1 তীমথিয় 4 - Garo New Testament

তীমথিয়না স্খিয়া

¹ গিসিক রংথালগিবা নাম্মেথাল্লে আগানজক, রি·বাগিবা চাসংও মিত্তাম মান্দিরাং খ্রীষ্টান থরমখো বিবিরা·আওনি চে·ল্লাংনুয়া আরো দাক্কামব্রুআ গিসিক আরো গিসিক নামগিজাগিবারাংনি স্খিয়াওনা গিসিক হ·ন্নুয়া।

² গিসিক সেল·জাজক ইন্দাকা বু·এ চা·গিবা মান্দিরাংনি বু·এ চা·আনা ইন্দাকে হং·নুয়া।

³ বিসং মান্দিখো বিয়াজাখানা গি·য়েতা আরো মিত্তাম চা·আরাংখো নিমখানা আগানা। ইন্দিবা বিবিরা·গিবারাং, জেরাং ইসলনি বিবিখো হা·আইজক, বিসং জেদাক্কে মিৎথেলে চা·আ উনি গিম্মিনান ইয়া চা·আরাংখো ইসল থারিজক।

⁴ ইসলনি থারিয়া গিম্মিক বস্তুরাংআন নাম্মা, উনি গিম্মিন মামুংখো নামজা ইন্নে চানচিয়ে গাল্লা খ্রাজা; ইন্দিবা উখো জেদাক্কে মিৎথেলে রা·চাকা,

⁵ মুয়ানা ইসলনি খাৎথা আরো বি·আচা উয়া রংথালানি হং·আ।

⁶ ইয়া বিদিংরাংখো না·আ জংআদারাংনা হা·আইএতোদে ইন্দিদে খ্রীষ্টান থরমখো বিবিরা·আনি জে বিবিখো আরো খাকখেৎ স্খিয়াখো না·আ মানিয়ে রি·জক, উয়ো চু·সকগিবা হং·এ খ্রীষ্ট যীশুনি সাকসা খ্রাগিবা দাকচাকে হন·গিবা হং·নুয়া।

⁷ ইসলখো রা·এ অলাখিগ্রি গল্পরাংওনি চে·ল্লে দংবো; উরাংদে বুৎচুমারাংনি বানাইয়া গল্পরাং গিত্তা হং·আ। বাত্তেসা ইসলখো অলাখিনা দাকবো।

⁸ বে·এনখো অকখিসা নাম্মা, ইন্দিবা ইসলখো অলাখিয়াও গিম্মিক গিত্তান নাম্মা; উনি গিম্মিন দা·আওনি জাংগিনা আরো রি·বাগিবা জাংগিনা খা·দংআ দংআ।

⁹ ইয়া খাৎথা বিবিরা·না খ্রাগিবা আরো চু·গিম্মিক দাক্কে রা·চাকনাবা খ্রাগিবা হং·আ।

¹⁰ ইনি গিম্মিনান আনচিং জাংগিগাল্লে গাম্মিংআ আরো হা·সিকবিএ কাম দাক্কিংআ, মুয়ানা থাংগিবা ইসলনি সাক্কাও আনচিং খা·দংআ। বিয়ান গিম্মিক মান্দিরাংনি জক্কেৎগিবা হং·আ, মংসংদে বিসংনি জেরাং বিখো বিবিরা·আ।

¹¹ না·আ ইরাংনি গিম্মিনো গি·য়েৎবো আরো স্খিয়েতবো।

¹² না·আ ফান্থি ইন্নে দারাংবা নাং·খো চন্নিকজাখানা। খু·সুক আগানাও, রি·য়া-দোআও, খা·সাও, বিবিরা·আও আরো রংথালাও বিবিরা·গিবারাংচা না·আ দাকফিন্নিকগিবা হং·বো।

¹³ আংনি রি·বাখুজা দিপ্পাৎ না·আ বিবিরা·গিবারাংখো রংথালগিবা শাস্ত্রখো পড়াইএ খিন্নাদিল্লাও, আগানফ্রাকাও আরো স্খিয়েতানি কামও আন·থাংখো বিমচিপে দনবো।

¹⁴ মন্ডলীনি দাল·গিবারাং জেনসালো নাং·নি সাক্কাও বিসংনি জাকখো দন্নামিং উনো আগানসোগিবা গিত্তা দাক্কে খু·সুক আগানানি জে মংসংগিবা হ·ন্নানিখো নাং·না হ·ন্নামিং উখো না·আ দা·আ গাল্লে দন্নাবো।

¹⁵ ইরাংনি গিম্মিনো গিসিক হন·বো; আন·থাংখো চু·গিম্মিক দাক্কে উয়ো দনবো, জেদাক্কে গিম্মিকান ইখো নিকনা মা·ন্না না·আ মিকখাংচানা সক্কাংইংজক।

¹⁶ নাং·নি আন·থাংনি গিম্মিনো আরো নাং·নি স্খিয়ানি গিম্মিনো সিমসাকে দংবো। ইরাংখো দাকসোবো, মুয়ানা উনি গিম্মিনো না·আ আন·থাংখো রাক্ষিনা মা·ন্নুয়া আরো নাং·নি খাৎথাখো খিন্নাগিবারাংখোবা রাক্ষিনা মা·ন্নুয়া।