakelebale lé kɔn zé nya, a lɛ sɔɔ ’bɛ zo. A zuo gɔɔlifu koo, kyan koo, nyanamapafɛnu faa lé a ti David a pa é yɛrama Bale zé nya, wo koo, é da wo nya yé é wo pa Gakelebale lé kɔ gi fɛwezannu pana.

Wo Balebangikɔn pa é yɛrama

² ’Bɛ zuo, Izraɛl lé mi segelenu koo, Izraɛl bɛn faa nwiinzannu koo, Izraɛl lé guniwuonu koo, Salomɔn wo zén ékeva Jérusalɛm, Gakelebale lé gipawe pagikɛsu lé ke David lé fla Siɔn, a sile ana we gi.

³ Izraɛlnu faa zén ékeva minwiinzan blɛn va, a moné sɔrafiézan nya, we ’ko lé fɛti kɛlɛle we ma.

⁴ Izraɛl mi segelenu faa bɔ aan wo, Lévinu go Bale lé kɛsu nya.

⁵ Bale lé kɛsu koo, zén‐ékevasɔkɔn koo, Bale la nyanamapafɛnu faa lé ke sɔkɔn gi koo, Balebanmunu valé Lévinu go wo nya.

⁶ Minwiinzan blɛn Salomɔn valé Izraɛl munu faa lé é wo laa, ’té wo zén ékeva a va bɛ, wo dɔ Bale lé kɛsu ’lɛ. ’Blanu valé dirinu lé wo ’ka bɔa wo nɔnɔle lɛ wo kiɛre zi lo, wo Bale ban wo nya.

⁷ Balebanmunu go Gakelebale lé gipawe pagikɛsu nya é dɔrana, kɔn gi fɛna sauunna, fɛna sauun tinlena, sérubɛnnu bɛanu wuo.

⁸ Sérubɛn bɛanu a é soile Bale lé kɛsu dɔrana ta loru, yé wo furɔ zén kɛsu valé é siyilinu ta.

⁹ Wa siyilinu kɛlɛ grɔgrɔ fɛan zo, woo wo ’léé yé fɛna sauunna, naa, wo ’ka wo yé béera lo. Bale lé kɛsu vo ana fɔɔ kyɔ yi nya.

¹⁰ Gɔlɛfén ma nyaale fié lé Moizi a pa kɛsu gi Orɛb gɔ ma bléyian va lé Gakelebale gipawe kɛlɛ Izraɛl munu va, ’té wo si Éjipiti tɛrɛ la bɛ, a bléyi va, wo fié ’té ɛ ke kɛsu gi.

^11-13 Dé Balebanzannu a paluoo paluan gizannu nya, wo faa wobo kɛlɛ tegele, yé Lévinu faa lé wo ke lɛrɛvɔzannu nya, Azafa koo, Éman koo, Jédutun koo, wo benu valé wo bwenu koo, wa é dɔle balebanna yirinwanazia, ’té lɛnsɔ zima a é zénle wo ta, ’té kɔanu koo, gitaanu koo, kɔnɔnu koo, wa wo lee, ’té Balebanzan yɔ suiɛdo a wo sɔnɔ, ’té ’bɛnu éé bélinu fɛɛn. Bléyian va lé Balebanmunu si fɛna sauunna, ’té bélifɛnzannu éé bélinu fɛɛn, ’té lɛrɛvɔzannu éé lɛrɛ vɔa, ’té woo Gakelebale tɔ nwaan yé wa tɔ zin fé ékeva bli do nya, ’té bélinu koo, kɔanu koo, lɛrɛvɔvafɛ bɛnu koo, wo dére zuo gi éé goo wele nya, ’té woo Gakelebale tɔ kɛla blɛn a fele nya léé: Gakelebale a é zin, naa, a nyanai éé zén‐é yifaama. Dé wa we ’konu faa kɛlɛna tɔɔn, lati Gakelebale lé kɔn fan.

¹⁴ Lati lé we ma lé Balebanmunu ’ka bɔa vole lɛ ana wolé nyanama pale we gi lo; Gakelebale lé fuasan Gakelebale lé kɔn fan, azama.