Thaburi 12 - Kĩrĩkanĩro Gĩa Gĩkũyũ

Ihooya rĩa kũũria ũteithio

¹ MWATHANI, tũhonokie, nĩ gũkorwo rĩu gũtirĩ mũndũ o na ũmwe mwĩhokeku ũtigarĩĩte; andũ arĩa ehokeku matingĩoneka gatagatĩinĩ ka mũingĩ.

² O mũndũ no maheeni areera ũrĩa marigainie naake; maraheenania na tũnua monjore marĩ na ũhinga ngoroinĩ ciao.

³ MWATHANI arotinia mĩromo ĩyo yao ĩheenanagia. Arokiria nĩmĩ icio ciaragia na mwĩgaatho ikoiga atĩrĩ,

⁴ “Tũrĩonaga kĩrĩa gĩothe tũngĩenda na tũnua twitũ; tũriugaga ũrĩa wothe tũrĩendaga kuuga na gũtirĩ o na ũ ũrĩtũgiragĩrĩria.”

⁵ MWATHANI egũkiuga atĩrĩĩrĩ, “Rĩu nĩngwarahũka; nĩ ũndũ athĩĩni nĩahinyĩrĩrie makĩria, na arĩa abataru no gũcaaya maracaaya nĩkũnyamaario. Nĩngũmagitĩra o ta ũrĩa matũire meriragĩria.”

⁶ Ciĩranĩro cia MWATHANI nĩciakwĩhokwo; nĩ theru o ta betha ĩrĩa ĩthereetio maita mũgwanja na mwaki.

⁷ Tũgitagĩre hingo ciothe, MWATHANI, o na ũtũmenyagĩrĩre kuuma harĩ rũciaro rũũrũ.

⁸ Andũ arĩa ooru maracangacanga kũndũ guothe, naguo ũũra thoni no kũgaathĩrĩrio ũragaathĩrĩrio nĩ andũ.