Thaburi 150 - Kĩrĩkanĩro Gĩa Gĩkũyũ

Goocaai MWATHANI

¹ Goocaai MWATHANI! Goocaai Ngai arĩ kũu gwake gũtheru! Mũkumiei arĩ igũrũ, o kũu gwake kwa hinya!

² Mũgooceei nĩ ũndũ wa ciĩko ciake cia hinya; mũkumiei nĩ ũndũ wa ũrĩa e mũnene!

³ Mũgooceei mũkĩhuuhaga tũrumbeeta; mũkumiei na ngita na inanda!

⁴ Mũgooceei mũkĩhũũraga tamburini mũkĩrũũgarũũgaga; mũkumiei na inanda na mĩtũũrirũ!

⁵ Mũgooceei mũkĩhũũrithanagia thaani iria ng'ambi mũno; mũkumiei na thaani iria ihũũrithanagio ikagamba o kũgamba!

⁶ Ciũmbe ciothe irĩ muoyo nĩigooce MWATHANI! Goocaai MWATHANI!