Thaburi 3 - Kĩrĩkanĩro Gĩa Gĩkũyũ

Ihooya rĩa rũũciinĩ rĩa kũũria ũteithio

¹ MWATHANI, kaĩ thũ ciakwa nĩ nyingĩ-ĩ! Andũ arĩa maranjũkĩrĩra nĩ aingĩ mũno!

² Aingĩ nĩ arĩa maraaria ũhoro wakwa makoiga atĩrĩ, “Ndarĩ ũteithio angĩona harĩ Ngai.”

³ No rĩĩrĩ, wee MWATHANI nĩwe ngo yakwa ya kũngitĩra mĩena yothe; nowe ũheaga ũhootani, na ũkanjookia hinya.

⁴ Ngayagĩra MWATHANI andeithie, naake akanjĩtĩka e kĩrĩmainĩ gĩake gĩtheru.

⁵ Niĩ-rĩ, ngomaga na ngoona toro, na rũũciinĩ ngarooka gũũkĩra, nĩ ũndũ nĩ MWATHANI ũmenyagĩrĩra ũtukũ wothe.

⁶ Ndingĩmakio o na nĩ thũ ngiri nyingĩ iria ithiũrũrũkĩirie na mĩena yothe.

⁷ Arahũka, MWATHANI! Ngai wakwa honokia! Nĩ gũkorwo nĩwe ũhũũraga thũ ciakwa ciothe ũgaciagithia hinya wa kũngera ngero.

⁸ MWATHANI nĩ we ũhonokanagia; aroraathima andũ aake!