Thaburi 6 - Kĩrĩkanĩro Gĩa Gĩkũyũ

Ihooya rĩa kũũria ũteithio hĩndĩ ya thĩĩna

¹ MWATHANI, ndũkandũithie ũrĩ na maraakara, o na ndũkaherithie ũrĩ mũraakaru.

² Nginyĩria wega waku, MWATHANI, nĩ ũndũ no kũũrwo ndĩroorwo nĩ hinya; MWATHANI, honia, nĩ amu mwĩrĩ wakwa ũiyũirwo nĩ ruwo.

³ Ngoro yakwa o nayo nĩnyamaarĩkĩĩte mũno. Ĩ, MWATHANI, nĩ rĩ ũkandeithia?

⁴ MWATHANI, hũgũka ũhonokie; honokia, nĩ ũndũ wa ũtugi waku.

⁵ Nĩ gũkorwo ndũririkanagwo kwa arĩa akuũ; nũũ ũngĩgũkumia e kũu kwa arĩa akuũ?

⁶ Gũcaaya gwakwa nĩgũtũmĩĩte njũrwo nĩ hinya; ũtukũ o ũtukũ nĩgũconjoria njonjoragia kamuuto gaakwa na maithori, o na ngacagacia ũrĩrĩ wakwa namo.

⁷ Maitho maakwa matirona wega nĩ kĩeha; nĩmoorĩĩtwo nĩ hinya nĩ ũrĩa thũ ciakwa itũmĩĩte ndĩre.

⁸ Inyuĩ eeki naaĩ, njehereraai nĩ gũkorwo MWATHANI nĩaiguĩte kĩrĩro gĩakwa!

⁹ MWATHANI nĩaiguĩte gũthaithana gwakwa; ihooya rĩakwa nĩarĩtĩkĩrĩĩte.

¹⁰ Thũ ciakwa ciothe nĩirĩconoka, o na inyiitwo nĩ guoya makĩria; irĩhũndũrwo o rĩmwe ituruurĩĩte.