ዓይኑሞ ማፃኣፖ 3 - ጌኤዦ ማፃኣፖ

ዳውቴ ፔ ናኣዚ ዓብሴሎሜፓ ቶላኒ ጳሽኬያና ዓይናዼ ዓይኑሞ

ማኣዶሮ ጉቴና ሺኢቂንቴ ሺኢጲሢ

¹ ናንጊና ናንጋ ጎዳሢዮ! ሞርካ ታኣኮ ዎዚ ሚርጌዖ! ዓኣፒኒ ዓሲ ታ ዑፃ ፑርቱሞና ዔቄዖ!

² ሜርጌ ዓሳ፦ «ፆኦሲ ዒዛ ዓውሲንዱዋሴ» ጌይ ጌይ ታ ዛሎ ጌስታኔ።

³ ናንጊና ናንጋ ጎዳሢዮ! ኔኤኒ ታኣኮ ጊቲማሢኬ፤ ታ ባሻንዳጉዲ ማሂ ቦንቾ ታኣም ዒንጌሢ ኔናኬ።

⁴ ታኣኒ ዑኡዞ ዼጊዲ ናንጊና ናንጋ ጎዳ ባንሢ ዒላታኔ፤ ዒዚያኣ ፔኤኮ ዱማዼ ዹኮ ዑፃ ማዒ ታ ዒላቶ ዋይዛኔ።

⁵ ታ ላሃኔ፥ ጊንዓኔ፤ ናንጊና ናንጋ ጎዳ ዋንቶ ቢያ ታና ካፔሢሮ ጊንዓስካፓኣ ጊንሣ ታኣኒ ጴጫኔ።

⁶ ዓጮ ታኣኮ ማንጊ ዓኣ ፓይዲንቱዋ ታ ሞርኮ ታኣኒ ዒጊጩዋሴ።

⁷ ናንጊና ናንጋ ጎዳሢዮ! ዔቄ! ታ ፆኦዛሢዮ! ሙኪ ታና ዓውሴ! ታ ሞርኮኮ ባንጋሎ ሜንሤ፤ ዓጮዋ ዔያቶኮ ኬይሴ።

⁸ ዓሲ ዓውሳይ ናንጊና ናንጋ ጎዳኬ፤ ፆኦሲዮ! ዓንጃ ኔኤሲ ኔ ዴሮም ማዖንጎ።