Guyeiti 3 - GALA Daawoo ZɛʋɛiKizogi zeɠeʋɛ Ɠɔoɠɔ GALAGI ʋɔ 1 Davide ná-guyei, siɛgi zu é ɠɛni ʋelazu la ná-doun zunui Aɓasalɔme ʋa. 2 Ee, Ɠɔoɠɔ GALAGI, sìli nuiti mɔinʋɛ gola! Ungo, sìli nuiti mɔinʋɛ gola, ti wuzeɠeai dàalɔɠɔma! 3 Nuiti mɔinʋɛ ti ɠɛɛzu ma nà-faa zu: «Ná-kpɔba nɔpɛ ge la mɔ zɔlɔɔga GALA zea!» Lo! 4 Kɛlɛ ɗɔun ɗa, Ɠɔoɠɔ GALAGI, ɗa ɠa è bɛ̀ ga kɔɔɠɔ zɛpɛgi, ɗa ga mà zaalai, ɗa nɔ̀ungi wuzeɠezu. 5 Nà wooɠulazu Ɠɔoɠɔ GALAGI ma ga kpeei, toɠa yɛsu ná-gize ɲadegai ma, é gòoɠaaʋote. Lo! 6 Gè la, gè ɲi, gè wuzeɠe, mazɔlɔɔ Ɠɔoɠɔ GALAGI ɠa màkɛsu. 7 Gè la lua nu waa mɔinmɔingiti ba, niiti ti dàalɔɠɔma mini-o-mini. 8 Wuzeɠe, Ɠɔoɠɔ GALAGI! Kìzo, nà-GALAGI! Tɔɔzei ɗa sìli nuiti kpein doɠazu ti-woizuʋɛ, ɗa faa ɲɔu ɠɛ nuiti ɲiigaiti galeɠalezu. 9 Ɠɔoɠɔ GALAGI, ɗa ɠa ɗa nu ɠizo. Ɗa-luyai ɠɛ ɗa-nuɓusɛiti ba. Lo! |
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.
Pioneer Bible Translators