Malaki 4 - Kĩrĩkanĩro Gĩa Gĩkũyũ

Mũthenya wa MWATHANI nĩũrooka

¹ MWATHANI Mwene Hinya Wothe ekuuga atĩrĩ, “Mũthenya nĩũrooka rĩrĩa andũ arĩa etĩĩi na aaganu marĩcinwo ta mahuti. Naguo mũthenya ũcio wakinya, marĩcinwo mathire biũ na hatirĩ kĩndũ kĩrĩoererwo.

² No rĩĩrĩ, inyuĩ mũnjathĩkagĩra nĩmũrĩarĩrwo nĩ hinya wakwa wa kũhonokania o ta riũa, ũmũreehere ũhoro wa kũhonania ta mĩrũri ya rĩũa. Na inyuĩ muumagare mũthiĩ mũgĩtũũhaga ta tũcaũ tũhingũrĩirwo kiugũ.

³ Na atĩrĩĩrĩ, mũthenya ũrĩa ngeeribariba, nĩmũkaahoota arĩa aaganu, nao makaahaana ta rũkũngũ rũrĩ rungu rwa makinya maanyu.

⁴ “Takĩririkaneei kĩrĩra kĩa Musa ndungata yakwa, nakĩo nĩ mawatho na maathani marĩa ndamũhereire kĩrĩmainĩ gĩa Sinai nĩ geetha Aisiraeli oothe mamaathĩkagĩre.

⁵ “No rĩĩrĩ, mũthenya ũcio mũnene na mũrũrũ wa MWATHANI ũtanakinya, nĩndĩrĩmũrekeria mũnabii Elija.

⁶ Naake nĩarĩtũma aciari na ciana macooke kũiguana, nĩ geetha ndikaae gũũka kwananga bũrũri wanyu.”